Қоғамдық көліктерде жолақыны көтеру – өзекті мәселе. Бұл әлі де жан-жақты зерделеуді талап етеді. Тасымалдаушылар тарапынан көрсетілетін қызметтердің сапасы жақсарып, жолаушыларды тасымалдау қауіпсіздігі қамтамасыз етілген жағдайларда жолақыны көтеруге болады. Алайда, бұл жағдайда азаматтардың кейбір санаттарына, әсіресе, халықтың әлеуметтік осал топтарына жеңілдіктер беру мәселесі қарастырылады.
Өз кезегінде әкімдік тасымалдаушылардың жауапкершілігін күшейтуді, автопарктерді жаңартуды жалғастыруды жоспарлап отыр. Бұл ретте экологиялық ахуалды жақсарту үшін әлеуетті инвесторлармен электробустар немесе көліктің басқа да баламалы түрлерін енгізу бойынша келіссөздер жүргізілуде.
Бұл мәселелерді шешу және жолаушыларға қолайлы жағдай жасау белгілі бір уақытты қажет етеді.
Шымкент қаласы әкімінің баспасөз қызметі
