Атап айтқанда сәйгүліктерге арнап салынған қора-жайлар мен аңшы құстар қонақтайтын орындардың, олардың жем-шөбі мен жануарлар жарақат алған жағдайда емдейтін мал дәрігерлерінің дайындығын ветеринариялық қызмет өкілдері қарап тексерді.
Көшпелілер ойынына қатысатын тұлпарлар 512 орынға арналған «Арғымақ» ат-спорты кешені мен «Қазанат» ипподромының ат қораларына орналастырылады.
Спорттық бағдарламаның Құсбегілік түрі бойынша барлығы 45 аңшы құс қатысады. Моңғолия құрамасы 3 бүркіт, Қырғыз спортшылары 3 ителгі, 3 қаршыға және 3 бүркіт әкеле жатыр.
Құстар үшін астаналық циркте жеке-жеке темір торлар әзірленген.
Арнайы тексеріс жүргізген ветеринария саласының білікті мамандары, талап-тілектің жоғары деңгейде орындалып, жануарлар үшін барлық жағдай жасалғанын үлгі аларлық деп атап өтті.
