Мұнда күндіз балаларға 17 кабинет терапевтік, 4 кабинет хирургиялық қызмет көрсетеді. Түнгі ауысымда 3 дәрігер мен 2 медбике жұмыс істейді. Емхана өкілдерінің мәліметінше, түнгі ауысымда бір күнде орта есеппен 17-25 бала ем алуға келеді. Ал күндіз бала саны 500-600-ге дейін барады. Балаларға арналған бөлімде осы уақытқа дейін бір кабинет жұмыс істеген. Сондықтан ата-аналарға балаларымен ұзақ уақыт кезекте тұруларына тура келген.
Осындай келеңсіздіктің алдын алу үшін қалалық денсаулық сақтау басқармасының басшысының тапсырмасына сәйкес, емхана басшылары түнгі ауысымда екі кабинетті іске қосты. Қазір түнгі ауысымда балалар үшін үш кабинет жұмыс істеуде. Нәтижесінде ата-аналар мен балалардың кезегі азайып, уақтылы ем алуға қолайлы жағдай жасалды.