ҚР Премьер-Министрі Асқар Мамин жұмыс сапарымен Шымкент қаласына келді. Сапар барысында Үкімет басшысы «Alliance» Сауда-өнеркәсіп палатасы» ЖШС жіп иіру фабрикасын салтанатты түрде іске қосу іс-шарасына қатысты. Аталған кәсіпорынның жұмысымен танысып, ұжымға сәттілік тіледі.

400

Шымкент қалалық Қоғамдық кеңесі №1 клиникалық ауруханасының бас дәрігері, танымал трансплантолог, бірінші санатты хирург Абылай Донбайдың ісіне қатысты ҚР Денсаулық сақтау министрлігіне хат жолдамақ. Бұл туралы Қоғамдық кеңестің кезекті отырысында төраға, Шымкент қаласы мәслихатының депутаты Нұрғазы Бұхарбай мәлімдеді.

301

Елу жылда көпір де жаңа

Среда, 27 Ноябрь 2019 04:24

Шымкент қаласындағы «А-2» аталып кеткен «Қорғас – Алматы – Шымкент – Өзбекстан Республикасының шекарасы» автомобиль жолындағы Бадам өзеніне екі бағытты көпір салынуда. Жалпы ені 28,2 метрді құрайтын көпірдің бүгінде бір бағыты аяқталып, жолаушыларға пайдалануға берілді.

77175245 600589400682412 5168942971223015424 n

Шымкент қалалық жолаушылар көлігі және автомобиль жолдары басқармасы басшысының міндетін атқарушы Абай Тұрханов көпірдің 2020 жылы пайдалануға берілетінін айтты.

– Бұл көпірдің тұрғанына елу жылдан асты. Әбден ескіргені бар, апатты жағдайда деп танылған. Сондай-ақ, қазір 50 жыл бұрынғыдай емес, халық та, көлік те көбейді. Сондықтан көпірдің екі бағытты әрі кең болуы жолаушыларға жасалған жайлы жағдай болмақ. Бадам өзенінен өтетін бұл көпірдің құрылысы 2020 жылдың желтоқсан айында аяқталады деп жоспарланған, – дейді А.Тұрханов.

Бүгінгі таңда Шымкенттегі А-2 автомобиль жолын қайта құру жұмыстары 8 кезеңге бөлініп, оның төрт кезеңінде құрылыс жүріп жатыр. Ал қалған 4 кезеңге жобалау жұмыстары жүргізілуде. Жобаға сәйкес, Бадам өзенінің бұл тұстағы көпірінің жалпы ұзындығы – 144 метр, жүріс бөлігінің ені 11,5 метр болады.

Наразылықтан мәдениетке дейін

Пятница, 22 Ноябрь 2019 05:49

«Shymkent BUS» автобус паркінде 30-ға тарта қоғамдық көлік жүргізушісі жолаушылар бағытына шығудан бас тартты. Олар екі ай алмаған айлықты төлеуді талап еткен. Аталған жағдайға байланысты «Shymkent» ӘКК» АҚ басқарма төрағасы Ә.Рабаевтың қатысуымен өткен брифингте олардың жалақысы осы аптаның соңына дейін төленетіні белгілі болды.

брифинг акмарал

Әбілсейіт Байсейітұлының айтуынша, қазан айында «Shymkent BUS»-тың 361 жұмысшыға 51 млн теңге көлемінде берешегі болған. Бүгінгі таңда соның аз ғана бөлігі қалған.

– Қоғамдық көлік жүргізушілеріне айлық жалақысын 3 немесе 6 айлап төлеуді болдырмаймыз. «Shymkent BUS» көлік компаниясын қаржыландыру үшін «ПетроҚазақстан» компаниясы 200 млн теңге қаржы бөлген болатын. Сол қаржыны игерудің кезеңдік жұмыстарына байланысты айлық уақытынан сәл кешікті. Қоғамдық көлік жүргізушілерін бұл жағдайға түсіністікпен қарауға шақырып, мәмілеге келдік. Көлік жүргізушілері қазан айындағы берешегі мен қарашаның айлығын бірер күнде алады, – деді Ә.Рабаев.

Брифингке «Shymkent BUS» басқарушы компаниясы ЖШС директоры Елікбай Тоқбергенов пен қалалық жолаушылар көлігі және автомоль жолдары басқармасы басшысының орынбасары Ержан Зиябеков те қатысып, БАҚ өкілдерінің сұрақтарына жауап берді.

