Құрметті Шымкент қаласының
тұрғындары мен қонақтары!
Сіздерді Қазақстан халқының бірлігі күні мерекесімен шын жүректен құттықтаймыз!
Бұл мереке біздің елімізде тұратын көптеген ұлт өкілдерінің бірлігінің, берекесінің, ынтымағының және достығының шынайы белгісіне айналды. Күні кешегі сайлауда қала тұрғындарының бір кісідей белсенділік танытып, таңдау жасауы этносаралық консенсус пен бірліктің көрінісі. Президенттік сайлаудың нәтижесі халықтың ел бірлігіне беріктігі мен кемел келешекке деген сенімінің деңгейін білдірді. Өзінің күнделікті еселі еңбегімен барша қазақстандықтар экономикамыз бен әлеуметтік саланың дамуына, мемлекеттің халықаралық беделін нығайтуға, келер ұрпақтың жарқын болашағын қалыптастыруға үлес қосып келеді.
Мемлекет басшысының салиқалы саясатының арқасында біздің қоғамда саяси тұрақтылық, ұлтаралық келісім сақталып, жыл сайын нығая түсуде. Осы ынтымағымызды сақтай отырып біз елімізді одан әрі гүлденген, табысы мол мемлекетке айналдыра аламыз.
Ұлтаралық келісім мен бейбітшілік еліміздің дамуын қамтамасыз ететін біздің тарихи құндылықтарымыздың бірі. Осы мерейлі мерекеде баршаңызға мықты денсаулық, әрбір отбасына амандық, бейбітшілік пен тыныштық тілейміз! Ел бірлігінің нышаны ретінде 1 мамыр мерекесі халқымызды жаңа жетістіктерге, игі істерге және жасампаздыққа жігерлендіре берсін!
| Д. САТЫБАЛДЫ, Шымкент қаласының әкімі |
Н. БЕКНАЗАРОВ, Шымкент қалалық мәслихатының хатшысы |
