Бүгінде жалпы саны 250-ден аса бала Шымкент қаласының туристік нысандарымен танысты. Балалар мен жасөспірімдерге орталықтың гид-экскурсоводтарының жетекшілігімен әр нысанның мән-мазмұны туралы нақты деректер негізінде ақпараттар берілді. Экскурсия бағдарламасының барысы тек ақпаратпен шектелмей, оқушылардың өзара достық қарым-қатынас орнатуларына да ықпал етті.
–Барлығымыз үшін ең қымбат естеліктер – ол бала кезіміздегі сәттер. Апталықтың басты мақсатының бірі – жасөспірімдерге керемет саяхат ұйымдастыра отырып, өмір бойы жадында қалатын естеліктер сыйлау болатын. Сондықтан, бағдарламаға қаланың ең танымал туристік орындары біріктіріліп, апталық барысында 10-нан аса нысанға тегін экскурсия жүргізілді, - деді «Visit Shymkent» туристік ақпараттық орталығының басшысы Ерлан Умаров.
Апталық алдағы уақытта жалғасын табады.
