Шымкент қалалық ішкі саясат және жастар істері жөніндегі басқармасының басшысы М.Шотанов қаладағы жұмыс істеуге және білім алуға қызығуы төмен жастар үшін мобильді топ құрылғанын айтты. Өткен жылы арнайы топ өкілдері елді мекендерді аралап, 10 мың жаспен кездессе, биыл 15 мың жасқа түсіндіру жұмысын жүргізу жоспарланған.
Сонымен қатар, осы жылы жұмыспен қамту және әлеуметтік қорғау басқармасымен бірлесе 18 мың жасты жұмыспен қамту көзделіп отыр.
«Жасыл ел» маусымдық еңбек жасақтары жобасымен биыл шілде-қыркүйек аралығында 1 313 жас уақытша жұмыспен қамтылады. Айта кетсек, 2021 жылы осы жобамен 1 213 жас жұмысқа бағытталған.
