Шымкент келбеті

Мәлім де беймәлім Өзбекстан туралы әртүрлі әңгімелер айтылады. Тарихы терең Ташкент, сырлы Самарқанд, бақ қонған шаһар Бұхара сынды үш көне қаланың әрқайсысы тұла бойы тарих пен тағылым тұнған жерлер. «Мың естігеннен бір көрген артық» дейді атам қазақ. Жуырда «Достық» керуенімен көрші елдің көрнекті үш шаһарын аралап қайтуға жолымыз түсті. Сонымен...

Шымкенттік арнайы көмекті қажет ететін балалар республикалық додада топ жарды. Нұр-Сұлтан қаласынан жүлделі оралған оқушыларды Сайрам көмекші мектеп-интернатының ұжымы, ата-аналармен бірге Рио Олимпиадасының күміс жүлдегері Жазира Жаппарқұл да ерекше қошемет көрсетіп қарсы алды.

«Шырайлы Шымқала – жастардың көзімен». Дәл осы тақырыпта «Қазақстан КВН Одағы» РЖҚБ, «Шымкент қаласы, Түркістан облысы Жайдарман» филиалдарының және Шымкент қаласы отбасы, балалар және жастар істері жөніндегі басқармасының ұйымдастыруымен «JAIDARMAN» ойындарының Шымкент қаласындағы кезекті маусымы бастау алды. Фестивальге 28 жайдарман тобы тіркеліп, іріктеуден 18 команда өтті. Ал маусымның басты ойынына 13 топ жіберілді. Жалпы «Маусымашар – 2019» фестивалі 150 жайдарманшының қатысуымен өтті.

Шымкенттегі Ә.Қуатбеков атындағы Халықтар достығы университетінің ұстаздары Ы.Алтынсарин атындағы төсбелігімен марапатталды.

Шымкентте соңғы алты жылда ажырасқан отбасылар көрсеткіші 12,5 пайызға артқан. Қазір қоғамдағы осы бір өзекті мәселенің алдын алу мақсатында Шымкент қаласы отбасы, балалар және жастар істері жөніндегі басқарма мен Абай аудандық соты бірлесіп «Отбасы кеңесі» атты пилоттық жобаны іске асыруда. Үш айдағы келіссөздер нәтижесінде 18 азаматтың неке бұзу бойынша ұсынған талап-арызы кері қайтарылыпты. Жастар арасындағы осы және өзге де мәселелер жөнінде аталған басқарманың басшысы Жандос Қалтаевтпен сұхбаттасу барысында сұрап білдік.

9 қазан - Дүниежүзілік пошта күніне орай үшінші мегаполисте жазылушылар күні өтті. «Қазпошта» АҚ облыстық филиалы алдында оқырмандар мерзімді басылымдардың өкілдерімен танысып, «Баспасөз-2020» науқанында газет-журналдарға жазылуды бастады.

Мемлекет басшысы Қ.Тоқаевтың Қазақстан халқына Жолдауы бойынша қалалық ақпараттық-насихаттық топ Шымкент политехникалық колледжінің ұжымы және студенттерімен кездесті.

Жиында сөз алған қала әкімінің бірінші орынбасары Қайрат Нұртай ұстаздар қауымын кәсіби мерекелерімен құттықтап, Жолдаудың маңыздылығына тоқталды.
– Стратегиялық маңызды бұл құжат еліміздегі жағымды жаңалықтардың жаршысы іспетті. Ұстаздар – әр адамның жеке тұлға болып қалыптасуына ықпал ететін маман иелері.

Мұғалім – миллиондардың тәрбиешісі. Міне, осы орайда Педагог мәртебесі туралы заң жобасы дайындалып жатыр, – деді Қайрат Ырзақұлұлы.

Басқосуда М.Әуезов атындағы Оңтүстік Қазақстан мемлекеттік университетінің доценті, саяси ғылымдар кандидаты Сәкен Мәжінбеков жастарға сапалы білім беру арқылы келешегімізге алғышарттар жасаймыз деген салиқалы пікірін ортаға салды.

