Жүрекке жеткен қойылым
Пятница, 08 Сентябрь 2023 04:26Шымкент қалалық қуыршақ және жасөспірімдер театры 41 маусымның шымылдығын «Кейкінің кегі» қойылымымен ашты. Премьераға қойылымның авторы Абылай Мауданов Қостанайдан арнайы қонақ ретінде шақырылды. Қойылым 1916 жылы Торғай өңірінде ұлт-азаттық көтерілісінің алғашқы күндерінен белсене араласқан, көтерілісшілердің негізгі күші – мергендер жасағын басқарған Кейкі Кәкімбайұлы жайында.
Өнерлі өрде озар
Среда, 06 Сентябрь 2023 04:06Бейсбековтер отбасы республикаға жолдама алды
Отанды сүю – отбасынан басталады. Шыр етіп дүние есігін ашқаннан бастап, ата-ана, ағайын-туыс, қоршаған ортаға және Отанға деген сүйіспеншілік, құрмет, адал еңбек секілді ұғымдар осы отбасында қалыптасады. Әр отбасындағы бекем бірлік, татулық, еңбексүйгіштік мемлекеттің дамуына ықпал етпек. Елімізде үлгілі отбасылар көп. Мұндай өнегелі отбасылар елімізде жыл сайын дәстүрге айналған «Мерейлі отбасы» ұлттық байқауында анықталады.
Жалпыға бірдей декларация – көлеңкелі экономикаға тосқауыл
Пятница, 01 Сентябрь 2023 05:01
Елімізде жалпыға бірдей декларациялау жүйесі кезең-кезеңімен жүзеге асып келеді. Биыл мемлекетпен қамтамасыз етілетін мекеме қызметкерлері мен акционерлік қоғам өкілдері де дүние-мүлкін декларациялауда. Жалпыға бірдей декларациялаудың мәнісін Шымкент қаласы бойынша Мемлекеттік кірістер департаменті өндірістік емес төлемдер басқармасының басшысы Қадіржан Панбаев түсіндіріп берді.
Жалпыға бірдей декларациялаудың бірінші кезеңі 2021 жылдың бірінші қаңтарынан басталды. Онда жауапты мемлекеттік лауазымды атқаратын адамдар мен олардың жұбайлары қатысты. Мемлекеттік функцияларды орындауға уәкілеттік берілген және соларға теңестірілген тұлғалар дүние- мүлкі жайында ақпарат берді.
–Екінші кезең биыл жүзеге асырылып жатыр. Атап айтқанда, мемлекеттік қызметкерлер мен олардың жұбайы, квазимемлекеттік құрылымдардың қызметкерлері мен оның жұбайы декларация тапсыруда. Активтер мен міндеттемелер туралы декларацияны тапсырғаннан кейін 31-ші желтоқсанда мүлік туралы есептік салық табыс етіледі. Жалпыға бірдей декларациялаудың екінші кезеңіне кіретін адамдар үшін тұрғылықты жері бойынша декларацияны қағаз нұсқада тапсыру мерзімі 2023 жылғы 15 шілдеден кешіктірмей немесе электрондық түрде 2023 жылғы 15 қыркүйегінен кешіктірілмеуі тиіс. Ал кешіккен жағдайда ҚР Әкімшілік құқықбұзушылық Кодексінің 272 бабына сәйкес, белгіленбеген мерзімде декларация тапсырмаған жағдайда әкімшілік шара қолданылады. Алғашында ескерту берілсе, бір жыл ішінде қайталанған жағдайда 15 айлық есептік көрсеткіште айыппұл салынады, – дейді Қадіржан Әбдіхалықұлы.
Алдағы жылдары елімізде жалпыға бірдей декларациялаудың үшінші төртінші кезеңі жүзеге асатын болады. Онда заңды тұлғалардың басшылары мен құрылтайшылары және олардың жұбайлары кірістер департаментіне мүлкі жайында құжат тапсырады. Дара кәсіпкерлерде үшінші кезеңде декларация тапсырады. Ал төртінші кезеңде қалған санаттағы азаматтар қамтылатын болады. Осылайша елімізде көлеңкелі экономикаға түбегейлі тосқауыл қойылады.
