Шымкент – бұрыннан мәдениет пен руханияттың, ынтымақ пен бірліктің ордасы. Еліміздегі ең шуақты шаһар. Қонақжай қала. Естеріңізде болса, 2017 жылы 11 қазанда Сочиде өткен ТМД мемлекет басшылары кеңесінің отырысында Қазақстанның Шымкент қаласы 2020 жылы Тәуелсіз мемлекеттер достастығының (ТМД) мәдени астанасы болып жарияланған еді. «Достастықтың мәдени астаналары» мемлекетаралық бағдарламасы аясында 2018 жылы Арменияның Горис қаласы, 2019 жылы Беларусьтің Брест қаласы таңдалған.

 e172e71f4267b238564a9037c33ef64d

Шымкентте туризмді дамытудың мүмкіндігі жоғары

Шымкент ТМД-ның мәдени астанасы болып бекер таңдалған жоқ. Мәдени астана мәртебесі қаланың одан әрі дамуына серпін берері анық. Шаһарда қазір 1 миллионнан астам адам тұрады. Шымкент еліміздегі үшінші мегаполис саналады.

Еліміздегі әрбір төртінші сәби осы өңірде дүние есігін ашады. Қаланың соңғы жылдары экономикалық әлеуеті де еселене түсті. Шымкенттің дәл осылай қарқынды дамуы мәдени астана мәртебесін алуға сеп болғаны сөзсіз.

Бұл әрі шаһарға жүктелген үлкен жауапкершілік. Осы арқылы салт-дәстүрімізбен мәдениетімізді халықаралық деңгейде кеңінен насихаттауға мүмкіндік туындап отыр.

Былтыр Еліміздің Тұңғыш Президенті - Елбасы Шымкентке арнайы іс-сапармен келіп, бірқатар нысандарды аралағаны есімізде.

Сол сапарында Елбасы республикалық маңызы бар қала мәртебесіне ие шаһардың ендігі даму бағыты қалай боларын, нені алға шығарып, қандай көрсеткіштерді жақсарту керегі жөнінде міндеттер жүктеді.

– Шымкентте болашағы бар бірқатар жобалар жүзеге асырылып жатыр және жоспарланғандары одан да көп. Сондықтан, Шымкенттің одан әрі даму жолдарын талқылап, стратегиясын айқындауымыз қажет.

Болашақ – ірі қалаларда. Еліміздің бір миллионнан астам халқы бар үшінші мегаполисіне айналған Шымкент өзінің даму моделін өзгертуге тиіс, – деген еді сонда Елбасы.

Сондай-ақ миллионды қала дамуы тиіс бірнеше бағытты нақтылап берді. Ең бірінші, Шымкент Орталық Азияның ірі экономикалық жəне туризм орталығы атануы тиіс.

– Туризм дамуы үшін жақсы дамыған инфрақұрылым, заманауи əуежай мен теміржол вокзалы болуы тиіс, - деді Елбасы. – Туризм – əлемдегі ең табысты бизнес.

Ал Шымкенттің мүмкіндіктері мол: қалада саябақтар, цирк, дендросаябақ, зообақ, концерт залдары бар. 2020 жылы Шымкент ТМД-ның мəдени астанасы атанбақ. Соған дайындалу керек.

Н.Назарбаев бұған қоса мегаполистің сəулеттік келбеті туралы да айтып өткен еді.
– Шымкенттің өзіндік қайталанбас сəулеттік стилі болуы керек, - деді Тұнғыш Президент. – Елорданың стилін көшірудің қажеті жоқ. Өздеріңіздің мəдени ерекшеліктеріңіз бар.

Ескі үйлерді сүріп, жаңасын салу керек. Бұл үшін арнайы мемлекеттік бағдарламамыз бар. Ретсіз сауда орындарынан арылу керек. Шымкент ақылды қала болуы тиіс. Сонымен қатар қала аумағының кеңеюі емес, тығыз орналасуы өзекті.

«Шымкент Сити» қалашығында Конгресс орталығы ашылады

2018 жылы Шымкент республикалық маңызы бар қала мәртебесін алғанын айттық. Осыған орай, әрі 2020 жылы ТМД елдерінің мәдени астанасы болуына байланысты Шымкентте бірнеше ірі жобалар басталды.