Айта кетейік, ағымдағы жылы Шымкент қаласына келген жаңа 300 автобустың 231-і 12 бағыт бойынша қала жолаушыларына қызмет көрсетуде. Қалған 69 автобусты бағытқа қою жұмыстары жыл соңына дейін аяқталмақ. Сондай-ақ, «Shymkent BUS» компаниясының қоғамдық көлік жүргізушілерінің жалақысы келісімшартта 130 мың теңге деп көрсетілген. Әйткенмен, жүргізушілер жол жүру ережесін бұзып, жолаушыларға дөрекілік танытқан жағдайда оның жалақысы азаюы мүмкін.

– Біз мегаполис болдық. Шымкентте қоғамдық көліктің бір ғана түрі бар, метро, басқа да түрлері жоқ. Сондықтан, автобус қызметін тиісті заманауи деңгейге көтерумен қатар жұмысшылардың да талапқа сай қызмет етуін қолға алмақпыз. Осы мақсатта алдағы уақытта «Shymkent BUS» қоғамдық көлік қызметіндегі азаматтарға айлық бонустық жүйемен төленеді, – деді Ә.Рабаев.

Еске сала кетейік, Елікбай Тоқбергеновтің айтуынша, көлік жүргізушілері айдың 15 күнінде жұмыс істеп, 15 күнінде демалады. Оны күнара немесе екі күндік етіп реттеу жұмысшылардың таңдауына қарай шешіледі.

Шымкент қаласына аудандардан енген Тоғыс, Құрсай, Бадам тұрғын алаптарында 3634 үйге сапалы электр жарығын қосу жұмыстары аяқталуға жақын. Сондай-ақ, тағы 4 елдімекенде 9600 адамды құрайтын 241 үйге сапалы ауызсу құбырлары тартылып, қазір абоненттеу жұмыстары жалғасуда. Бұл туралы Шымкент қаласы əкімінің орынбасары Б.Парманов БАҚ өкілдерімен өткен брифингте мәлімдеді.

Б Парманов

Бұхарбай Рысқұлұлының айтуынша, Шымкентте ауыз су мүлде жетпеген 8 елдімекен бар. Қазір ол елдімекендерге таза ауызсу тасымалдап беру арқылы жеткізіледі. Тағы 10 елдімекенде су құбырларының тозығы жетуіне байланысты ауызсу тәулігіне сағаттап қана қосылады.

– Биыл 10 айда осы ұңғымадан су ішіп отырған 5 елдімекенді сапалы ауызсумен қамтудың жобалық-сметалық құжаттары əзірленді. 2020 жылдың соңына дейін бұл жоба нəтижесін береді. Сондай-ақ, Шымкенттегі қалған 13 елдімекендегі ауызсу тапшылығы 2023 жылы 100% шешімін табады деп жоспарлап отырмыз. Егер су құбырын тарту құрылыстары барысында ешқандай кедергілер туындамаса, жоспар одан да ерте орындалады. Себебі, кейде жер теліміне байланысты сотпен шешілетін мəселелер 5-6 ай уақытты алады, – деді Б.Парманов.

Брифингте айтылған маңызды мәселенің бірі табиғи газ тапшылығы. Қала аумағында 12 елдімекен табиғи газбен қамтылмаған. Бұл пайыздық көрсеткішпен алғанда мегаполис халқының 93%-ын құрайды. Табиғи газ тапшылығынан Шымкент қаласында үшінші автоматтандырылған газ тарату бекетін салу мәселесі көптен бері айтылып жүрген. Бұл сұрақ шешімін тапты, қазіргі таңда мердігер анықталды, «АГРС-3» құрылыс жұмыстары 2020 жылы жанданбақ.

Айта кетейік, 34 шағынауданға кәріз жүйесін тартудың ЖСҚ-сы да осы 10 айда әзірленді. Ал 2019 жылдың соңына дейін 100 шақырым жол пайдалануға берілсе, тағы 120 шақырымы 2020 жылға өтпелі.