ТҰРАННЫҢ ЖАҢА ТЫНЫСЫ
Пятница, 25 Август 2023 04:07Аудан әкімдігіне жүктелген міндеттер қалай жүзеге асып жатыр?
Шымкент қаласының Тұран ауданы биыл жаңадан ашылған аумақ болғанына қарамай, тұрғындарды инфрақұрлыммен қамтуда тындырымды тірліктер атқарып отыр. 21 тұрғын алап пен шағынауданда 220,7 мың халық мекен еткен ауданның халқына қолайлы жағдай жасау, реттеу бағытындағы жұмыстарды аудан әкімі Боранбай Болатбеков баяндап берді.
ЖЕҢІЛДІКТЕР МЕН БОНУСТАР: жылжымайтын мүлік жәрмеңкесі тағы қандай мүмкіндіктер ұсынады?
Пятница, 18 Август 2023 05:26Шымкенттің «Көрме орталығында» өтіп жатқан жәрмеңке екі күнге жалғасады. Жәрмеңкеде баспана алуға ниеттенгендер қаладағы тұрғын үй салып жатқан компаниялардың ұсынысымен танысып, жеңілдікпен үй алуына мүмкіндік бар. Іс-шараны Отбасы банктың қалалық филиалы ұйымдастырып отыр. Келушілер таңғы сағат 10:00-ден кешкі 18:00-ге дейін банк клиенттері жәрмеңкеде ұсынылған үйлермен танысады.
«МЕДИЦИНА – АДАМДЫ, АЛ, ВЕТЕРИНАРИЯ – БҮКІЛ АДАМЗАТТЫ ЕМДЕЙДІ»
Пятница, 18 Август 2023 04:55Адамзаттың амандығы қоршаған ортаның саулығына, әсіресе жан-жануар әлемінің саулығына тікелей тәуелді. Халқымыздың жесе тісіне, жемесе түсіне кіретін ет пен дастарқанынан үзілмейтін ағарғаны төрт түлікке тікелей байланысты екенін назарға алсақ, елімізде ветеринария саласының қаншалықты маңыздылығын бағамдай беріңіз. 2020 жылы әлемді жайлаған пандемияның адамға қайдан жұққаны жайлы белгілі немесе түрлі нұсқалар болды. Алайда, тереңдеп зерттегенде індеттің тамыры жан-жануарлар әлеміне жол сілтейді. Вирусология мен ветеринарияның тоғысқан жері деуге болатындай нүктенің маңызын, осындай қатерлі сәттерін адам баласы анық сезінді. Негізінен бүкіл жер шары тұрғынының денсаулығына тек медицина мамандары ғана жауапты емес, ветеринарлар да маңызды рөл атқарады.
Шәмші әндері шарықтаған күн
Пятница, 18 Август 2023 04:3615 тамыз – Қазақстанның Халық әртісі, қазақ вальсінің королі Шәмші Қалдаяқов дүниеге келген күн. Ұлтымыздың біртуар композиторының туған күніне орай Шымкентте «SHAMSHI» атты әншілер байқауы өтті. Үш күнге жалғасқан ән сайысы қаладағы тұлғаның атына берілген аллеяда қорытындыланып, жеңімпаздары марапатталды.
ДИҚАН БАБАНЫҢ КЕТПЕНІНЕН, ШОПАН АТАНЫҢ ТАЯҒЫНАН ЖАРЫЛҚАСЫН
Среда, 16 Август 2023 04:23Шымкенттік шаруалар «Дала күні» атты семинарда бас қосты
Шымкент – республикалық мәртебеге ие шаһар болғанымен, оның 27 мың гектары ауыл шаруашылығы бағытында пайдаланылады. Қала іргесінде егін салып, мал баптап, үйінің іргесіндегі аядай жерінде көкөніс өсіріп отырған шаруалар ішкі нарықты қамту үшін барын салып жатқанымен, базар сөресінде шеттен келген өнімдер самсап тұрғаны жасырын емес. Хош, қала өзін қажетті көкөніспен қамту үшін не істемек керек? Өзекті мәселе ауыл шаруашылығы тауар өндірушілерінің «Дала күні» атты семинарында талқыланды.
