Қазақстан Республикасы Қорғаныс министрінің бұйрығымен Шымкент қаласы қорғаныс істері жөніндегі департаментінің бастығы болып полковник Алмаз Тілеуханов тағайындалды.
Алмаз Тілеуханұлы 1976 жылы Шығыс Қазақстан облысы Тарбағатай ауданында туған. Алматы қаласының Жоғарғы жалпы әскери командалық училищесін және ҚР ҚМ Ұлттық қорғаныс университетін бітірген.
Әскери қызметін 1997 жылы Аягөз гарнизонында бастаған. Әскери бөлімдер мен әскери полиция, Шығыс Қазақстан облысы және Қарағанды облысы қорғаныс істері жөніндегі департаменттерінде түрлі деңгейдегі басшылық лауазымдарда қызмет атқарған.
Тағайындауға дейінгі соңғы лауазымы Солтүстік Қазақстан облысы қорғаныс істері жөніндегі департаментінің бастығы болған.
I, II және III дәрежелі «Мінсіз қызметі үшін» және мерейтойлық бірқатар медальдармен марапатталған. Отбасылы. 3 ұл тәрбиелеуде.