Қала әкімі Ғабидолла Әбдірахымов 2018 жылы атқарылған жұмыстар туралы есебінде осы жобаларды атап өткен болатын.

Нақты айтқанда «SСAT» әуе компаниясы әуежайдың жаңа терминалының құрылысын бастады, желтоқсан айынан бастап Шымкент – Дубай бағытында тікелей әуе рейсі ашылды.

Келесі әуе рейсі Шымкент – Қазан бағытында ашылады; теміржол вокзалы қайта құрылады және 20 мың орындық Қажымұқан атындағы орталық стадионды қайта құру жұмыстары басталмақ.

Сонымен қатар биыл «Қырғы базар» шығыс стилінде жаңғыртылмақ.
Қазіргі таңда «Шымкент Сити» аумағында Конгресс орталығы салынуда. «Bi group» компаниясы осы қалашықтағы 2300 орынға арналған сəулетті орталықтың құрылысын қызу жүргізуде.

Нысанның жалпы ауданы – 14550 шаршы метр, 2 қабатты болмақ. Жалпы құны 10,2 млрд теңгелік жобаға «Шымкент» ƏКК АҚ тапсырыс берген. Конгресс орталығы келесі жылы наурызда, яғни Шымкент 2020 жылғы ТМД елдерінің мəдени астанасы атанатын жылы пайдалануға беріледі деп жоспарлануда.

2020 жылға қарай Шымкент жасыл оазиске айналғалы отыр. Соңғы жылдары қала аумағында 5 бірдей саябақ ашылды. Шаһардың жасыл белдеуіне негізінен арша, мәжнүн тал, емен, шаған, қарағай және калифорниялық терек егілді.

Осылайша Шымкент бүгінде атына сай желегі жайқалған жасыл қалаға айналып келеді.

Цитадель:«Ескі қалашықтың» жаңа келбеті

1525412486  1deed5733c2ea84a61f17ae06fec5ded

Бүгінде «Ескі қалашық» – «Цитадельді» қалпына келтіру және Қошқар ата өзені жағалауын көріктендіру жұмыстары қарқын алды. Қырғы базарды заманауи талапқа сай қайта құру мақсатында жаңа жоба әзірленуде.

Биылғы Наурыз мерекесінен соң үшінші мегаполиске іс-сапармен келген ҚР Президенті Қасым-Жомарт Тоқаев Шымкент қаласының әкімшілік-іскерлік орталығын аралап, жаңа «Shymkent city» ауданының жобасы мен әуежайдың жаңа терминалын көрді.

Ескі қалашық, Қошқар ата өзенінің жағалауын абаттандыру және Тұран шағынауданының инженерлік инфрақұрылымын салу жобаларымен танысты.

– Үшінші мегаполистің жаңа шағынауданы – «Shymkent city» жобасы аясында 1,5 млн шаршы метр үй салу, ал Қошқар ата өзені аумағында көпқабатты 32 тұрғын үй құрылысын жүргізу жоспарланған, - деді қала әкімі Ғабидолла Рахматоллаұлы.

Айта кетсек, «Ескі қалашықта», тарихи деректерге сәйкес, ХIII ғасырда салынған цитадель бар. Мұндағы мәселелер қазір шешіліп, Қошқар ата өзені маңы абаттандырылған. Бірқатар балаларға арналған ойын алаңшалары ашылып, ауқымы кеңейген.

Демек, «Ескі қалашық» келесі жылғы мерейлі мереке қарсаңында Шымкенттің тарихи бөлігіне айналып, аумағы жаңарып, жаңаша түлемек. Осылайша ашық аспан астындағы мұражай ретінде көпшілікке ұсынылады.

Жаңа мәдени нысандар – Шымкенттің мақтанышы

d799206088f80be748cdc0dab319197f

Жалпы алғанда, Шымкенттің мәдени астана атануы мақсатында соңғы 5 жылдан бері жан-жақты жұмыс жүргізілуде. Мәселен, Шымкенттің өзінде соңғы жылдары 50-ге жуық мәдени нысандар ашылды.

