Ол өз баяндамасында биылғы жылы кітапханаға келуші оқырмандар санын 282 762 адамға ұлғайту жоспарланғанын айтып, осы индикаторға қол жеткізу бойынша атқарылатын жұмыстарға тоқталды.
–Өткен жылы 10 кітапхана модернизациядан өтті. Биыл 3 кітапхананы өткізу жоспарлануда. Барлық кітапханалар жоғары жылдамдықтағы ғаламтор желісіне қосылады. Кітап қорын цифрландыру жұмысы жалғаспақ. Сонымен қатар, Әл-Фараби кітапханасына Әл-Фарабидің еңбектерінің, трактаттарының, ноталарының көшірмелерін алу мәселесі қолға алынды. Кітапхана қызметкерлерін әлемдегі Әл-Фараби орталықтары орналасқан елдерге тәжірибе алмасуға жіберу бойынша жұмыстар атқарылатын болады», - деп атап өтті басқарма басшысының орынбасары.
Одан бөлек, қала басшысы әрбір елді мекендерге көшпелі қойылымдар ұйымдастыруды тапсырды. Ұлттық идеологиямен сабақтасқан қойылымдардың көркемдік деңгейі мен сапасына көңіл бөле отырып, қала тарихы тақырыбына сай жаңа ұсыныстар керектігін айтып өтті.
Жиын соңында қала әкімі мәдени нысандарға кіріп-шығу тәртібін автоматтандыруды және оның орындалу барысын жіті қадағалауды жүктеді.
