Мүмкіндігі шектеулі жандардың мүддесін қорғауды Мемлекет басшысының өзі басты назарға алып отыр. Оларға қолдау көрсету қоғамның ортақ міндеті. Ал, бұл азаматтардың қоғамда еркін жүріп-тұруы мен еңбек етуіне мүмкіндік туғызу тұрғысында қандай түйіткілді мәселелер бар? 

Жыл сайын елімізде 9 мыңнан аса азаматтың мүгедектігі анықталады. Шымкент қаласында 32 мыңнан аса мүмкіндігі шектеулі азамат бар. Иә, осыншама адам еңбек етуге ынталы болғанымен олардың басым бөлігін жұмыспен қамту мүмкін болмай отыр. Себебі, жарымжан жандарды жұмысқа алуға шыны керек, ықылас таныта қоятын басшылар некен саяқ. Шымкент қаласы әкімдігінің халықты жұмыспен қамту орталығының директоры Ержан Серікбаевпен сұхбатымыз осы мәселе төңірегінде өрбіді.

 

shymkala-11-3

– Ержан Жомартұлы бүгінгі таңда қалада мүмкіндігі шектеулі жандардың жұмыспен қамтылуы нақты қай деңгейде?

– Мүмкіндігі шектеулі жандарды жұмыспен қамту – мемлекеттік саясаттың басым бағыттарының бірі. Осы орайда «Нәтижелі жұмыспен қамту және жаппай кәсіпкерлікті дамыту» бағдарламасы аясында нақты міндеттер белгіленген. Аталмыш жұмыстар негізінен үш бағытта атқарылады. Атап айтқанда, бірінші бағытта – бағдарламаларға қатысушыларды техникалық және кәсіптік біліммен, қысқа мерзімдік кәсіптік оқумен қамтамасыз ету. Екінші бағыт – жаппай кәсіпкерлікті дамыту, үшінші бағытта – халықты жұмыспен қамтуға жәрдемдесу және еңбек ресустарының ұтқырлығы арқылы еңбек нарығын дамыту басты назарға алынған. Бұл бағыт бойынша қала аумағындағы 300-ге таяу мекемемен тығыз байланыс орнаттық.

shymkala-11-2

– Мүмкіндігі шектеулі азаматтардың жұмысқа орналасуда құқықтары қандай?

– Еңбек қарым-қатынасы тұрғысынан мүгедектердің құқықтары заңмен бекітілген. Еңбек келісім-шартынан бас тарту, басқа қызметке ауысу мәселесі мүгедектердің өз келісімінсіз жүзеге аспайды. Егер мүгедектің денсаулығына байланысты еңбекке жарамсыздық танытатын болса, жұмыстан босатылады. Әрбір мүгедек жанның жеке оңалту бағдарламасы болады. Яғни, жұмыс істеуге ынталы болса, оларға сараптама жұмысы жүргізіледі де жұмыспен қамтылу картасы жасалады. Сол жерде кімнің қандай жұмысқа қабілеті жететіндігі көрсетіледі. Жұмыспен көбінесе III топтағы мүгедектер қамтылады. Дегенмен, І-II топтағы мүгедектің еңбекке жарамдылығы анықталса, шектеу қойылмайды. Мүгедектерді жұмыспен қамту үшін кез келген жергілікті атқарушы органдардың жұмыс штабына байланысты квота белгіленген. Квотаны жергілікті атқарушы органдар жұмысшылардың мынадай тізімдік саны бар ұйымдарға:

1) 50-ден 100 адамға дейін – жұмысшылардың тізімдік санының 2 пайыз мөлшерінде;
2) 200-ден 250 адамға дейін – жұмысшылардың тізімдік санының 3 пайыз мөлшерінде;
3) 250-ден артық адам – жұмыскерлердің тізімдік санының 4 пайыз мөлшерінде белгіленген. 

Сонымен қатар Қазақстан Республикасының заң тармақтарына сәйкес зағип жандарды жұмыспен қамту үшін жұмыс орындарын анықтап, кәсіби білім беру де қарастырылған.

 

– Мүгедек жандарды қайта даярлау курсы жайында айтып өтсеңіз.

– Бұл тұрғыда, І – ІІІ топ аралығындағы мүгедек жандар еңбек рыногының сұранысына сәйкес белгілі мамандық бойынша қайта даярлау курсында білім ала алады. Олардың оқу төлемақысы, бір реттік ыстық тамағы, стипендиясы мен жол жүру жеңілдігі мемлекет тарапынан қамтамасыз етіледі. Осы орайда, «Жұмыспен қамту» бағдарламасы шеңберінде техникалық және кәсіптік білімі бар мүгедек жандарды қайта даярлау үшін оларды арнайы бір кәсіпке оқытуды жоспарлап отырмыз. Мәселен азамат аспаз мамандығы бойынша 3 айлық курсты тәмамдап, әлеуметтік жұмыс орындарын ашуына болады. «Жұмыспен қамту» бағдарламасы негізінде ол орталықтың әрбір жұмысшысының еңбек ақысының 35 пайызын біздің орталық төлеп отырады. Ал қалған 65 пайызын жұмыс беруші төлейді. Осындай мүмкіндіктерді зағип жандарға түсіндіріп келеміз.