Қазірдің өзінде Шымкент шаһарының сауда-өнеркәсіптік, мәдени-әлеуметтік жағынан алғанда үлкен орталыққа айналғаны ақиқат. 10-нан аса іргелі жоғары оқу орны бар.

Шымкент бүгінде халқының көптігі, аумағының үлкендігімен ғана ерекшеленбесе керек. Тәуелсіздік жылдарында қайта түлеген шаһар мәдениет пен руханияттың да ордасы.

Қазақ, орыс драма театрларын қоспағанда кейінгі жылдары опера және балет, әзіл-сықақ пен сатира театрлары шымылдығын түрді. Алматы, Нұр-Сұлтан мен Қарағандыдан кейінгі цирк ғимараты бар еліміздегі төртінші қалаға айналды.

Шымкенттің шырайын Ордабасы алаңындағы «Жер-Ана» монументі арттыра түскен. Айта кетерлігі, монумент 2018 жылы жаңартылды. Ескерткіштің қасбеті қымбат тастармен қапталды. Монументке Елбасының сөзі латын тілінде қайта жазылды.

Бүгінгі таңда ескерткіштің аумағы абаттандырылып тұрады. Қаланың бір белгісіне айналған Қошқар ата бұлағының жағалауы да бүгінде адам танымастай өзгерді.

100 жылдан кейін қайта жаңғырған «Қошқар ата сейілі» фестивалі осы өзеннің бойында өткізілуде. 4 жылдан бері тұрақты өтіп келе жатқан фестиваль келесі жылы Шымкентке келетін туристердің қатарын көбейтпек.

1525412476  a419f37c7acf170e545e574e1eb43362

Бұдан бөлек, «Наурыз» алаңы, Абай атындағы саябақта «Даңқ» мемориалы, «Хакім Абай музейі» пайда болды. Жаңадан бой көтерген Арбат пен қайта жаңартылған Дендросаябақ, «Шәмші әлемі» гүлзары – Шымкенттің шынайы мақтанышы.

Рас, Шымкенттің шырайлы, жағымды жақтары жеткілікті. Өркенді, өрісті істері аз емес. Шуақты шаһардың жетістіктерін ешкім жоққа шығармас.

Елбасы былтыр күзде келген сапарында «Шымкентте басқа қалалармен салыстырғанда ауа райының қолайлығы бар. Жыл он екі ай құрылыс жүргізуге болады. Сондықтан мен бәрін тез өркендетуге, өсіруге болады деп санаймын.

Шымкент елорда мен Алматы сияқты халықаралық деңгейдегі іс-шаралар, спорт сайыстары мен концерттер, жиындар өткізетін алаңға айналуы керек» деген еді.

Таяуда Шымкент қаласының бюджеті нақтыланды. Республикалық маңызы бар қала атануына орай енді стратегиялық маңызы бар ірі құрылыс жұмыстары қарқын алары сөзсіз. Көптеген тұрғын үйлер салынады.

Ірі жолдар түсіп, жаңа нысандар бой көтереді. Жолдың екі шеті біркелкі əдемі аяқжолдармен толығып, велосипед мінгендерге қосымша жолақ салынады. Ал ағаштар қырқылмайды, түбіне таудың тасы төселеді. Сонда көше шаң-тозаңнан таза болмақ.

Шымкентте №150 бағытта жаңа автобустар қатынай бастады. Бұл туралы қалалық жолаушылар көлігі және автомобиль жолдары басқармасының басшысы Қуатжан Жұматаев Instagram парақшасында жазды.

150 автобус

«Шымкент қаласы әкімінің тапсырмасына сәйкес, бүгін әлеуметтік маңызы бар 150 автобус бағыты жұмысын бастады. Аталған бағыттың соңғы аялдамалары ТЖВ- Достық шағынауданы болып белгіленген.

Ал қатынайтын көшелері – Анар, Төлеби, Адырбеков, Жібек жолы, Сасбұқаев, Жандосов, Ерімбетов, Арғынбеков, Шаяхметов, Назарбаев, Бәйтереков, Төлеметов, Бәйдібек би, Асар ш.а., Алматы айналма жолы, Достық ш.а.», - деп жазады басқарма басшысы.

