Шымкент қаласы мәслихатының депутаттары жеңіл өнеркәсіп саласының жұмыскерлерімен кездесті. Халық қалаулылары арнайы экономикалық аймақта орналасқан кәсіпорындардың еңбеккерлерін алдағы сайлауда белсенді болуға шақырды.
Кездесу барысында кезектен тыс Президент сайлауы жөнінде ақпарат беруге бағытталған диалог алаңы ұйымдастырылды. Еліміздегі саяси доданың ел өміріндегі маңыздылығына тоқталған депутаттар жұмысшылардың науқан алдындағы ұсыныс-пікірлерін тыңдады.
Сайлау алдағы әлеуметтік-экономикалық мақсат-міндеттер мен бағдарламаларды ойдағыдай лайықты жүзеге асыруды айқындап беретін, еліміздің ішкі және сыртқы саясаттағы сабақтастығы мен тұрақтылығын сақтап қалатын құрал екені айтылды.
Өз кезегінде кәсіпорын жұмысшылары да бұл бастамаларға қолдау көрсетіп, саяси додаға түсетін үміткерлердің арасынан дұрыс таңдау жасайтындықтарын жеткізді.