– Әңгімеңізге рақмет.

 

Сұхбаттасқан
Бибайша Нұржанқызы

Опубликовано в Әлеумет

Бүгінде «екі қолға бір күрек іздеген жандар» үшін атқарар іс жетерлік. Ол үшін салаға сай мамандығың, біліктілігің мен білімің қажет болары сөзсіз. Бұл орайда, мемлекеттік «Жұмыспен қамту-2020» бағдарламасы жұмыссыз жандарды еңбекпен қамтуда оң нәтижесін беруде.

IMG-20170711-WA0039

Бүгінде Шымкент қаласында жұмыспен тұрақты және нәтижелі қамтуға жәрдемдесу арқылы халықтың табысын арттыруды мақсат тұтқан бағдарламаның игілігін сезінгендердің қатары көп. Солардың бірі, кәсіби оқытудың қайта даярлау курсынан өткен қала тұрғыны Бақытжан Молдабеков Шымкент қаласы әкімдігінің «Халықты жұмыспен қамту орталығы» коммуналдық мемлекеттік мекемесінде электр құрылғыларын жөндеуші (электрик) мамандығын игерген. Және алған мамандығы бойынша «Оңтүстік Жарық Транзит» мекемесіне жұмысқа орналасты.

– Бүгінде «жұмыс жоқ» дегенді желеу етіп, бос жүрген жандардың әрекеті ақылға сыйымсыз дүние. Жұмыссыздық деңгейін төмендету бағытында мемлекеттік бағдарламаның баршаға берер тиімділігі мол. Мұнда қысқа оқу курстарынан өту арқылы арнайы мамандық алып, тұрақты жұмыс табуға мүмкіндік мол, – дейді Бақытжан Қамбарбекұлы.

Айта кетейік, бағдарламаның бірінші бағыты – қысқа мерзімді кәсіптік оқыту курстары бойынша биыл Шымкент қаласы бойынша мамандықтар тізбесі бекітіліп, онда 1739 білім алушы білім беру ұйымдарына жолданған. Онда талапкерлер аспаз, тігінші, электрик, кондитер, шаштараз, күтуші, визажист, жиһаз жинақтаушы, электргазбен дәнекерлеуші және тағы басқа жұмысшы мамандықтарын игеріп шығатын болады.

Шымкент қаласы бойынша 1739 білім алушы білім беру ұйымдарына жолданған. Онда талапкерлер аспаз, тігінші, электрик, кондитер, шаштараз, күтуші, визажист, жиһаз жинақтаушы, электргазбен дәнекерлеуші және тағы басқа жұмысшы мамандықтарын игеріп шығатын болады.

Опубликовано в Әлеумет
Пятница, 12 Май 2017 05:33

300 адам жұмыспен қамтылады

Оңтүстіктікқазақстандық 300 азамат Ақмола облысында ірі кәсіпорындардың бірі болып табылатын «Новопэк» компаниясында жұмыс істеуге мүмкіндік алды.

89787 

Мұндай келісімге облыс әкімінің орынбасары Ербол Садыр мен «Новопэк» ЖШС-нің басқарушы директоры Айдар Жақыповпен болған екі жақты меморандум аясында қол жеткізілді.

Солтүстік өңірлерде бүгінгі таңда жұмыс қолының тапшылығы сезіледі. Бұл ретте Оңтүстіктен Ақмола облысына тұрғындарды қоныстандыру мақсатында жасалған меморандум аясында аталған зауыт басшысы Айдар Жақыпов облыстан баратын 300-ге жуық азаматты жұмыспен қамтып, баспана мәселесін шешуге көмектесетінін атап өтті.

Айта кетсек, 2003 жылы негізі қаланған «Новопэк» компаниясы полимерлік қаптама нарығында көшбасшылардың қатарында. Зауыт Австрия, Италия, Түркия және Тайвань елдерінің заманауи құрал-жабдықтарымен жабдықталған. Аумағы 45 мың шаршы метрді құрайтын кешен 600 адамды жұмыспен қамтуға мүмкіндігі бар. Бүгінде өндіріс орны айына 8 млн дана өнім шығарады.

