увеличить размер шрифта
Қаратау ауданындағы «Әбсаттар Сманов» мешітінде «Рамазан қоржыны» атты қайырымдылық шарасы ұйымдастырылды. Жалпы, іс-шара барысында көпбалалы, мүмкіндігі шектеулі 170 отбасыға азық-түлік салынған «Рамазан қоржыны» таратылды.
Мешіт имамы Берік Шотабеков шаһардың бас имамының құттықтауын жеткізіп, игі іс-шараға қаржылай қолдау көрсеткен барша азаматтарға алғыс білдірді. Сонымен бірге ҚМДБ-ның бастамасына орай еліміз бойынша тұңғыш рет мектеп жасындағы 7 мың жасөспірімге түрлі тәттілер салынған «Рамазан тәттісі» қорабы таратылды.
Қайырымдылық іс-шарасы қала бойынша «А.Қаттани», «Сабыржан ата», «Байғұт баба», «Әл-Біләл», «Нұр-Төбе», «Сайрам» т.б. мешіттерінде өткізілуде.
Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Қоғамдық-саяси газет қаланың тыныс-тіршілігін сипаттап, жаңалықтармен хабардар етеді.
