Неонаталды хирургия қызметі өз жұмысын бастағалы дәрігерлер жеті сәбиге ота жасап, аман алып қалды.
Перинаталдық орталық ішінде сәбилерге күрделі операция жасау үшін қажетті заманауи техникалар мен құрал-жабдықтар сатып алынды. Сондай-ақ, хирург-неонаталог, анестезиолог-реаниматолог, неонатолог-реаниматолог мамандармен толықты.
Айта кетейік, перинаталдық орталық жүкті әйелдер мен нәрестелерге жоғары деңгейдегі арнайы медициналық көмек көрсететін қаладағы жетекші медициналық ұйым болып есептеледі.
Шымкент қаласы әкімінің баспасөз қызметі
