Шымкент қалалық мектеп оқушылары мен колледж студенттері арасында өтетін «Мемлекеттік рәміздер — Ұлт мақтанышы» эссе жазу байқауының
ЕРЕЖЕСІ
Жалпы ережелер:
«Шымкент қалалық қуыршақ және жасөспірімдер театры» МКҚК 2022 жыл – «Балалар жылы» аясында жалпы білім беру ұйымдарының оқушылары мен колледж студенттері арасындағы «Мемлекеттік рәміздер — Ұлт мақтанышы» тақырыбындағы қалалық сырттай эссе жазу байқауын (Бұдан әрі- Байқау) өткізеді.
Байқауды ұйымдастырушыр: «Шымкент қалалық қуыршақ және жасөспірімдер театры» МКҚК.
Байқаудың мақсаты:
Жас ұрпаққа мемлекеттік рәміздерді насихаттау, ұлттық құндылықтар мен тәрбие тағлымын жеткізу, бойына сіңіру.
Туымыз, Елтаңбамыз, Әнұранымыздың мерейін үстем етіп, балаларды жұмылдырып, рухтандырып тұру.
Қазақстан Республикасының азаматы өз Отанын Қазақстанның дүние жүзінде алдыңғы қатарлы, әділетті, өркениетті ел болуы үшін сапалы білім алып, мәдениетті адам болып қалыптасуын түсіндіру.
Қазақстың ата-дәстүрін жалғастыруға, Мемлекет Президентін құрметтеуге, Конституциясы мен заңдарын бұлжытпай орындауға, Еліміздің Туын, Елтаңбасын, Әнұранын сыйлап қастерлеуге үйрету.
Байқауды ұйымдастыру және өткізу тәртібі:
-Қалалық байқау 2022 жылдың 4 маусымында Ордабасы алаңында өткізіледі.
-Байқауға қатысу ұсынысы қалалық білім басқармасына қарасты бөлімдер мен білім мекемелерінің басшылары арқылы қабылданады. Байқауға қатысу үшін өтінім Шымкент қалалық қуыршақ және жасөспірімдер театрында 2022 жылдың 16 ақпан-20 мамыр аралығында тапсыруы тиіс.
-Сұраныста оқушының аты-жөні, сыныбы, мектебі, жетекшінің толық аты-жөні, байланыс телефоны және жұмыстың бағыты мен тақырыбы толық көрсетілуі қажет.
-Байқау қатысу өтінім мен жұмыстарды Этот адрес электронной почты защищён от спам-ботов. У вас должен быть включен JavaScript для просмотра. электронды поштасына жіберу қажет.
Байқаудың рәсімделу талаптары мен шарттары
•Жұмыс қатысушының таңдауына қарай қазақ және орыс тілдерінде қабылданады;
•Шығарма әр түрлі жанрда жазылуы мүмкін (эссе, шығарма-толғау, шығарма-талқылау, т.б.)
•Байқауға қатысқан шығармаларға пікір жазылмайды, қайтарылмайды.
•Байқауға бұрын еш жерде жарияланбаған эсселер қатысады.
5. Бағалау критерийлері
Ең үздік шығармаларды іріктеу кезінде мыналар ескеріледі:
•Ой тұжырымының логикасы мен образдылығы;
•Шығарма мазмұнын анықтайтын ойдың тереңдігі мен тақырыптың ашылуы;
•Жазба тілінің сапасы;
•Зерттеушілігі, тұжырымдамалардың дәлелділігі мен дербестігі;
•Тарихи деректердің болуы, әдеби материалды пайдалану деңгейі;
•Сауаттылығы (орфографиялық, пунктуациялық, стилистикалық қателері).
6. Ұйымдастыру комитетінің қызметі
• Байқауды Шымкент қаласының мәдениет, тілдерді дамыту және архивтер басқармасы және «Шымкент қалалық қуыршақ және жасөспірімдер театры»МКҚК жүзеге асырады. Ұйымдастыру комитетінің құрамына жергілікті атқарушы орган өкілдері кіреді.
• Ұйымдастыру комитеті өкілеттілігі:
• Байқаудың өткізілу шарттары мен Ережесін бекітеді;
• Қазақстан Республикасының қоғам және мемлекет қайраткерлері, ғалым-әдебиетшілерден тұратын Байқаудың қазылар алқасын бекітеді;
• Қазылар алқасының жұмысын үйлестіреді;
7. Қазылар алқасы туралы:
- Байқауға қатысушылардың өнерін бағалау үшін қазылар алқасы құрылады.
- Қазылар алқасының шешімі түбегейлі болып табылады және қайта қаралмайды.
- Қазылар алқасы қатысушылардың әрбір мүдіргенін қалт жібермей, белгілеп отыруы тиіс.
- Қазылар алқасының шешімі хаттама түрінде рәсімделеді және оған барлық мүшелері қол қояды. Дауыстар саны тең түскен жағдайда қазылар алқасының төрағасы шешуші дауысқа ие болады.
8. Байқаудың жеңімпаздарын марапаттау
-Қорытынды кезеңінің жеңімпаздары Шымкент қалалық қуыршақ және жасөспірімдер театры МКҚК-ның дипломдарымен марапатталады.
-Жеңімпаздар туралы мәлімет ұйымдастырушылардың әлеуметтік желідегі ресми парақшасында (фейсбук) жарияланатын болады.
-Қатысушының жыр дастаны инстаграмдағы @Shymkent.kuyrshak, фейсбуктегі @Shymkent Кuyrshak парақшаларында жарияланады.
Ұйымдастыру комитетінің мекен-жайы:
Шымкент қаласы, Қазыбек би көшесі, 34.
Тел.: 8 702 767 94 97, e-mail: Этот адрес электронной почты защищён от спам-ботов. У вас должен быть включен JavaScript для просмотра.
