Дәрігер науқасты емімен ғана емес, жылы сөзімен де емдей алады. Мен бұған дәрігер-гастролог Әсем Құрманғалиеваның өзімді емдеп жазғанында көзім жетті. Облыстық клиникалық ауруханасына ауыр халде түскенімде өз бақылауына алып, ем-дом жүргізген білікті дәрігерге сүйікті газетіміз арқылы алғысымды жеткізгім келеді.
Адамдардың дәрігерлерге деген көзқарасы кейде біржақты болып кететіні рас. Асқазан жарасымен ауыр халде түскенімде енді тірі қалмайтын шығармын деп келіп едім. Шүкір, ақ халатты жандардың аялы алақаны, одан қалса емі арқылы сауығып кеттім. Әсіресе Әсем Құрманғалиеваның өз ісінің маманы екеніне шүбәміз жоқ. Аурухананың жоғары санатты дәрігері, гастроэнтерелогия бөлімшесінің меңгерушісі.
Күнделікті алдынан қаншама науқас өтеді. Солардың бәрінің көңілін тауып, емін қойып, ауруын жазады. Аурумен тек дәрігер ғана емес, науқас та өз өмірі үшін күресу керек. Он екі күн ем алып, асқазан жарасынан жазылып шықтым. Бөлімшедегі Әсем Кеңесбекқызы бастаған дәрігерлер қауымына шын жүрегіммен алғысымды білдіргім келеді. Әрқашан өз антына адал болып, көптің ықыласына бөлене берсін!
Зәкір Жұматаев,
зейнеткер
Шымкент қаласының тұрғыны
