Жұмыстар 5 жылдық жоспар бойынша жүргізіледі
Среда, 10 Февраль 2021 03:55Шымкент қаласының әкімі М.Әйтеновтің және салалық басқарма басшылары мен БАҚ өкілдерінің қатысуымен Қаратау ауданының әкімі А.Әліқұловтің 2020 жылы атқарған жұмыстары бойынша қорытынды есебі тыңдалды. Карантинге байланысты есеп беру жиыны онлайн өтті.
Табыстың бір көзі – ТАНДЫРХАНА
Среда, 10 Февраль 2021 03:45
«Шағын бизнес үшін 100 жоба» кітабында тандырға нан жауып, сату жобасы тиімді бизнес ретінде көрсетілген. Жобаның құны 4 млн
теңгені құрайды. Өтемділік мерзімі – 5 ай. Тандырдан нан ғана емес, күлше, самса да пісіруге болады.
Қоғамдық көліктердің жаңа бағыттары пайда болады
Среда, 03 Февраль 2021 04:13
Аудан әкімдерінің есеп беру кездесуі онлайн форматта жалғасуда. Кезекті есептік баяндамада Қаратау ауданының әкімі Абзал Әліқұлов 2020 жылы аймақтың әлеуметтік-экономикалық даму жоспары бойынша атқарылған жұмыстар жөнінде айтып берді.
Отбасы құндылығын жоғалтқан ел оңалмайды
Среда, 03 Февраль 2021 03:59
Академик Досмұхамбет ЖАҚАШ Ә.М. Қуатбеков атындағы Халықтар достығы университетінің аға оқытушысы, тарих ғылымдарының кандидаты,
демография мәселесін зерттеуші маман. Ғалыммен болған әңгімеміз бүгінгі таңда өзекті болып отырған демография тақырыбында өрбіді.
ИНФРАҚҰРЫЛЫМ МӘСЕЛЕСІ ТОЛЫҚ ШЕШІМІН ТАБАДЫ
Пятница, 29 Январь 2021 06:21
Әл-Фараби ауданының әкімі Ғабит Мәуленқұлов аудан бойынша 2020 жылы атқарылған жұмыстардың есебін берді.
Баяндамада Ғабит Патшаханұлы көпқабатты үйлердің аулаларының 75 пайызы абаттандырылғанын мәлімдеді. Биыл 85 аула абаттандырылады. Өткен жылы 18 ашық спорт алаңшасы жөнделсе, биыл 15-і қалыпқа келтіріледі. 18 жаңа спорт алаңшасы жыл соңына дейін пайдалануға беріледі.
– Самал-1, Наурыз шағынаудандарындағы көшелер кәріз жүйесіне қосылса, ауданның 90 пайызы кәріз жүйесімен қамтылады. Сайрам ауданынан қосылған 195-ші орамға былтыр ауыз су және электр энергиясы толық тартылды. Енді 2021 жылдың І жартыжылдығында табиғи газ мәселесін шешу қолға алынады. Бюджет қаржысына қарай 276-шы орам бойынша биыл коммуналдық мәселелер толығымен шешімін табады. Текесу ауылына да ауыз су тартылды, – деді Ғабит Патшаханұлы.
Аудан әкімінің мәлімдеуінше былтыр Шымкент қалалық орыс драма театрының алды, Ш. Қалдаяқов атындағы гүлзар абаттандырылып, А.Асқаров атындағы дендросаябақтың 6,5 шақырым жолы жөнделіп, жарықтар орнатылып, ел игіліне берілді.
Санитарлық тазалықты қамтамасыз ету мақсатында аудан 7 аумаққа бөлінген, онда 192 қоқыс алаңшасы, 749 контейнер орналасқан. Биыл 300 қоқыс жәшігін сатып алу жоспарлануда. Орталықтандырылған жылу жүйесіне қосылған 614 көпқабатты үйден бүгінге дейін әлі ешқандай шағым түскен жоқ.