№150 автобус бағытының жұмыс кестесі сағат 07:00 ден сағат 21:00-ге дейін, қозғалыс интервалы – 20-25 минут.

«Nur Otan» партиясы Партиялық бақылау қызметінің басшысы Дәурен Бижұманов Шымкент қаласына арнайы іс-сапармен келіп, қаладағы құрылыс нысандарын аралады.

мониторинг

Жұмысшы топ «Құтты мекен» партиялық жобасы аясында жаңадан салынып жатқан құрылыс сапасын бақылап, бөлінген қаржының жұмсалу барысына мониторинг жүргізді. Дәурен Бижұманов алдымен Бадам өзенінің үстінен салынып жатқан көпірдің құрылысымен танысты.

– Алматы – Шымкент – Өзбекстан бағытындағы ені 11 метрлік өткел бірнеше жылдан бері апатты деп танылған болатын. Көпір барлық стандарттарға сай салынады. Ені – 28 метр, 4 жолақты болады. Құрылысы жыл соңына дейін аяқталады деп жоспарланып отыр, - деді Шымкент қаласының жолаушылар көлігі және автомобиль жолдары басқармасының басшысы Қуатжан Жұматаев.

Партиялық бақылау қызметінің басшысы Шымкенттегі Сәуле шағынауданындағы №76 мектеп жанынан қосымша 300 орынды оқу корпусы, спорт зал, шеберхана және асхананың құрылысына тоқталып, құрылыс сапасымен танысты.
Құрылыс қарқынын көрген партиялық бақылау қызметінің басшысы қалада атқарылып отырған жұмыстарға оң бағасын берді.

– «Құтты мекен» жобасының мақсаты – инженерлік және әлеуметтік инфрақұрылымның даму барысына партиялық бақылау жүргізу. Біз Шымкент қаласына іс-сапар барысында құрылыс нысандарына бақылау жүргіздік. Бюджет қаражатының мақсатты жұмсалуы және құрылыс сапасына және мерзіміне мониторинг жасап, бұны халыққа кеңінен түсіндіру жұмыстарын жүргізу маңызды.

Осындай жұмыстардың нәтижесінде біз сапалы жолға, тұрғын үйге, коммуникацияға, өзге де әлеуметтік және инженерлік инфрақұрылымға қол жеткізетін боламыз, - деді Дәурен Бижұманов.

Nur Otan партиясы съезіне – 30 делегат

Пятница, 19 Апрель 2019 04:10

Шымкент қаласында «Nur Otan» партиясының «Құтты мекен» жобасы аясында 6 513 пәтерлі 132 көп қабатты үй салынуда. Бүгінде 540 пәтерлі 10 үй дайын, мамыр айында пайдалануға беріледі. Оның ішінде 177 пәтер көп балалы аналарға тиесілі.

DSC 9955

Жиынға қала әкімі, «Nur Otan» партиясы Шымкент қалалық филиалының төрағасы Ғ.Әбдірахымов, төрағаның бірінші орынбасары Бахадыр Нарымбетов, шымкент қаласы мәслихатының хатшысы Ғ.Ташқараев, саяси кеңес мүшелері, мәслихат депутаттары, мемлекеттік орган басшылары, ауданнан сайланған делегаттар қатысты.

Қала әкімінің орынбасары «Nur Otan» партиясының Төрағасы Н.Ә.Назарбаевтың партияның 18 съезінде берген тапсырмалары – «Халыққа көмек», «Құтты мекен», «Бақытты отбасы» жобаларын жүзеге асыру барысы туралы есеп берді.

– «Бақытты отбасы» жобасы аясында қаламызда ауқымды жұмыстар атқарылуда. Мемлекеттік атаулы әлеуметтік көмек бойынша бүгінгі күнге 32 559 азаматқа түсіндіру жұмыстары жүргізіліп, оның ішінде 17 582 отбасының өтініші тіркелді.