Опубликовано в Әлеумет
Пятница, 17 Февраль 2017 05:48

Кәсіпкерлік: оңтүстік көш басында

Оңтүстік Қазақстан облысы шағын және орта кәсіпкерліктің дамуы бойынша облыстар арасында бірінші орында келеді.  2016 жылдың қорытындысы бойынша, өңірдегі кәсіпкерлік субъектілерінің саны 173 770 жетіп, елдегі осы саладағы үлестің 14,6 пайызын көрсеткен.

DSC 3486

Елімізде бүгінде кәсіпті дамыту бағытында түрлі мемлекеттік бағдарламалар жүзеге асырылуда. Тиісінше қаржы-несиелік қолдау саясаты да жетілдіріліп келеді. Осы қолдаулардың арқасында шағын және орта кәсіпкерлік саны мен олармен өндірілетін өнімдердің көлемі артуда. 

ОҚО әкімінің баспасөз қызметінің дерегіне сүйенсек, өткен жылдың тоғыз айында шағын және орта кәсіпкерлік субъектілерімен өндірілген өнім көлемі 627,6 млрд теңгеге жетіп, 2015 жылдың тиісті кезеңімен салыстырғанда 44 млрд теңгеге немесе 7,5%-ға өскен. Облыстағы шағын және орта бизнестің дамуына үлесін қосып келетін Кәсіпкерлерге қызмет көрсету орталығы бір жыл ішінде 37 232 кәсіпкерге көмек көрсетті. Сонымен қатар, өз ісін бастаймын деген азаматтарға «Жұмыспен қамту – 2020» бағдарламасы аясында 2 339 кәсіпкерге қаржылай (6,6 млрд тг.) қолдау көрсетілді. 

«Бизнестің жол картасы 2020» бизнесті қолдау мен дамытудың бірыңғай бағдарламасының іске асырылуынан бастап жалпы құны 628,3 млрд теңгені құрайтын 1 300 жоба мақұлданып, 17 981 жұмыс орны ашылды. Оның ішінде, 2016 жылы 146,2 млрд. теңгеге 303 жоба іске қосылып, 2 126 жұмыс орны құрылды. 

Ал кәсіпкерлікті қолдау мақсатында, «Оңтүстік» аймақтық инвестициялық орталығы жобаларды 7% мөлшерінде несиелендіруде. Ауылдар мен шалғайдағы елдімекендердегі кәсіпкерлікті қолдайтын орталық 2016 жылы 7,4 млрд. теңгені құрайтын ауыл шаруашылығы бағытындағы 2024 жобаны қаржыландырған. Нәтижесінде 1 635 тұрақты және 3 мыңға жуық маусымдық жұмыс орындары ашылды.

Опубликовано в Қоғам
Пятница, 07 Октябрь 2016 06:49

1 581 азамат жұмыспен қамтылды

Биыл өңірімізде «Жұмыспен қамтудың 2020 жол картасы» бағдарламасы бойынша республикалық бюджеттен 9 млрд теңге бөлінген болатын. Осы қаражат есебінен облыстағы 562 инфрақұрылымдық нысанға жөндеу жұмыстарын жүргізу жоспарлануда.

Еліміздің Денсаулық сақтау және әлеуметтік даму министрлігі баспасөз қызметінің мәліметінше, жөнделетін ғимараттардың 250-і – транспорттық инфрақұрылым нысаны, 97-і – білім беру, 28-і – мәдениет, 20-ы – спорт, 15-і – инженерлік-комуналдық инфрақұрылым, 12-сі – әлеуметтік қорғау және 5-уі – денсаулық сақтау нысандары.

Инфрақұрылымдық жобалардың іске асырылуы 3 680 жұмыс орнын құруға мүмкіндік береді, оның ішінде 2 мыңға жуық адам жұмыспен қамту орталықтары арқылы орналастырылады.
Айта кетсек, бүгінгі таңда 83 жобаның іске асырылуы басталды, оның шеңберінде 1 581 адам жұмысқа тұрды, олардың ішіндегі 861 адам «ЖҚЖК – 2020» бағдарламасына қатысушылар.

Опубликовано в Әлеумет
Пятница, 26 Август 2016 09:43

Жәрмеңке жалғасын тапты

Шымкентте өткен бос жұмыс орындары жәрмеңесіне 232 мекеме 2 мыңнан астам жұмыс орны ұсынылды. Оған қала әкімі Ғабидолла Әбдірахымов, «Нұр Отан» партиясы Шымкент қалалық филиалының төрағасы Өмірзақ Мелдеханов, тағы басқа азаматтар қатысты.

 MG 0412

Жәрмеңкеде білім саласы бойынша – 348, денсаулық сақтау саласы бойынша – 109, қызмет көрсету саласы бойынша – 606, өнеркәсіп саласы бойынша – 344, құрылыс саласы бойынша – 557, мәдениет және спорт саласы бойынша 36 маман қажет екені белгілі болды.