Ғ.Мәуленқұловтың айтуынша «Нұрлы жер» бағдарламасы аясында былтыр 25 көпқабатты үй жаңғыртудан өтті. Ескі үйлерді модернизациялау биыл да жалғасын таппақ. Сонымен бірге 3 үйге сейсмонығайту жұмыстары жүргізілсе, 22 үй сейсмонығайтуды қажет етеді.Пандемия кезінде көпқабатты үйлер 3 мәрте дезинфекцияланды. Ауданда карантиндік талаптардың сақталуын қадағалайтын 6 арнайы мобильдік топ құрылған. Әл-Фараби ауданы аумағында 24 кәсіпкерлік нысаны салынып жатыр. 13 бизнес объектісі іске қосылса, 11-нің құрылысы жүруде.
Ауданда орналасқан 4 базардың екеуінде қайта жаңғырту жұмыстары жүріп жатыр. Олар Орталық қырғы базар мен Дархан базары. Қазыбек базары қаланың Бозарық аумағына көшірілді. Акбар базары бүгінгі таңда заманауи талапқа сай сауда орны саналады. Есепті кезеңде ретсіз сауда жасаған 35 азамат өзге базарларға орналастырылды.
ҮШ АУЫСЫМДЫ МЕКТЕПТЕР ЕНДІ БОЛМАЙДЫ
2020 жылы атқарылған жұмыстар бойынша есеп берген Әл-Фараби ауданының әкімі Ғабит Мәуленқұлов әлеуметтік жағдайы төмен отбасыларға 2 миллиард теңгеден астам жәрдемақы төленгенін мәлімдеді. 5889 азамат әлеуметтік төмен отбасы қатарына алуға өтініш берген.
– Ауданда 3 ауысымды 4 мектеп бар. №47,45 мектептердің жобалық-сметалық құжаттамалары дайындалды. Қосымша 300 орындық ғимарат салу жұмыстары енді басталады. №1,9 мектептерге қосымша құрылыс салу үшін құжаттамаларын әзірлеу бойынша тиісті басқармамен жұмыстар жүргізілуде. Апатты деп танылған №79 мектептің жобалық-сметалық құжаттамасы әзірленді. Биыл СПК «Shymkent» тарапынан 300 орындық мектептің құрылыс жұмыстары басталады. 2022 жылы мектеп құрылысын аяқтау жоспарлануда. Биылдан бастап Әл-Фараби ауданы әкімдігі 2021-2025 жылдарға арналған инфрақұрылымдық даму жоспары бойынша жұмыс жүргізеді, – деді Ғабит Патшаханұлы.
Медицина мәселесін айта келе 195, 276-орамдар мен Текесу ауылында жедел жәрдем бригадасын құру қажеттігін, осыған орай денсаулық басқармасымен бірлесіп тиісті жұмыстардың атқарылып жатқандығын атап өтті.
Баяндама барысында ауданның басқа да әлеуметтік-экономикалық бағыттары бойынша атқарылған істерге тоқталған Ғабит Патшаханұлы БАҚ өкілдері тарапынан және әлеуметтік желілер арқылы келіп түскен тұрғындардың сауалдарына жан-жақты жауап берді.
Шымкентте 100 жаңа тауар түрі шығарылып, 25 жаңа кәсіпорын ашылады
Среда, 27 Январь 2021 04:43Пандемия бизнес саласына елеулі салқынын тигізді. Өткен жыл қиын болды. Індеттен экономиканың туризм, тамақтану, қонақ үй бизнесі, азық-түлік емес тауарлардың бөлшек саудасы, жолаушылар көлігі, тұрмыстық және басқа да қызметтер, жылжымайтын мүлікпен жасалатын операциялар, ойын-сауық және демалыс, білім беру салалары зиян шекті. Бүгінде карантин жағдайында Шымкентте 27 мыңнан астам шағын және орта бизнес субъектілері жұмыс істеуде.
Білім ошақтары бой көтереді
Среда, 27 Январь 2021 04:30Биыл Шымкент қаласында 1 920 орындық 4 мектептің құрылысы жалғасын табады.
31 млрд. теңгеге 31 жоба іске асырылады
Пятница, 22 Январь 2021 04:54Шымкент қалалық ауыл шаруашылығы және ветеринария басқармасының берген мәліметіне сәйкес мегаполисте агроөнеркәсіп кешені саласындағы өндірілетін жалпы өнімнің көлемі 2021 жылы 37 млрд теңгені құрап, нақты көлем индексі - 104,3 пайызға жетеді деген болжам бар.