Сондай-ақ, қала тұрғындарының әлеуметтік картасын жасақтау жұмыстары жүргізілуде, бүгінде «е-Халық» ақпараттық жүйесіне 21 081 отбасы (75 725 адам) енді, - деді Г.Құрманбекова.

Жиында зейнеткер, партия ардагері Валерий Гордиенко, №49 мектеп директоры, көп балалы ана Сәуле Утебаева, қалалық №17 футболдан олимпиада резервінің мамандандырылған балалар мен жасөспірімдер спорт мектебінің директоры Ермек Дәрменов, жеке кәсіпкер Аятолла Азимов сөз сөйлеп, партиялық жобаларды іске асыру бойынша ұсыныстарын ортаға салды.

DSC 9984

Қала әкімі, «Nur Otan» партиясы филиалының төрағасы Ғ. Әбдірахымов конференция жұмысының қорытындысында партия активіне нақты тапсырмалар жүктеді.

Сонымен қатар, конференция барысында «Nur Otan» партиясының кезектен тыс ХІX Съезіне делегаттар тізімі анықталып, Шымкент қаласынан 30 делегат сайланды. Делегация 23 сәуірде Нұр-Сұлтан қаласында өтетін «Nur Otan» партиясының кезектен тыс XIX съезіне қатысады.

Қазақстанның алғашқы лоукостері FlyArystan Алматыдан Шымкент пен Павлодарға билет сата бастады. Аталмыш бағыттар бойынша толық техникалық тексеріс пен салоны реконфигурациядан өткен, 180 орындық Airbus A320 әуелайнерлері күнделікті қатынайтын болады.

A320-FlyArystan

«Оңтүстік астанадан шырайлы Шымкентке дейін жол жүру ұзақтығы - 1 сағат 20 минут. Қос қала арасындағы біржақты қатынау құны 4999 теңгеден басталады.

Павлодарға билет құны барлық әуежай алымдарымен қоса есептегенде 6999 теңгеден басталып, ол жаққа жолаушылар 1 сағат 50 минутта жете алады.

Билеттерді www.flyarystan.com сайтынан брондап, оған қоса жолаушылар өз қалауымен қосымша жүк борттық тағамға тапсырыс беру, приоритетті отырғызу сынды қызмет түрлеріне тапсырыс бере алады» делінген хабарламада.

Алматыдан Нұр-Сұлтан, Тараз, Орал мен Қарағандыға қатынайтын рейстер бірінші мамырдан бастап орындала бастаса, көптен күткен Шымкент пен Павлодарға қатынау 30 мамырда басталады.

FlyArystan барша жолаушыларға тариф ережелерімен мұқият танысып, толық ақпаратты ресми сайттан алуға кеңес береді.

ӘЛЕУМЕТКЕ – ӘЛЕУЕТТІ КӨМЕК

Пятница, 12 Апрель 2019 04:06

ҚР Үкіметтік жұмыс тобы Шымкент қаласына іс-сапармен келді

Елбасының «Әлеуметтік қамқорлық» жаңа әлеуметтік іс-шаралар бастамасын жан-жақты түсіндіру мақсатында үшінші мегаполиске жұмыс тобын ҚР Премьер-Министрінің орынбасары Гүлшара Әбдіхалықова бастап келді.

DSC 111

Олар жұмыс сапарының бірінші күні Шымкент тұрғындарымен кездесіп, Елбасының «Nur Otan» партиясының XVIII съезінде берген тапсырмаларын жүзеге асыру барысына рет-ретімен тоқталды.

Шымкент қаласының әкімі Ғ.Әбдірахымов ашып, жүргізген жиынға Еңбек және халықты әлеуметтік қорғау министрі Б.Сапарбаев, Білім және ғылым министрі К.Шамшидинова, Денсаулық сақтау вице министрі Л.Ақтаева және көпбалалы аналар, аз қамтылған отбасылар мен мүмкіндігі шектеулі азаматтар, бюджеттік ұйымдардың қызметкерлері қатысты.