Үшінші мегаполисте заңсыз салынған нысандар соңғы уақытта жауыннан кейінгі саңырауқұлақтай қаптап барады. Бүгінде құрылыс сапасына көз жеткізбей-ақ пайдалануға қабылданған нысандардың саны 1034-ке жеткен. Бұл небәрі 2018-2019 жылдар аралығындағы көрсеткіш. Қоғамдық кеңестің отырысында Қала құрылысын бақылау басқармасының басшысы Берік Тастанбекұлы айтқан бұл дерек журналистік зерттеу жүргізуге себеп болды.

010

«Қуырдақтың көкесін түйе сойғанда көресің» демекші, қала сәулетіне сын келтірген құрылыс нысандарының «заңсыздық кодына» айналған «1034»-ке жақынырақ үңілдік. Қала құрылысын бақылау басқармасы тарапынан бір, сәулет және қала құрылысы басқармасы жағынан екі, Шымкент қаласы әкімінің осы салаға жетекшілік ететін орынбасары тұсынан тағы бір қарап көрдік. Қалай қарасақ та, заңсыздықтың аты да, заты да өзгермеді.

Мегаполис – біздің жекеменшік үйіміздің ауласы емес

Қала құрылысын бақылау басқармасының басшысы Б.Дүйсенов «Қазақстан Республикасындағы сәулет, қала құрылысы және құрылыс қызметі туралы» ҚР Заңы қалай бұзылғанын түсіндіріп берді.
– Сәулеттік-жоспарлау тапсырмасы жоқ. Жобалық-сметалық құжаттамасы жоқ. Құрылыс-монтаждау жобасы сараптамадан өтіп, оң қорытынды алғаны туралы құжат жоқ. Құрылысты бастағаны туралы хабарламасы жоқ. Бірақ, меншік иелерінің пайдалану-қабылдау актісі сәулет және қала құрылысы басқармасында есепке алынған. Мәселе осында, – дейді ол.

Берік Тастанбекұлының айтуынша, «Қазақстан Республикасындағы сәулет, қала құрылысы және құрылыс қызметі туралы» ҚР Заңының 68 бабына сәйкес, аталған 4 құжатсыз құрылысты бастау мүмкін емес. Әсіресе, бұл заң мегаполисте қатаң сақталуы тиіс.

– Ал біздің әріптестер сәулеттік-жоспарлау тапсырмасы мен жобалық-сметалық құжаттамасы жоқ екенін біле тұра, осындай келеңсіздікке жол берген. Себебі, сәулеттік-жоспарлау тапсырмасын да, жобалық-сметалық құжаттамасын да сәулет және қала құрылысы басқармасы береді, – деді ол.

Шынында, нысан иесі құрылыстың сапалы салынғанын, оның шатыры құлап немесе қабырғасы сөгілмейтінін қалай дәлелдеген? Қала сәулетіне сын келтірмейтінін, «адам өмірі мен денсаулығына, қоршаған ортаға, жеке және заңды тұлғалардың, мемлекеттің заңды мүдделеріне төнетін тікелей қатердің» жоқтығын нақты құжаттармен дәлелдемей-ақ, нысанды пайдалану-қабылдау актісін қалай алған? Осылай қалаған жерге зәулім сарай көтере салсақ, мегаполиске Бас жоспардың керегі не?

Берік Дүйсеновше айтсақ, мегаполис бұл біздің жекеменшік үйіміздің ауласы емес. Өз үйіміздің ауласына тауыққа, төрт түлікке қораны қай тұстан, қалай салуды әркім өзі шешер. Алайда, мегаполис, кешіріңіз, бұл біздің қорамыз емес! Мұнда Шымкент қаласының Бас жоспары бекітілген. Сонда мегаполисті ең әуелі сәулетшілер мен шаһар дамуының негізгі тұтқалары – ірі кәсіпкерлер «өз қорасына» айналдырып отырғаны ма? Қала құрылысын бақылау басқармасының басшысы дәл осылай ашынды.

Заңсыздықтың ашылуына кім түрткі болды?

– Біздің басқарма Шымкент қаласы республикалық маңызы бар қала атанғаннан кейін құрылды. Қала құрылысын бақылау басқармасы құрылғалы әрбір жеке және заңды тұлға құрылыс-монтаж жұмыстары басталғаны туралы бізге хабарлама қалдыруы тиіс. Ол хабарламада құрылыс болатын нысанның мекенжайы, құрылыстың атауы, тапсырысшы яғни меншік иесі, мердігер, техникалық және авторлық қадағалаушылар, нысан құрылысының басталуы мен аяқталу мерзімі нақты көрсетіледі.

