1. Оқушыларға Tolem картасын қалай рәсімдеуге болады?
– Мектеп оқушыларына Tolem картасын рәсімдеудің 2 жолы бар. Біріншісі – Телеграм-бот арқылы, яғни, электрлі билет әдісі. Қазіргі таңда телеграм бот желісі жаңартылып, қызмет алу жеңілдеді. Екіншісі – Tolem фронт-офисіне барып, жазбаша өтінім беру. Мекенжайы: Жангельдин көшесі, 1.
2. Ол үшін қандай құжаттар қажет?
– Картаны рәсімдеу үшін баланың туу туралы куәлігі және 3-4 см шамасындағы суреті керек. Фотосуретті қағазға басып шығарудың қажеті жоқ, анық түскен электронды форматтағы сурет жеткілікті. Тағы бір айтарымыз, оқушыны ертіп келу міндетті емес, ата-анасының бірі құжаттарымен келсе болады. Дайын картаны осы мекенжайдан, ата-анасының бірі алып кете алады.
3. Ал оқушы картасын жоғалтып алған жағдайда не істеуі керек?
– Оқушы Tolem картасын жоғалтқан жағдайда ата-анасының бірі құжаттармен Tolem фронт-офисіне келіп, өтініш жазады. Содан кейін 10-14 күннің ішінде жаңа карта ала алады және жоғалған картадағы ақшаны қайтаруға болады.
4. Tolem орталығының call-орталығы бар ма?
– Жеке call-орталық жоқ, дегенмен, тұрғындар картаға қатысты сұрақтармен I-komek қызметінің 109 нөміріне хабарласа алады. Картаны рәсімдеген соң дайын болғанын да осы нөмірден білуге болады.