43 МЫҢ ШЫМКЕНТТІКТІҢ ЖАЛАҚЫСЫ КӨТЕРІЛЕДІ

Жиында Еңбек және халықты әлеуметтік қорғау министрі Б.Сапарбаев жалақы, атаулы әлеуметтік көмек туралы баяндады.
- Ең бірінші тапсырма – бюджеттік қызметкерлердің жалақысын көтеру. Жалақы орта есеппен 15-30%-ға көтеріледі.

Олардың қатарына білім, денсаулық, спорт, мәдениет, әлеуметтік сала қызметкерлері, сол мекемелерде қызмет ететін сантехник, ағаш ұсталары да кіреді.

Бұған қоса ауылдық, аудандық, облыстық әкімдіктерде тікелей халықпен жұмыс істейтін қызметкерлердің де айлық жалақысы 25%-ға өседі. Біздің болжамымыз бойынша, ең кем дегенде 1 млн 100 мың қазақстандықтың айлығы көтеріледі.

Оның ішінде 1 маусымнан бастап Шымкент қаласында 43 мыңнан астам қызметкердің айлығын көтеру жоспарланып отыр, - деді Б.Сапарбаев.

Министрдің сөзінше, мұғалімнің орташа жалақысы 1 маусымға дейін 79 мың теңге болса, 1 маусымнан бастап 96 мың теңгеге дейін ұлғаяды. Жаңа атаулы әлеуметтік көмекке келсек, яғни 20789 теңге алатындардың саны 830 мыңға жетеді. Оның 77 725-і Шымкент қаласының тұрғындары.

- Тәрбиешілердің жалақысы 68 мыңнан 88 мыңға, дәрігерлердің жалақысы 108 мыңнан 141 мыңға дейін, оның ішінде медбикелер, санитар қызметкерлер бар, әлеуметтік сала қызметкерлерінің жалақысы 70 мың теңгеден 91 мың теңгеге дейін, әртістердің жалақысы 87 мың теңгеден 110 мың теңгеге дейін, кітапханашылардың жалақысы 77 мың теңгеден 96 мың теңгеге дейін, бухгалтер, статист, іс қағаздарын жүргізетіндердің жалақысы 15-30%-ға дейін көтеріледі, - деді Бердібек Сапарбаев.

КӨП БАЛАЛЫ АНАЛАРҒА – ПӘТЕР КІЛТІ

Жиын барысында Премьер-министрдің орынбасары «Нұрлы жер» бағдарламасы аясында 11 шымкенттік көпбалалы анаға пәтер кілтін табыстады.

Еске салсақ, Шымкентте алдағы мамыр айында әлеуметтік жағдайы төмен 540 отбасыға пәтер беріледі. Оның ішінде көпбалалы аналар үшін 177 пәтер бар.

ЖАСТАР ЖЫЛЫНДАҒЫ ЖОЛ КАРТАСЫ

Жұмыс сапарының екінші күнінде үкіметтік жұмыс тобы Шымкенттегі бірқатар нысандарға барды. Вице-премьер бастаған делегация ОҚМУ-дың оқытушыларымен, студенттерімен кездесті.

Гүлшара Әбдіхалықованың айтуынша, бүгінгі таңда Жастар жылы аясында жол картасы әзірленген, онда бес бағыт бар. Бірінші бағыт - еңбек етіп жүрген жастарды баспанамен қамтамасыз ету.

cf018b743a23580897df6042c8af3633

Нұр-Сұлтан, Алматы мен Шымкент қалаларында жыл сайын жас мамандарға арналған 1 мыңға жуық арендалық үй тұрғызу жоспарда бар. Ал екінші бағыт жастарды еңбекпен қамтуды көздейді.

Осыған орай «Жас кәсіпкер» бағдарламасын жүзеге асыру қарастырылған. Үш жылдың ішінде 60 мың жас азамат кәсіпкерлік негіздері бойынша оқиды. Үшінші бағытта білім беру мен еріктілер ұйымдарын дамыту жоспары бар.

«Жас маман» бағдарламасы арқылы сұранысқа ие 100 индустриалды және сервистік кәсіп бойынша мамандар дайындалады. Бұл бағыттағы жұмыстар еліміздегі 20 алдыңғы қатарлы жоғары оқу орны мен 180 колледж базасында жүзеге асырылады.