Ал біздің дереккөзде хабарламасы шықпаса, ол нысанның құрылыс жұмыстары заңсыз деп танылады, – деген Б.Дүйсенов біз зерттеген 1034 нысанның сол тізімде жоғын алға тартты.
Ол тізімде болмайтыны анық. Себебі, 1034 нысанның пайдалану-қабылдау актісінің өзі 2018-2019 жылдары тіркелген. Яғни, құрылысы одан да ерте басталған. Ал заңсыздықты анықтау үшін Берік Тастанбекұлының атына Сәулет және қала құрылысы басқармасы басшысының орынбасары Нұрлан Архабаев қызметтік хат жолдаған.

(суретте 1-ші құжат)

6666666

Бір даудың шындығына жеткісі келген Қаз дауысты Қазыбек би ештеңе айта алмай қипақтаған жолаушыға қарап «Айтайын десе, бұған сор, айтпайын десе, елге сор» депті ғой. Сол айтқандай, Сәулет және қала құрылысы басқармасы басшысының орынбасары бола тұра Н.Архабаевтың сол басқармада белең алған мәселені қолға алу туралы өзі бастап қызметтік хат жолдағаны бізге де түрлі ой салды.

Әліптің артын бағайық

Қоғамдық кеңес отырысында Берік Тастанбекұлы «...Қала әкімі аппаратының басшысы мен біздің әріптесіміз қалалық сәулет және қала құрылысы басқармасының үстінен Ұлттық бюроға қызмет хат жолдады. Сондай-ақ, осы іс бойынша жауапкершілікке тарту туралы Мемлекеттік қызмет агенттігіне де тиісті құжаттарды жолдадық» деп еді. Осы екі құжатпен таныстық.

Қызмет хаттар ҚР Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің басшысы А.Жұмағалиға және ҚР Мемлекеттік қызмет істері агенттігінің Шымкент қаласы бойынша департаментінің басшысы, Әдеп жөніндегі кеңес төрағасы Ә.Көмекбаевқа Шымкент қаласы әкімінің аппарат басшысы Е.Әлімқұловтың атынан жолданыпты.

Заңсыздықтың орын алуына байланысты қызметтік хатта «Сәулет және қала құрылысы басқармасының басшысы Ж.Байымбетов және орынбасары Н.Архабаевтың, сонымен қатар аталған басқарманың мемлекеттік әкімшілік қызметкері С.Байниязовтың және азаматтық қызметшісі М.Тыныстановтың іс-әрекеттеріне процессуалдық шешім қабылдау үшін тиісті құжаттарды жолдаймыз» делінген.

(суретте 2-ші құжат)

Untitled

Әйтсе де, шара көру мәселесі Сәулет және қала құрылысы басқармасы басшысының орынбасары Нұрлан Архабаевтан түсініктеме алумен шектелген сыңайлы.

Шымкент қаласы қала құрылысын бақылау басқармасының басшысы Берік Дүйсеновтің атына «адам өмірі мен денсаулығына, қоршаған ортаға, жеке және заңды тұлғалардың, мемлекеттің заңды мүдделеріне төнетін тікелей қатердің алдын алу және оны жою мақсатында тексеру жұмыстарын жүргізуді, қабылдау актісін заң бұзушылықпен қабылдаған жеке және заңды тұлғаларға шара көруді, әділет басқармасына тіркелген пайдалануға қабылдау актісін заңсыз» деп тану бойынша сотқа талап арыз беруді сұрап, қызмет хат жолдаған Н.Архабаевпен кездестік.

– Маған көрді ғой шараны. Бірақ, онымен тоқтауға болмайды. Қала құрылысын бақылау басқармасы өз құзіреті шегінде осы 1034 нысанның да жұмысын тоқтатуы керек. Оларға тиісті шара көріп, айыппұл салса, қазынаға 1 млрд теңгеден көп қаржы түседі. Ал құжаттарын ретке келтірсе, бұл кіріс тағы да еселенбек. Есесіне, біз – осы саланың жауапты адамы ретінде адам өміріне төнуі мүмкін қауіпті сейілтеміз, – деді Нұрлан Төлепбергенұлы.

Н.Архабаев осы мәселені көтергенде таяқтың екінші ұшы өзіне де тиетінін білді ме екен?