Ал биыл «Жұмыспен қамту 2020 жол картасы» бағдарламасын жүзеге асыру мақсатында 4443 азаматты тұрақты жұмысқа орналастыру көзделген. Бұдан бөлек 1160 азаматты әлеуметтік жұмыс орындарына, 2070 жас түлекті жастар практикасына, 160 адамды кәсіби оқытуға, 500 азаматты қоғамдық жұмысқа тарту жоспарланып отыр.

Айта кетейік, бос жұмыс орындары жәрмеңкесі осы жылы үшінші мәрте ұйымдастырылуда. Бірінші жәрмеңкеде 821 азамат жұмысқа орналасса, ал екінші жәрмеңкеде мүмкіндігі шектеулі 125 жан «екі қолға бір күрек» тапқан.

Опубликовано в Қала
Пятница, 12 Август 2016 06:10

Тәуекел еткенге жұмыс табылады

өзге өңірлер сіз таңдаған мамандыққа зәру

 

Демографиялық өсімі жағынан елімізде көш бастап тұрған оңтүстік өңірінде туу көрсеткіші басым. Әрбір бесінші бала осы өңірде дүниеге келеді. Ал солтүстік өңірлерде керісінше, өзге өңірлерге қоныс аудару дерегі артып, жергілікті халықтың өсімі баяулай түскен. Қалыптасқан жағдайды ретке келтірудің бірден-бір жолы ретінде «Жұмыспен қамту – 2020 жол картасы» бағдарламасы шеңберінде еңбек ұтқырлығын арттыруға баса ден қойылуда. Ондағы мақсат – ел азаматтарын ерікті түрде еңбек ресурсы тапшылығы сезіліп отырған аудандарға қарай экономикалық тұрғыдан оңтайлы етіп орналастыру.

molodezhnaja praktika-azh.kz

900 ОТБАСЫ СОЛТҮСТІК ӨҢІРГЕ ЫҚЫЛАС ТАНЫТҚАН 

 

Биыл Оңтүстік Қазақстан облысынан солтүстік өңірге қоныс аударуға 900-ге таяу отбасы құжат тапсырған. Қазір солтүстікке көшкісі келетін азаматтардың мамандығы анықталып, олардың түйіндемелері жұмыс берушілерге жіберілуде. Бұл орайда, қалалық «Жұмыспен қамту орталығы» КММ-і директорының міндетін атқарушы Арслан Өтегеновтің айтуынша, бағдарламаға қатысушылар тұрақты жұмыспен және баспанамен қамтылатын болады.

– Қоныстандыру көшіп-қону ғана емес, оның негізгі мәні – солтүстік, шығыс облыстарды қазақыландыру. Мектептері мен балабақшалары, басқа да әлеуметтік нысандары тұрғындардың аздығынан жабылуға шақ тұрған ауылдардың тіршілігін түзеу. Қоныс аударушылардың есебінен елдің солтүстік өңірлерінде балабақша мен мектептерде бала санын арттыруға да мүмкіндік бар. Бұдан бөлек, жұмыс күшіне мұқтаж болып отырған шаруашылықтардың жағдайы да түзелмек. Яғни, бір-бірімен жіпсіз байланған өзекті мәселелердің түйіні тарқатылады, – дейді Арслан Исламханұлы.

image0108Бұл ретте, негізінен бағдарламаға қатысу үшін ауылдық жерлерден көшіп баратындарға үлкен басымдық берілген. Себебі, аграрлы өлкеден барғандар ауыл шаруашылығы жұмыстарын дамыта алады. Ондағы жайылымдық жерлер мал шаруашылығын дамытуға өте оңтайлы. Ең бастысы, олардың жергілікті адамдармен етене араласып, сіңісіп кетуіне, жай-күйін түзеп алуына барлық жағдай жасалмақ. Қоныс аударушы үйдің отағасына мемлекет тарапынан 105 мың теңге, ал отбасының өзге мүшелеріне 75 мың теңге қаржылай бір реттік көмек көрсетіледі. Баспанамен, жұмыспен қамтылады.

Биыл күні бүгінге дейін Оңтүстік Қазақстан облысынан солтүстік өңірлерге 70-тен астам отбасы қоныс аударыпты. Бұл қатарда, Шымкенттен Петропавл қаласына көшіп барған 11 отбасы бар. Олар ең алдымен, көлік жүргізуші, тракторшы, механизатор, мұғалім, дәрігер, заңгер мамандықтары бойынша іріктеліп алынған. Мәселен, бұған дейін жұмыссыз атанып, бағдарламаға қатысуға ниет білдірген Күлайхан Рахмет бүгінде жанұяда барлығы 4 адам болып, Петропавл қаласына қоныс аударуға шешім қабылдаған. Бүгінде жанұя мүшелері баспанамен қамтылып, отанасы жергілікті БАҚ саласында тілші қызметін атқаруда. Сондай-ақ, көпбалалы ана Гаухар Мәмбетәлиева сондағы Уәлихан ауданында заңгерлік мамандығы бойынша қызметке кірісіпті.