Вице-премьер жастардың әлеуметтік белсенділігін дамыту көзделетінін айтты. Бұл бағытты «Жасыл ел» қозғалысының «Жасыл қала», «Жасыл ауыл» ортақ ұлттық жобасының аясында жүзеге асыру қарастырылып отыр.

БЕС ӘЛЕУМЕТТІК БАСТАМА ЖҮЗЕГЕ АСЫРЫЛУДА

Білім және ғылым министрі К. Шәмшидинова жастарға мемлекет тарапынан көрсетіліп жатқау қолдаулар мен білім беру жүйесін жетілдіру шаралары туралы айтты.

– Елбасының 5 әлеуметтік бастамасының аясында қосымша 20 мың грант берілді. Бұл – Жастар жылында ерекше қолдау. Жастар үшін жатақхана мәселесі де өзекті. Бұл бағытта бүгінде 20 келісім-шарт жасалуда.

Оның ішінде, Шымкентте әзірге 3 келісім-шарт түзілді. Атап айтсақ, екеуі – педагогикалық университетте, біреуі – медициналық академияға тиесілі, - деді министр.

Үкіметтік топ бұдан кейін «Оңтүстік» арнайы экономикалық аймағына барып, «Алем БТ»ЖШС, «LuxShoes» бірлескен кәсіпорнында және «Бал текстиль» фабрикасының жұмыстарымен танысты.

Сондай-ақ вице-премьер Шымкенттегі «Қайнар» бизнес орталығында жергілікті кәсіпкерлермен кездесті.

Гүлшара Әбдіхалықова бизнес қауымдастықтары мен кәсіпкерлерге тұрмысы төмен отбасыларға барынша көмек көрсету керегін айтып, олардың түйткілді мәселелерін дер кезінде шешуде белсенді болуға шақырды.

Айта кетерлігі, Шымкентте халықтың әлеуметтік осал топтарын қолдау мақсатында 2019 жылы қалалық бюджет қаражаты есебінен 100 инвестициялық жобаны іске асыру жоспарланған, оның 30-ы - тұрғын үй құрылысы, 15-і - білім саласы, 36-ы – инженерлік инфрақұрылымдарды жаңғырту, 19-ы – көлік инфрақұрылымы бойынша.

Нәтижесінде 22 мыңнан астам жаңа жұмыс орны ашылады. Сондай-ақ, жақын уақытта Шымкентте мүмкіндігі шектеулі азаматтар үшін арнайы ғимарат салынбақ.

Премьер-министрдің орынбасары қалалық аймақтық арнайы әлеуметтік қызмет көрсету орталығына да барды. Мұнда емдеу-түзету жұмыстары әр келушінің сұранысына және қажеттілігіне қарай жасалады.

Олардың ортаға бейімделуі, әлеуметтік мәселелерін шешуге көмектеседі. Жыл сайын орталықта 300 адам сауықтырылады. Бүгінге дейін орталықта 227 адамға арнайы әлеуметтік қызмет түрлері көрсетілген.

Вице-премьер жұмыспен қамту орталығында да болды. Жыл басынан бері 5810 азаматқа қызмет көрсетілген. Оның ішінде 2437 адам тұрақты жұмысқа тұрған.

Қазіргі таңда 5430 бос жұмыс орындарына құжаттар қабылдануда. Г.Әбдіхалықова бұл бағыттағы жұмысты жүйелеп, ширата түсуді тапсырды.

Сондай-ақ, Үкімет басшысының орынбасары тұрмысы төмен, көпбалалы отбасылардың жағдайымен танысып, сауалдарына жауап берді. Сапар соңында қоғамдық қабылдау өткізді.

Оның барысында көпбалалы ана Әзиза Маманазарованың тұрғын үй мәселесі шешілді. 5 баласы бар ана мамыр айында көптен бергі арманына қол жеткізіп, баспаналы болмақ.

Шымкент қаласы Жұмыспен қамту және əлеуметтік қорғау басқармасы заман талабына сай оқытылатын мамандықтар тізбесін ұсынады.

