«Білесіздер, мен цифрландыру мен инновация мәселелеріне ерекше көңіл бөлемін. Біздің алдымызда стратегиялық маңызды міндет тұр – Қазақстанды IT-елге айналдыру. Цифрландыру саласындағы жетістіктеріміз бар – біз электронды үкімет пен финтех даму индексі бойынша әлемдік көшбасшылардың қатарындамыз. Былтырдың өзінде отандық IT-индустрия экспортының көлемі бес есеге өсті. Түрлі салаларда қордаланған мәселелердің барлығы да Үкіметтің күнделікті және жүйелі жұмысының арқасында бірте-бірте шешілуде. Дегенмен өзекті мәселелерді шешуде, сонымен қатар еліміздің болашағы туралы өзіндік көзқарасымызды дамытуда, ұлттың жаңа сапасын қалыптастыру, жеке және ұжымдық құндылықтар жүйесін жетілдіру керек», – деген еді Қазақстан Президенті.
Қазір цифрландыру өміріміздің барлық саласына еніп жатыр және мемлекеттік органдар бизнес-процестерді оңтайландыру жолдарын белсенді түрде іздеуде. Әсіресе құрылыс секторына ерекше назар аударылады. Мұнда автоматтандыру шығындарды азайту және сыбайлас жемқорлықпен күресуде шешуші рөл атқара алады. Елдегі соңғы оқиғаларды ескерсек, бұл – мәселені түп-тамырымен шешуге жасалған елеулі қадам.
Жақында Шымкент қаласының әкімі Ғабит Сыздықбеков OASIS экожүйесін әзірлеуші жергілікті жетекші IT-компаниясының директоры Нұрсұлтан Оспанов мырзаны қабылдады. Бұл кездесу бизнес пен билік арасындағы ұзақмерзімді серіктестік орнату жолындағы алғашқы қадам болды.
OASIS экожүйесінің мынадай артықшылықтары бар:
Шығындарды азайту бойынша: Процесті автоматтандыру дәстүрлі түрде құжат айналымы мен жобаны басқаруға жұмсалатын уақыт пен ресурстарды қысқартуы мүмкін.
Ұрлыққа қарсы: Цифрлық жүйе құрылыс алаңындағы операциялардың ашықтығын қамтамасыз етеді және өкілеттіктерді теріс пайдалану тәуекелдерін болдырмайды.
Тиімділікті арттыру бойынша: Деректерге жылдам қол жеткізу және жеңілдетілген процедуралар бизнесті тиімдірек басқаруға ықпал етеді.
Бірінші кездесу мемлекеттік қызметкерлердің OASIS жаңа экожүйесінің мүмкіндіктеріне тәнті болғанын көрсетті. Компанияның негізін қалаушы Нұрсұлтан Оспановтың айтуынша, «B2G серіктестігі құрылыс индустриясындағы прогресс пен инновацияның қуатты қозғалтқышы бола алады. Өйткені, OASIS экожүйесі ойын ережелерін ашықтық пайдасына өзгертеді».
Билік биылдан бастап цифрлық құрылыс стандарттарына көшуді жоспарлап отыр. Бұл өнеркәсіпте қолданылатын барлық OASIS IT жүйелерін біріктіруге және ғимарат құрылысы мен басқа құрылыс жұмыстарының барлық кезеңдеріндегі процестерді автоматтандыруға мүмкіндік береді. Бұл шешуші қадам жергілікті атқарушы органға құрылыс жұмыстарының әрбір кезеңін бақылауға мүмкіндік береді, ал қала әкімі мемлекеттік бюджеттің ұрлануымен күресті және атқарылған жұмыстардың сапасын бақылауды шындап қолға алады.
Салтанат ЖАМАЛДИНОВА