 

ЖҰМЫСПЕН ҚАМТУ БАҒЫТЫНДАҒЫ ТҮБЕГЕЙЛІ ӨЗГЕРІС

 

Бүгінде қала тұрғындарының 370 мыңы экономикалық белсенді, яғни, қызмет жасына лайықты болып табылады. Дегенмен, мұндағы жұмыссыздық деңгейі 5,2 пайызды құрауда. Нақ осы кезеңде 93 отбасы, яғни, барлығы 388 адам кедейлік шегінде есепке алынуда.

Мекеме мамандарының берген мәліметі бойынша, «Жұмыспен қамту – 2020 жол картасы» бағдарламасы жарияланған 5 жыл уақыт мерзімінде 35 мыңнан астам қала тұрғынына түрлі әлеуметтік қолдаулар көрсетілген. 

Биылғы бос жұмыс орындары жәрмеңкелеріне жалпы саны 291 мекеме қатысып, 3 576 бос жұмыс орындары ұсынылды. Нәтижесінде, 5 200 қала тұрғыны түйіндеме тапсырып, оның 909-ы жұмысқа орналасты. Оның ішінде 816-сы тұрақты жұмысқа, 84-і жастар практикасына, 9 азамат ақылы қоғамдық жұмыс орындарына жолданды.

Орталық мамандарына биылғы өткен 7 ай уақыт мерзімінде жұмыспен қамту бойынша 14 579 азамат өтінішпен келіпті. Оның 10 834-і, яғни 74,3 пайызы бос жұмыс орындарына жолданған.

Халықтың тұрмыстық әлеуетін арттыруға бағытталған бағдарламаның игілігін сезінгендер қатарында жоғары және орта арнаулы оқу орындарын тәмамдаған жас түлектер де бар. Биыл жергілікті қазынадан 474 миллион теңге көлемінде қаржы қаралып, оған 2 070 жас түлекті жұмыс орындарына жолдау көзделген. Қазірге дейін-ақ, 562 жұмыс беруші мекемеге 2 241 жас маман жолданып, тапсырма 108,2 пайызға орындалыпты.

Шымкент қаласы тұрғындарының 370 мыңы экономикалық белсенді, яғни, қызмет жасына лайықты болып табылады. Жұмыссыздық деңгейі 5,2 пайызды құрайды. 93 отбасы, яғни, барлығы 388 адам кедейлік шегінде есепке алынуда.
«Жұмыспен қамту – 2020 жол картасы» бағдарламасы жарияланған 5 жыл уақыт мерзімінде 35 мыңнан астам қала тұрғынына түрлі әлеуметтік қолдаулар көрсетілген.

Сондай-ақ, 160 азамат қайта даярлау курстарынан өтіп, бүгінде тігінші, туристтік агент, электр маманы, желілік құбыр салушы, шаштараз, токарь, слесарь сантехник, дәнекерлеуші мамандықтары бойынша жұмысқа орналасқан. Айта кетер тағы бір дүние, тың идеямен жаңа кәсіп бастағыңыз келсе, қала жастары үшін орталықта 6 пайыздық мөлшерлемемен 6 миллион теңгеге дейін несие алуға мүмкіндік бар. Кешенді жобаларды жүзеге асыру барысында мамандар жүйелі түрде кеңес жәрдемін көрсетуге де әзір.

«Жұмыспен қамтудың жол картасы – 2020» бағдарламасына енгізілген өзгерістер бойынша 55 пен 64 жас аралығындағы азаматтар да жаңа мамандықты игеруіне мүмкіндік бар. Зейнеткерлік жасына жақындаған жұмыссыз азаматтарды оқыту және әрі қарай жұмыспен қамту мақсатында арнайы оқу бағдарламалары (қайта даярлау) ұйымдастырылуда. 3 айлық курстан өту үшін азаматтар білімін растайтын құжаттың көшірмесі, мекен-жай анықтамасы, №086 нысандағы үлгі бойынша медициналық анықтама, еңбек кітапшасының көшірмесін орталық мамандарына тапсыруы қажет.