56301844 2225147137533546 7871511224804966400 o

Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының бірінші бағыты қысқа мерзімді кәсіптік оқыту шеңберінде жұмыссыздар, өзін-өзі жұмыспен қамтығандар және нәтижесіз жұмыспен қамтылғандар 3 айлық тегін қысқа мерзімді кәсіптік оқытудан өте алады.

Оқушыларға шәкіртақы қарастырылған.
Өтініш берген кезде үміткер мынадай құжаттардың көшірмелерін ұсынады:

1) жеке басын куәландыратын құжаттың көшірмесі;

2) еңбек кітапшасының көшірмесі (болған жағдайда);

3) білімі туралы құжаттың (аттестат, куәлік, диплом), сондай-ақ оқығанын растайтын құжаттарды (куәлік, сертификат) болған жағдайда,

4) № 907 бұйрығымен бекітілген денсаулық сақтау ұйымдарының № 086-У бастапқы медициналық құжаттама нысаны бойынша денсаулық жағдайы туралы анықтама.

Бұл ретте аталған басқарма заман талабына сай мына мамандықтар бойынша оқытуға шақырады: Аспаз, кондитер, визажист, шаштараз, маникюр шебері, электрші, дәнекерлеуші, автоэлектрші, автокраншы, сантехник және т.б.

Шымкент қаласы әкімдігінің халықты жұмыспен қамту орталығының мекенжайы:

Бәйтереков көшесі №89 тел;8 (7252) 39-42-79.

ҚР Еңбек және халықты қорғау министрлігінің мәліметіне сәйкес, 21 мың теңге жәрдемақыға көп балалы отбасылар ғана емес, бір баласы бар аналар да іліге алады. «Атаулы әлеуметтік көмек көпбалалы және аз қамтылған отбасыларға берілуі шарт.

DSC 5161

Бұл – Президенттің тапсырмасы. Ал әлеуметтік жағынан аз қамтылған отбасыда бір бала немесе екі бала болуы мүмкін ғой.

Ондай отбасылардың бір айлық табысы адам басына шаққанда 20 789 теңгеден (күнкөріс минимумның 70 пайызы) аспаса, бір балаға 21 мың теңгеге жуық жәрдемақы тағайындалады», - делінген министрліктің түсініктемесінде.

Осы орайда мамандар бір баласы бар отбасына жаңа жәрдемақы төлеуге қатысты мысалды да келтірді. Мәселен, бір әйел жалғыз баласын асырап отыр. Ал оның бір айлық жалақысы 40 000 теңгені құрайды.

Осы ақшаны екі адамға бөлгенде тура 20 000 мыңнан келеді. Демек, отбасының бір айлық табысы адам басына шаққанда күнкөріс минимумның 70 пайызы - 20 789 теңгеден аспайды. Заң бойынша балаға 21 мың теңге жәрдемақы төленуі керек.

«Ал анасына 20 000 мен 20 789 теңгенің айырмашылығы төленеді. Сонда баланың жәрдемақысын қосқанда аталған отбасы ай сайын 22 мың теңгеге жуық атаулы әлеуметтік көмекті алып тұрады», - деп атап көрсетті мамандар.

Әр балаға 21 мың теңгеден берілетін жәрдемақыны алу үшін өтініштен басқа ешқандай құжаттар қажет емес. Оны жергілікті әкімдікке, халыққа қызмет көрсету орталығына немесе жұмыспен қамту орталығына тапсыруға болады.

Сонда жеке куәлікті көрсетіп, өтініште отбасының барлық мүшелерін жазып шығу қажет.

Бір үйдің табысы есептелгенде тек жақын туыстардың бір айда табатын ақшасы ғана ескеріледі. Олардың ішінде ата-аналар, балалар, әкесі бір, шешесі бөлек ағайындар, ата-әжелер бар.

Бұл дегеніміз, осы адамдар бірге тұрса, олардың табысы бір отбасының кірісі ретінде саналады. Қосалқы шаруашылық та кірістің көзі болып есептеледі. Алайда басқа әлеуметтік төлемдер есепке алынбайды.

Страница 1 из 18