КҮЗГІ ӘСКЕРГЕ ШАҚЫРУ БАСТАЛДЫ

Четверг, 10 Сентябрь 2020 08:19 Автор  Опубликовано в Қоғам Прочитано 284 раз

b12cf7d3-da28-433a-98f2-47f03c859a5d

Шымкентте күзгі әскерге шақыру басталды. Елде енгізілген төтенше жағдай кезеңінде карантиндік шараларға байланысты көктемгі әскерге шақыру мамыр-шілде айларына атқарылып, 31 шілдеде ресми түрде аяқталды. Қалалық қорғаныс істері жөніндегі департамент мамандары биылғы жоспар да орындалғанын мәлімдеді.
Департаментте енді күзгі науқан қолға алынды. Азаматтарды мерзімді әскери қызметке шақыруды өткізу мерзімі биылғы 1 қыркүйектен бастап желтоқсан айының соңына дейін деп белгіленіп отыр. Мамандар барлық іс-шара санитарлық-эпидемиологиялық жағдайды ескере отырып ұйымдастырылады дейді.
– ҚР «Әскери қызмет және әскери қызметшілердің мәртебесі туралы» Заңына сәйкес азаматтарды әскери қызметке шақыруды ұйымдастыру және қамтамасыз етудің барлық түрлері жергілікті әкімдіктерге жүктелген. Әскерге шақырылушылар да, медициналық комиссия мүшелері де маскалармен және антибактериялық құралдармен қамтамасыз етілген. Ал Қорғаныс министрлігі жергілікті әскери басқару органдарының қызметкерлерін қорғау жұмысын атқарып, дезинфекциялау құралдарымен қамтамасыз етуде. Жиын пункттерінде қажет санитарлық жағдайларды қамтамасыз ету жоспары әзірленіп, әскерге шақырылушылардан суық тию ауруларына тән симптомдар анықталған кездегі іс-әрекеттер қарастырылған, - дейді Шымкент қаласы қорғаныс істері жөніндегі департаменті бастығының орынбасары Ринат Мадьяров.

 

9a15d15c-e45c-4946-8990-207a914c1c72


Биыл әскерге шақырылушылар қашықтықты сақтай отырып, медициналық куәландырудан өтуге жіберіледі. Жауапты қызметкерлер осы талаптардың сақталуын, дәрігерлерге кезектің толып қалмауын бақылайды. Шақыру және жинау пункттерінің барлық қызметтік және қосалқы үй-жайларында, шешінетін орындар, асханалар және түнгі демалуға арналған орындарда жұмыс күні ішінде кемінде екі рет дезинфекция жүргізіледі. Жинақтау пунктерінде ПТР тестілеу жүргізу жоспарлануда.
Жалпы, биылғы күзгі науқан барысында 700-ден астам жас азаматты мерзімді әскери қызметке шақыру жоспарланып отыр. Әскерге спортшыларға артықшылық беріліп, әскер, ІТ-мамандар, жүргізушілер, байланысшылар, музыканттар және басқа да көптеген мамандар қажет.

Последнее изменение Пятница, 11 Сентябрь 2020 07:58
Нұрлан БЕКТАЕВ

Қ.А.Яссауи атындағы халықаралық Қазақ-Түрік университетінің филология факультетін 2005 жылы тәмамдаған. Журналистика саласында 2006 жылдан бері еңбек етіп келеді. 2006-2017 жж аралығында "Отырар-TV" медиахолдингінде жұмыс істеген. 2017 жылдың қараша айынан бастап қалалық «Шымкент келбеті» қоғамдық-саяси газетінің тілшісі. 2018 жылдың наурыз айы мен 2019 жылдың тамыз айлары аралығында газеттің бас редакторының орынбасары қызметін атқарды.