– Білдім. Амал жоқ енді, не істеймін? Шымкент миллионды қала болғанға дейін біздің мекеме – бөлім, мен – бөлім басшысы едім. Кейін басқарма болып қайта құрылып жатқанда бірқатар заңсыздықтарды байқадым. Қазір көзімді жұмып, білмегенсіп кетсем, біраз жылдан кейін сол сапасы тексерілмеген нысанның бірі құлап, «Шымкентте 600 адам тойхана үйіндісінің астында қалды» деген хабар тараса жақсы ма? «Архабаевтың басқарған кезінде болған» дейді ғой. Ол нысандар өз бетінше құрылыс жүргізген. Ал оларға пайдалану-қабылдау актілері 2018 жылдың қыркүйегінен бастап берілген. Бүгінге дейінгі дерек заңсыз салынған 1034 нысанды құрап отыр, – деді Н.Архабаев.

Еске салсақ, «Шымкент келбеті» газетінің №11 (1653) санында (8 ақпан 2019 жыл) жарияланған сұхбатында Б.Дүйсенов «құрылысты заңсыз бастаған кәсіпкерлік нысанға ҚР ӘҚБтК-нің 316, 321, 318, 463-баптары бойынша көлемі 1 млн теңгеден асатын айыппұл салынатынын және құрылысты тоқтату туралы нұсқама берілетінін» айтқан. «Айыппұл төлеуден бөлек құрылысты одан әрі жалғастыру үшін заңдастыруға міндетті. Яғни, жоғарыда аталған құжаттар айыппұл төлегеннен кейін де талап етіледі. Бұл талаптарды орындамай жұмысты жалғастыруға тыйым салынады» деген болатын.

Ал біз мұнда той тойлап жүрміз...

Біз зерттеп отырған заңсыз салынған 1034 нысанның бірі – «Керуен сарайы» мейрамханасы. Мұнда тыйым салмақ түгілі, ел күнде дерлік той тойлап жүр. Тіпті, 2017 жылы БАҚ өкілдері кәсіби мерекесін дәл осы салтанат сарайында атап өткен. Ал қолда бар деректерге сүйенсек, С.К.Молдалиновтың атындағы бұл «сарайға» пайдалану-қабылдау актісі 2018 жылдың 21 желтоқсанында ғана берілген.
Құрылыстың сапалы, адам өміріне қауіпсіз екенін, арматура, бетон, басқа да құрылыс заттарының тиісті мөлшерде қолданылғанын дәлелдейтін жобалық-сметалық құжаттамасы жоқ. Құрылыс-монтаждау жобасы оң қорытынды алу тұрмақ, сараптамадан да өтпеген.

Міне, қызық! Меншік иесі заңды белден басқанның қандай болатынын көрсетіпті.

С.Молдалиновтың «Қазақстан Республикасындағы сәулет, қала құрылысы және құрылыс қызметі туралы» ҚР Заңының 68-бабы бойынша Құрылыс процесiне қойылатын негiзгi талаптарды сақтамағаны туралы Н.Архабаев Б.Дүйсеновке жазған қызметтік хатында баяндаған.

(суретте 3-ші құжат)

77777

Қызық... Екі басқарма да өз жұмысынан гөрі бір-бірінің жұмысын жақсы біліп отыр. Ал Шымкент қаласы əкімінің орынбасары Бауыржан Мамыталиев жетекшілік ететін бұл салаға байланысты қала басшысы Ерлан Айтаханов «Бұл біздегі үрдіске айналып кеткен кемшілік!» деген пікірін ашып айтты. Бәлкім, заңсыз құрылыс жүргізгендердің мәселесін Ерлан Қуанышұлының өзі қаттырақ қолға алмаса, бір тығырыққа тірелері хақ. Қалай дегенде де қордаланған мәселе май шаммен қарайтын деңгейге жетіп тұр...

ЖОМАРТ ЖІГІТ БАЙМЕН ТЕҢ

Пятница, 15 Ноябрь 2019 04:01

«Көк аспаның ластанса төрдегі,
Жан ұшырып іздер дейсің ел нені?
Қандай жаман, қандай жаман, құдай-ай,
Балалардың қара аспанды көргені...» деп жырлаған жаны нәзік, жүрегі кең, ақын Сүндет Сейітов қайырымды қаланың белгілі де белсенді тұрғыны.

