Ішкі істер министрінің нұсқауымен акция республика көлемінде ұйымдастырылды. Мұндағы басты мақсат – қоғамдағы өзекті мәселелерді дер кезінде шешіп, халықпен тиімді кері байланыс орнатып, азаматтардың құқықтық сауатын арттыруға және оларды мазалаған сауалдарға жедел әрі тиянақты жауап беруге бағытталған.
Акцияға 400-ден астам азамат қатысып, 511 ұсыныс-сауал жолданды. Оның ішінде, әкімшілік құқық бұзушылықтар жөнінде – 151, жол жүрісін ұйымдастыру бойынша – 95, автокөлікті қайта жабдықтау туралы – 42, көші-қон заңнамасына қатысты – 42, көлік құралдарын тіркеу, жүргізуші куәліктерін беру жөнінде – 12, ЖКО бойынша – 8 және тағы басқа өтініштер мен сұрақтар қойылды. Жолда қабылдауға, әкімшілік полиция, жергілікті полиция және көші-қон қызметі басшылары қатысып, тұрғындарды толғандырған мәселелерге жауап берді.