«Жұмыспен қамту 2020 жол картасы» бағдарламасының үшінші бағыты шеңберінде Әкімшілік-іскерлік орталығы аумағынан 9 қабатты жатақхана құрылысын салу көзделген. Оған Ұлттық қор есебінен 371,7 миллион теңге қаржы бөлініп, құрылысын «Компания Три-А +» ЖШС мердігер мекемесі жүргізуде. Жыл соңына дейін пайдалануға берілетін 297 орынды жатақхана ғимаратына 29 жасқа дейінгі белгіленген мерзімде қызмет ететін жастар қоныстанатын болады.
Айтпақшы, Шымкент қаласының жұмыспен қамту бөлімінде жуырда «Call-центр» қызметі іске қосылды. Бұл өз кезегінде, қалаға жаңа қосылған елдімекен тұрғындарын «Әлеуметтік қорғау және Азаматтық хал актілерін тіркеу мәселелері» бойынша көрсетілетін көмектердің қолжетімділігін қалыптастыруға септігін тигізуде. Мамандар «Саll-центр» қызметіне қазірдің өзінде 3 мыңнан астам азаматтан түрлі сауалдар келіп түскенін айтады. Сала мамандарына қояр сауалы болса, тұрғындардың 1300 тікелей желісіне не болмаса 27-04-43 байланыс сымтетігіне және Этот адрес электронной почты защищён от спам-ботов. У вас должен быть включен JavaScript для просмотра. электронды мекен-жайына хабарласу мүмкіндігі бар.

 

Опубликовано в Әлеумет
Пятница, 22 Июль 2016 09:06

Екi қолға бiр жұмыс

IЗДЕГЕНДЕРДIҢ ҮМIТI АҚТАЛУДА

Жұмыссыздық – бүгінгі қоғамда өзектілігін жойған емес. Екі қолға бір күрек таба алмай жүргендерді кез келген елден табуға болады. Жұмыссыздық деңгейі әзірге көп елдерде тұрақтала қойған жоқ. Сондықтан, бұл мәселе экономикасы тұрақты, дамыған мемлекеттерді де алқымынан алып тұрғаны жасырын емес.


shutterstock 130449392

Соңғы жылдарда жиі бой көрсеткен жаһандық қаржылық қиындықтардың ұшқыны біраз елге кері әсерін тигізгені анық. Дамудың даңғыл жолына түскен Еуропаның алдыңғы қатарлы елдерінде жұмыссыздық мәселесі әлі күнге күн тәртібінде тұр. Қарт құрлық елдеріндегі жұмыссыздық деңгейінің орта көрсеткіші 15 пайызға дейін жетсе, жастар арасындағы жұмыссыздық 25 пайыздан асыпты. Бұл ретте, жастар арасындағы жұмыссыздықтың өсім көрсеткіші бойынша Солтүстік Африка және Таяу Шығыс елдері алдыңғы қатарда. Мұндағы жастар арасындағы жұмыссыздық деңгейі 27 пайызды құрайды.
Қазақ еліндегі жұмыссыздық деңгейі еуроаймақтағы кейбір мемлекеттермен салыстырғанда әлдеқайда төмен. Елдегі жұмыссыздық деңгейі – 5 пайызға тең. Әлемдегі алпауыт ел АҚШ-тың өзінде қазір жұмыссыздық деңгейі 5,5 пайызды құрап отырғанын ескерсек, бұл тәуір көрсеткіш.

Қала халқы еңбекке қабiлеттi

Жалпы, бүгінде Шымкент қаласының экономикалық белсенді халық саны 370 мың адамды құраса, ондағы 350 мың адам тұрақты жұмыс орнымен қамтылған. Яғни, жұмыссыздық деңгейі 5,2 пайызды құрайды.
Қалалық жұмыспен қамту және әлеуметтік бағдарламалар бөлімі басшысының міндетін атқарушы Бауыржан Қуанышбековтің айтуынша, жұмыссыздықтың деңгейін төмендетуге бағытталған кешенді іс-шаралар жоспары өз нәтижесін беріп келеді. Мәселен, мемлекеттік «Жұмыспен қамту – 2020» бағдарламасы аясында тек үстіміздегі жылдың өткен 6 айында 1387 адам тұрақты жұмыспен қамтылған. Мекемелер мен кәсіпорындардың сұранысына орай, қызметіне жаңа кіріскен 160 адам қайта даярлау курстарынан өтіпті.
– Аумағы ұлғайып, тұрғындарының саны артқан Шымкент шын мәнінде мегаполис қала ретінде қалыптасып келеді. Тек үстіміздегі жылдың 6 айында 7 жарым мыңға таяу сәби дүние есігін ашыпты. Осындай өсім көрсеткішімен облыс орталығы алдағы 1–2 жылда миллиондық межені бағындырмақ. Экономикалық һәм әлеуметтік тұрғыдан өсіп, өркендеген алып шаһарда іздеген адам үшін лайықты жұмыс табылады. Тек еңбекке деген ынта-жігер болса болғаны, – дейді Бауыржан Шераханұлы.
Ел экономикасының өсуіне жұмыссыздық деңгейі айтарлықтай әсер етері сөзсіз. Сол себептен де, мемлекеттік бағдарламалар шеңберінде заман талабына сай, мамандарды даярлау, қайта оқыту және тәжірибеден өткізу – бөлім тарапынан жүйелі түрде жүзеге асып келеді. Біліктілігі мен бағдарын қалыптастыру бағытында жыл басынан бері 1838 жас түлекке «Жастар практикасы» бойынша жұмыс орнына жолдама беріліпті. Сондай-ақ, өмірлік арман-мұратын орындауға құштар мүмкіндігі шектеулі жандар да қоғам назарынан тыс қалған емес. Биыл 2 рет ұйымдастырылған жәрмеңкенің нәтижесінде, 302 мүмкіндігі шектеулі азамат тұрақты жұмыс орнымен қамтылған. Ең бастысы, тұрақты жұмыс орнын іздеген жандарға жуырда пайдалануға берілген қалалық жұмыспен қамту орталығы да сапалы қызметін ұсынуға әзір.
Айта кетейік, шалғай орналасқан шағынаудан тұрғындары үшін әлеуметтік қорғауды жеңілдету, оңтайландыру мақсатында қалалық жұмыспен қамту және әлеуметтік бағдарламалар бөлімінде арнайы Call-center қызметі іске қосылған. Яғни, бөлім мамандарынан қандай да бір кеңес алуды ойға алған азаматтар 13-00 немесе 57-04-43 телефон нөмірі арқылы хабарласуына болады.