қайырым

Сүндет кеше ғана мүмкіндігі шектеулі балаға барынша қамқорлық танытып, жалғызбасты ананың алғысын алды.

Шымкент қаласының жұмыспен қамту және әлеуметтік қорғау басқармасына жұмысқа орналасқанына көп болмаған С.Сейітовтің негізгі міндеті баспасөз хатшысы.

КТК телеарнасының тілшісі Жазира Бегалының facebook парақшасынан Шымкенттегі өзімен аттас жас ананың жағдайы туралы жазбасын оқиды.

– Ертесіне әлгі жас келіншекті шақырдым, шағымын тыңдадым. Мамандармен ақылдасып, оның Атаулы әлеуметтік көмек алудағы дұрыс емес құжаттарын ретке келтіруге барынша араласып, соңына дейін қасында жүрдім. Сонда сөз арасында баласының жағдайын, оған не болғанын, неліктен мүмкіндігі шектеулі екенін сұрадым – дейді Сүндет.

Сундет

Атаулы әлеуметтік көмек тағайындалды. Ж.Бегалиеваның мәселесі шешілді. Бірақ, Сүндеттің ойынан 3 жастағы баланың жағдайы кетпей қояды. Небәрі үш жасар баланың ауыр демінен тынысы тарылған Сүндет қарап отыра алмай мән-жайды ҚР Денсаулық сақтау министрлігіндегі таныс ағасына жеткізеді.

– Шырылдаған жас анаға қарап, өзімнің анам есіме түсті. Оның баласына алматылық дәрігерлер қойған диагнозды Шымкентте «дұрыс емес» депті. Содан қай жақтың шатасқанын білмеймін. Министрліктегі ағамнан диагнозды анықтауға және баланы емдету үшін білікті дәрігер табуға көмектесуін өтіндім.

Сосын өзім қаражат жағын ұйымдастыруға тырысып, facebook әлеуметтік желісінде біраз адамды белгілеп, Ж.Бегалиеваның өкпе ақауынан аппаратпен тыныс алып жатқан баласына көмектесуге шақырдым, – дейді ол.

Сүндет бастаған қайырымдылық баршаны елең еткізді. Қоғамға қозғау салған мәселеге қайырымды жандар шама-шарқынша ақшалай жәрдем берсе, Шымкент қалалық денсаулық сақтау басқармасының басшысы Асхан Байдувалиев Жазираны қабылдауына шақырды.

– Көңілім көншімей, қабылдаудан шыққан соң тағы сөйлестім. Жазираның өзіне де, мүмкіндігі шектеулі баласына да денсаулық сақтау басқармасы толығымен көмектесетін болыпты. Емдеуге кететін шығынның бәрін басқарма өз жауапкершілігіне алғанын естіп, арқамнан ауыр жүк түскендей жеңілдеп қалдым, – дейді Сүндет.

Ал осы жағдайлардан кейін әу баста жағдайын ашына жазған Жазира Бегалиева әлеуметтік желі арқылы алғысын білдірген. Жас ана «Сүндет Сейітов мырзаға алғысым шексіз. Жас та болса, ақылдылығына, даналығына бас иемін. Өз ісін жауапкершілікпен атқарады. Сізге мың алғыс. Бұндай азаматтар мен азаматшалар көп болса екен» деп жазды.

Біздің мақсат науқас балаға деген жанашырлықты қаһармандыққа балап, қолдан батыр жасау емес. «Жақсының жақсылығын айт, нұры тасысын» дейтін қазақы қоғамда Сүндет Сейітов секілді шамасы келгенін жасауға барын салатын қайырымды жандарды көрсету. Тағы да айтайық, Шымкент қаласы Сүндет секілді қайырымды жандарға өте бай.

 DSC3028

Мегаполистің басты ерекшелігі – қаланың орталығы мен шетінде орналасқан тұрғын алаптардың жағдайы, қызметтерді пайдалану мүмкіндіктері бірдей болатынында. Шымкенттің еліміздегі үшінші мегаполис атанғанына жылдан аса уақыт өтті. Ал 2020 жылы қаламыз ТМД елдерінің мәдени астанасына айналмақ.

