Қазақстан Республикасы Президентінің 2024 жылғы 17 шілдедегі №602 Жарлығымен Қазақстан Республикасының мемлекеттік қызметін дамытудың 2024-2029 жылдарға арналған тұжырымдамасы бекітілді.
Тұжырымдамада тұтынушылардың назарын аудару және мемлекеттік қызметшінің «мінсіз беделі» институтын енгізу мәселелеріне ерекше көңіл бөлінген. Мемлекеттік қызмет саласындағы заңнаманы жетілдіру кезінде патриотизм мен ұлт (қоғам) мүддесіне адал қызмет ету стандарттарына назар аударылатыны қуантады. Мемлекеттік басқаруды дамытудың тұжырымдамасын іске асыру барысында мемлекеттік қызметке кіру процесін жеңілдетуге, бюрокартияны қысқартуға және кадрларды іріктеудің жаңа автоматтандырылған жүйесін енгізуге бағытталған жаңашылықтар енгізілді. Жеке сектордан кандидаттар үшін мемлекеттік қызметтің ашықтығын қамтамасыз ететін жаңа біліктілік талаптары қабылданды, қызметшілердің қызметін бағалаудың жаңа жүйесі және келісімшарттық қызметшілер институты енгізілді, өңірлік кадр резервіне іріктеу жүргізілуде.
Мақсат – «Адал, ар-ожданы мол азамат» дегенді білдіретін «Адал азамат» анықтамасына әрбір мемлекеттік қызметкер жауап беретіндей деңгейге жету. Оған жүгінсек, бұл құжат көңіл қуантты және біраз үміт отын оятты. Отансүйгіш ұрпақ тәрбиелеуге, мемлекеттік қызметті шын мәнәнде тартымды етуге әлі де болады.
Басқа жұмыс түрлерінен айырмашылығы, мемлекеттік қызмет тек халықтың сенімі болған жағдайда ғана сүйеніп, жұмыс істей алады. Бұл қызметке қатысты шектеулерді белгілеу, этикалық талаптарды одан әрі күшейту қажеттілігін талап етеді, сондай-ақ қоғамның шенеуніктерінің мінсіз беделіне деген үмітінің артып отырғанын түсіндіреді.
Қолданыстағы заңнамада қатарлардың тазалығына кепілдік беретін шектеуші талаптар бекітілген. Дегенмен, заңнамада мемлекеттік қызметтегі мінсіз бедел мәселесі шешілмеген күйінде қалып отыр.
Мемлекеттік қызмет саласындағы заңнама түбегейлі қайта қаралады. Ол ең алдымен мемлекеттік қызметтің алдында тұрған міндеттерді, оған қойылатын талаптарды және ең соңында мемлекеттік қызметтің миссиясы мен мақсатын біріктіреді.
Мұндай өзгерістер мемлекеттік қызмет саласындағы заңнамалық актінің мақсаттары мен міндеттерін қайта бағдарлауға әкеледі. Олар таза еңбек қатынастарын реттеумен, яғни мемлекеттік қызметке қабылдау, аяқтау және тоқтату мәселелерімен шектелмейді. Заңнамалық акт мемлекеттік қызметшілердің мінез-құлқының клиентке бағытталған үлгісін қалыптастыру міндеттеріне негізделген болады. Одан әрі шаралар дарынды адамдар үшін мемлекеттік қызметтің тартымдылығын қамтамасыз етуге, патриотизм мен ұлттың (қоғамның) мүдделерін адал қызмет етудің жоғары стандарттарымен біріктірілген кадрларды ұстап қалуға және кәсібилендіруге бағытталуы тиіс.
Ел мүддесіне адалдық, оның алдындағы борышын сезіну сияқты мызғымас құндылықтар мемлекеттік қызметтің ерекшеліктерімен «Адал Азамат» мұраттарымен тығыз астасып жатыр.
М.АКИШЕВ
Шымкент қаласы әкімі аппаратының
Әдеп жөніндегі уәкілі