Опубликовано в Әлеумет
Среда, 29 Июнь 2016 04:16

546 мекеме жұмыс ұсынды

Оқытушы-педогогтар мен техникалық мамандықтарға әлі де болса қажетті жұмыс қолы жетіспейді. Осы орайда, қаладағы мемлекеттік мекемелер мен кәсіпорындарда бар бос жұмыс орындары үшін «Орталық» саябақта мүмкіндігі шектеулі және жұмыссыз азаматтарға арналған бос жұмыс орындары жәрмеңкесі өтті.

snapshot20130801192237

Жәрмеңкенің ашылу рәсіміне қала әкімінің орынбасары Гүлжан Құрманбекова, қалалық мәслихат хатшысы Нұрлан Бекназаров қатысты.
– Бүгінгі жәрмеңкеге қала аумағында орналасқан 546 кәсіпорын мен мекемелер қатысып, бос жұмыс орындарын ұсынуда. Бұл қатарда, 1570 азамат пен 800-ге таяу мүмкіндігі шектеулі жандарды жұмыс орнымен қамтуға мүмкіндігіміз бар. Сондай-ақ, 2 мыңнан астам жас түлек «Жастар практикасы» бағдарламасы аясында қызмет таба алады, – деп атап өтті қала әкімінің орынбасары.

Опубликовано в Қоғам
Среда, 27 Апрель 2016 06:19

Еңбек еткеннiң еңсесi биiк

Елбасының қолдауымен дүниеге келген «Жұмыспен қамту – 2020 жол картасы» бағдарламасы уақыт өткен сайын елімізде өз тиімділігін арттырып келеді. Шымкент қаласында осы бағдарламаның көмегімен бірталай жобалар іске асып, талай отбасылардың әл-ауқатын жақсартуға нақты шаралар атқарылуда.

Ел игiлiгiн көздейтiн бағдарлама

Осы бағдарламаның арқасында облыс орталығындағы жұмыссыздық деңгейін төмендетуге қол жеткізілді. Себебі, «Жұмыспен қамту – 2020 жол картасын» жүзеге асыру нәтижесінде еңбек нарығындағы қатынастардың белсенділігі жүйелі түрде артып келеді. Мәселен, жұмыспен қамту органдарына 2015 жылы 19 834 адам жұмысқа орналасу жөнінде өтініш білдіріп, оның 78,9 пайызы (15 648) жұмысқа орналыстырылды.

DSC 0923

Бағдарламаның маңызды бағыттарының бірі – инфрақұрылымды және тұрғын үй-коммуналдық шаруашылықты дамыту есебінен жұмыспен қамту. Бұл әсіресе Оңтүстік үшін ерекше мәнге ие. Осы бағыттың аясында әрі ескірген нысандарды күрделі жөндеуден өткізіп, әрі жұмыс орындарын ашуға мүмкіндік туды. «Жұмыспен қамту – 2020 жол картасы» бойынша тұрғын үй-коммуналдық шаруашылық объектілерін күрделі, орташа және ағымдағы жөндеу (сумен жабдықтау, кәріз объектілері, газбен, жылумен, электрмен жабдықтау жүйелері), әлеуметтік-мәдени объектілерді (білім беру, денсаулық сақтау, әлеуметтік қамсыздандыру, мәдениет, спорт, ойын-сауық және демалыс объектілерін) күрделі және ағымдағы жөндеу, инженерлік-көлік инфрақұрылымын күрделі, орташа және ағымдағы жөндеу (қалалық автомобиль жолдары, кентішілік және ауылішілік жолдар, кірме жолдар) көзделген. Сонымен қатар ауылдық жерлердегі фельдшерлік-акушерлік пункттер, дәрігерлік амбулаториялар салу, елді мекендерді абаттандыру мен мүгедектердің және халықтың жүріп-тұруы шектеулі топтарының қолжетімділігін қамтамасыз ету үшін әлеуметтік-мәдени объектілерді, инженерлік-көліктік инфрақұрылымға күрделі, ағымдағы жөндеу жүргізіледі.