Шымкент қаласындағы 13 саябақ, 18 гүлзар, 17 ескерткіш және 11 субұрқақ Әл-Фараби ауданына қарайды. Əл-Фараби ауданының әкімі Ғабит Мәуленқұлов БАҚ өкілдерімен өткен брифингте бірінші кезекте қолға алынуы тиіс жұмыстар өз деңгейінде орындалып жатқанын айтты.
– Сайрам, Қазығұрт, Төлеби аудандарынан қала аумағына енген «276 орам», «195 орам», «Текесу» тұрғын алабының бүгінгі жағдайы жақсарып қалды. Өткен жылы ғана Әл-Фараби ауданына қарасты осы аймақтарда таза ауыз су және сапалы электр жарығы өзекті еді. Қазір 276 орамдағы 150 жеке тұрғын үйге демеушілер есебінен сапалы электр жарығы тартылды. Текесу тұрғын алабына да таза ауыз су жеткізуді демеушілер есебінен ұйымдастырдық. Ал Бадам елдімекеніне қарасты «195 орамға» сапалы электр жарығын тарту үшін бюджеттен 253 млн теңге бөлінді. Қазір жарықтандыру жүйелері мен электр бағандары орнатылуда, – дейді Əл-Фараби ауданының əкімі.
Ғ.Мəуленқұловтың айтуынша, Төле би көшесінің бойындағы аяқ жолды Қырғы базар аумағына дейін абаттандыру жұмыстарына байланысты қазір сол көшелердің бойы қоршалып, құрылыс жұмыстары жалғасуда. Абаттандыру жұмыстары Тəуелсіздік күні мерекесіне дейін аяқталмақ.
Шымкент қаласы республикалық маңызға ие үшінші мегаполис атанғанымен мұнда әлі де жерді өз бетінше иеленетін, ретсіз саудамен айналысатын және мүгедектердің құқығын ескермейтін тұрғындар табылады. Мәселен, ағымдағы жылдың 10 айында бір ғана Əл-Фараби ауданында өз бетінше иеленген 247 жер телімі анықталған. Зерделеу, түсіндіру жұмыстарының нəтижесінде, қазір оның 24-і заңдастырылып, тағы 6 үйдің құжаты жер комиссиясына ұсынылған. Ал рейдтік іс-шара өткізу барысында 50 жекеменшік нысанға мүгедектердің құқығын шектегені үшін 4,7 млн теңге айыппұл салған. Сондай-ақ, ретсіз сауда жасаған тағы 439 тұлға 338 919 теңге көлемінде айыппұл төлеуге міндетті.
Десек те, мәдени астағана келген қонақ ең әуелі қала көркіне көз тастайды. Күндіз-түні көшелерден көлігі, демалыс орындарынан адамы үзілмейтін орталық ауданда тазалық жұмыстары мен шаһар сәулеті де маңызды.
– Аудан аумағындағы санитарлық тазалық жұмыстарымен 5 мердігер мекеме айналысады, – дейді
Ғ.Мәуленқұлов.
Мердігерлер тұрғындармен келісім шарт негізінде көпқабатты тұрғын үй аулаларын аптасына 3 рет, жеке сектор аумағын аптасына 2 рет тазалайды. Сонымен қатар, жыл басынан бері 32 рет сенбілік өтіп, оған 45 мыңнан аса азамат, белсенді қала тұрғындары қатысқан.
Шаһар сәулетін еске алсақ, әуелі ескі ғимараттар еске түседі. Ғабит Патшаханұлының айтуынша, Әл-Фараби ауданындағы көпқабатты 672 үйдің 40%-ы ескірген. Қазіргі таңда 1935-1940 жылдары аралығында салынған 11 тұрғын үй бар. Көпқабатты үйлердің 128-і 1941-1960 жылдар аралығында, 282-сі 1961-1980-ші, ал
251-і 1981-2000 жылдары салынған. Әзірге аудан аумағындағы ескірген 269 тұрғын үйдің 44-ін күрделі жөндеуден өткізу үшін жауапты басқармаға ұсыныс жолданған. Көпқабатты тұрғын үйлерді күрделі жөндеу жұмыстары 2011 жылдан бері жалғасып келеді. «Тұрғын үй-коммуналдық шаруашылығын жаңғырту мен дамытудың 2011-2020 жылға дейінгі» бағдарламасына сәйкес, биыл аудандағы көпқабатты 5 үй күрделі жөндеуден өткен.

 

 

Страница 1 из 39