Әл-Фараби ауданы әкімдігінің қызметкерлері мүмкіндігі шектеулі жандардың жеке меншікті нысандарға еркін кіріп-шығуын қамтамасыз ету мақсатында «Біз біргеміз» акциясын ұйымдастырды. Акция барысында Тәуке хан даңғылы бойында орын тепкен мекемелер мен ғимараттарды аралап, түсіндірме жұмыстарын жүргізді.
– Арнайы комиссия құрып, зерттеу, зерделеу жұмыстарын жүргізудеміз. Бүгінде біздің ауданда 267 пандус орнатылған. Десе де кейбірі талапқа сай емес. Мүгедек жандардың мініп-шығуына қиындық тудырады. Сол себепті түсіндіру жұмыстарын жүргізіп, кейбіріне ескерту берудеміз, – дейді
Әл-Фараби ауданының әкімі Бауыржан Қалжанов.
Шара соңында аудан әкімі мүгедектердің жеке және мемлекеттік мекемелерге еркін кіріп-шығуы үшін пандустарды талапқа сай орнатылуын қадағалауды тапсырды.
