Мыңнан астам дәрігердің жалақысы өсті Избранное

Среда, 10 Апрель 2019 04:40 Автор  Опубликовано в Әлеумет Прочитано 451 раз

Шымкентте 1128 дәрігер «Ауруларды басқару бағдарламасы» бойынша біліктілігін арттырып, жалақылары 20 пайызға өсті.

DSC 6143

Бұл туралы еліміздің денсаулық сақтау министрлігінің жауапты хатшысы Болат Төкежанов бастаған жұмысшы топтың үшінші мегаполиске жасаған іс-сапары кезінде айтылды. Қала әкімінің орынбасары Гүлжан Құрманбекова күтіп алған министрлік өкілдері қаладағы бірқатар медициналық ұйымдардың жұмысымен танысты.

Министрлік өкілдері көпсалалы №2 аурухана мен қалалық №6 емханаға барды. Сала мамандары №6 емханада «Триаж» жүйесінің жұмыс істеу тәртібі, шұғыл медициналық көмек көрсету, күндізгі станционар жұмысы және қызметкерлердің «Ауруларды басқару бағдарламасы» бойынша жұмыс істеу тәртібімен танысты. Аталған бағдарлама бойынша медициналық ұйымда да 150 медицина маманы оқыту курсынан өтіп, жалақылары 20 пайызға көтерілген.

Жұмысшы топ бұған қоса қалалық диагностикалық орталықта медициналық қызмет көрсету стандарты сынды бірнеше тақырыптар бойынша семинар өткізді.

Айгүл КЕРІМҚҰЛОВА

2004жылы ОҚГА журналистика факультетін бітірген. Еңбек жолы «Шымкент келбеті» газетінде басталған. «Ұстаз жаршысы», «Денсаулық құпиясы», «Оңтүстік Рабат» газеттерінде, «Отырар» телеарнасында жұмыс істеген. 2017 жылдың тамыз айынан бастап  қалалық «Шымкент келбеті» саяси-қоғамдық газетінің тілшісі.