Алғашқы кездесу бекітілген кестеге сәйкес Асар шағынауданында өтті. Асарлық белсенді тұрғындар аудан әкімімен танысып, елді мекеннің негізгі ахуалын атап өтті. Сондай-ақ, өзекті әрі шешімін табуды қажет ететін мәселелер де айтылмай қалған жоқ.
Алға тартқан маңызды мәселелер қатарында «Нұрлы көш» бағдарламасы аясындағы үйлер бойынша тұрғындардың құжат рәсімдеу жұмыстары, спорт және ойын алаңшалары салу қажеттілігі айтылды. Өз кезегінде аудан басшысы Рақымберді Жанысбекұлы барлық мәселелердің орындалуы бойынша атқарылып жатқан жұмыстарды жүйелі бақылауына алатынын ескертті.
Кездесу соңында елді мекен ақсақалдары аудан әкіміне батасын беріп, жұмысына сәттілік тілеп өз қолдауларын жеткізді.
Еске сала кетейік, бұл бағыттағы кездесулер аудан аумағында бекітілген кестеге сәйкес жалғасатын болады.
