Спорттық жарыс физикалық белсенділікті арттыру, белсенді өмір салтын ұстану, бұқаралық спортты насихаттау арқылы халық арасында «Денсаулық – байлық кепілі» деген өмірлік ұстанымды қалыптастыруға бағытталған. Спартакиадаға қаладағы денсаулық сақтау ұйымдарының қызметкерлері белсенді қатысып, жүзу, теннис, волейбол, футбол, бильярдан шеберліктерін көрсетті. Спортты жанына серік еткен Шымкент қалалық жұқпалы аурулар ауруханасының командасы өзінің жан-жақтылығын көрсетті. Жарыс қорытындысында мекеменің қызметкеткерлері спорттың бірнеше түрінен жеңімпаз атанды. Атап айтқанда, теннистен Фаррух Нигматов пен Шахноза Исманова ІІ орынды қанжығасына байлады. Арқамен жүзуден Мұхаббат Қаппарова ІІ орын алса, еркін жүзуден Гауһар Рүстембекқызы ІІ орынды иеленді.
Спортты насихаттаған шараға Шымкент қаласы жұқпалы аурулар ауруханасының бас дәрігері Бақтығали Аюбайұлы да қатысып, волейбол, футболда әдемі ойын өнегесін көрсетті. Бас дәрігер спартакиадаға қатысқан ұжымын жеңісімен құттықтап, ізгі тілегін жеткізді. Денсаулық сақшылары салауатты өмір салтын ұстануды айтып ғана қоймай, осындай игі шара арқылы көрсетті.
Айдана ӘБДІРАХМАН