 

Осы бағыт бойынша Шымкент қаласындағы 5 инфрақұрылымдық жобаларды іске асыруға былтыр республикалық бюджеттен 496 миллион теңге бөлініп, онда ашылған 216 жұмыс орындарына жұмыспен қамту орталығы тарапынан 108 жұмыссыз азамат жұмысқа орналастырылды. Жалпы, ағымдағы жылдың 3 айында облыста қосымша бөлінген негізінде жұмыспен қамтудың Кешенді жоспары әзірленіп, бағдарламаның іске асыру механизмдері мен қатысушылар контингенті анықталды. Осы жоспарға сәйкес, облыста «Жұмыспен қамту – 2020 жол картасы» бағдарламасының бірінші бағыты бойынша 84 жобаны жүзеге асыру үшін республикалық бюджеттен 4 миллиард тенге бөлінді. Жобаны жүзеге асыру барысында 1511 жұмыс орындарын ашу жоспарланып, 775 адамды жұмыспен қамту орталықтары арқылы жұмысқа орналастыру көзделуде.

Iздегенге жұмыс бар

«Жұмыспен қамту – 2020 жол картасы» бағдарламасы – қарапайым халықтың игілігіне бағытталғаны айдан анық. Жұмыссыз жүргендер мен аз қамтылған азаматтар, жастар мен мүмкіншілігі шектеулі жандар үшін – «Жұмыспен қамту – 2020» бағдарламасы жасалған. Мәселен, бағдарлама қабылданғалы бері республикалық бюджеттен 51,1 млрд теңге бөлініп, облыс бойынша 190,1 мың адамға әлеуметтік қолдау шаралары көрсетілді. Оның ішінде 19,4 мыңнан астам Бағдарламаға қатысушылар оқыту және қайта даярлаудан өтті. Қатысушылардың 96,5% оқуды аяқтап жұмысқа орналастырылды. Ал 1500-ге жуық адам (480 отбасы) облыстың әлеуеті төмен елді мекендерден Шымкент қаласына қоныс аударды. Қоныс аударғандардың ішінен еңбекке қабілетті 614 адам жұмыспен қамтылды.
Кәсіби оқу мен қайта даярлау да бағдарламаның маңызды бағыттарының бірі. Себебі, бұл нарықта сұранысқа ие мамандықтар бойынша курстарға жолдама беріп, кейінгі жұмысқа орналастыруды көздейді. Кәсіби оқыту бойынша былтыр 14 миллион 884 мың теңге бөлініп, толығымен игерілді. 2015 жылға жоспар бойынша 148 жұмыссыз азамат қайта даярлау курсынан өту керек болса, жоспар толығымен орындалды. 2012 жылдан өтпелі кәсіби оқуды аяқтаған 696 адам, аяқтағандардың 99 пайызы тұрақты жұмыспен қамтылды. Тоғыз адам белгілі себептерге байланысты жұмысқа орналаспады. Бес азаматша жүктілігіне байланысты, ал 4 азаматша бала күтіміндегі демалыста болуына байланысты жұмыспен қамтылмады.
Жұмыс орындарының жалпы санының 3 пайызы мөлшерінде мүгедектер үшін жұмыс орындарына квота белгілеу бойынша 2015 жылғы жоспарланған 309 адамның 312-і немесе 101 пайызы орындалды. Әлеуметтік жұмыс орындарына – 47, қайта даярлау курсына – 11, жаңа жұмыс орындарына – 22, жастар практикасына – 16, қоғамдық жұмыстарға – 40, бос жұмыс орындарына – 50 мүмкіндігі шектеулі азаматтар жолданды.
Биылға арналған кешенді жоспарды іске асыру аясында Шымкент қаласында 11 592 адамды жұмыспен қамту жоспарланған. Оның ішінде жұмыссыздардың жылдық жоспары – 10 049 адам, өздігімен жұмыспен қамтылғандардың жылдық жоспары 1543, табысы аз адамдардың жылдық жоспары – 455. Кәсіби оқу бойынша 160 жұмыссыз азаматты қайта даярлау курсынан өткізу көзделген. Бұл курсты ойдағыдай бітірген тұрғындардың лайықты жұмысқа орналасуына жағдай жасайды.

Ескендір ДОСАЛЫ

Опубликовано в Қоғам
Страница 1 из 2