Ал Шымкент қалалық отбасы, балалар және жастар істері жөніндегі басқарма басшысы Жандос Қалтаев еліміздегі жас буын өкілдерінің негізгі мәселелеріне тоқталды.

Ақпараттық-насихаттық топтың құрамында Әл-Фараби ауданы әкімінің орынбасары Құдайберген Қалдықараев та сөз алып, жиынға қатысушылармен пікір алмасты. Студент жастар жиын соңында сұрақтарын қойып, тиісті жауаптар алды.

Жо-жоқ, бұл педагог жетіспеушілігінен емес. Жас маманның таудай талабының арқасы деген жөн болар. Шымкенттік ұстаз Шоира Сұлтанова бүгінде Кембридж ағылшын тілін бағалау жүйесі орталығының (CELA) сертификатына ие.

Ол құжаттың артықшылығы – халықаралық дәрежеде білім беру құқығы. Яғни, ұстаздың еңбек етіп, әлемдік деңгейде танылуына жол ашылған. Бұл көптеген шет мемлекеттерде тіл үйретіп, дәріс оқи алады деген сөз. Хош, математика пәнінің мұғалімі қалай ағылшын тілінен сауат ашып жүр?!

Мемлекетіміздегі маңызды бағыттарының бірі – заман талабына сай бәсекеге қабілетті, бірнеше тіл білетін білікті мамандар даярлау. Ол үшін ел азаматтарына қарастырылған мүмкіндіктер мол. «Біз ағылшын тілін игеруде серпіліс жасауымыз керек.

Қазіргі әлемнің осы «лингва франкасын» меңгеру біздің еліміздің әрбір азаматына өмірдегі шексіз жаңа мүмкіндіктерді ашады», - деп Елбасы – Қазақстанның Тұңғыш Президенті Н. Назарбаев «Қазақстан-2050» Стратегиясы қалыптасқан мемлекеттің жаңа саяси бағыты Жолдауында мәлім еткен болатын.

Міне, осыны дұрыс түсіне білген жас маман өзіне шексіз мүмкіндікке жол ашты. Сайрам тұрғын алабында туып-өскен Шоира Атабекқызы бүгінде білім саласында өз бағытын тапқан педагог. Математика мамандығын оқыған оның ұстаздық жолы басқаша өріліпті. Шоира бүгінде GES – оқу орталығында білімпаз жандарға тіл үйретумен қатар, математикаға әуес жастарды шет тілде баулып келеді.

– Жалпы орта білімді №105 жалпы орта мектепте алсам, ал бакалавр дәрежесі бойынша М.Әуезов атындағы ОҚМУ Жаратылыстану – педагогика факультетінде мемлекеттік грант негізінде математика мамандығын оқыдым. Жоғары оқу орнында ағылшын тілін меңгерген студенттерге арнайы топ болды. «Сонда оқимын» деген талпынысым мені тіл үйренуге қамшылады.

Сабақты ине сәтімен дегендей, мен сол топта жоғары оқу орнын аяқтадым. Кейін магистратураға тапсырып, оқуды әрі қарай жалғастырдым. Диплом алған күннен бастап қосымша білім беру саласында еңбек етіп келемін, – дейді ол.

Ағылшын тілі әлемдегі ең кең тараған тіл екенін ескерсек, шамамен бұл тілде жер бетінде бір миллиардтан астам адам сөйлей алады. Ағылшын тілін білетін адам, жер жүзінде бір миллиард адаммен еркін коммуникацияға түсе алады деген сөз. «Бір тіл білсең - бір адамсың, екі тіл білсең - екі адамсың». Көп тілді меңгергеннің білімі мен дүниетанымы да кеңейе түсетіні рас. «Көп тіл білетіндердің жолы болғыш келеді», дейді кейіпкеріміз.

– Былтыр Ақтөбе қаласында «Қазақстан ағылшын тілі мұғалімдері» конференциясында, биыл АҚШ Елшілігінің ағылшын тілінен аймақтық кеңсесінің қолдауымен Алматыда «Орта Азия ағылшын тілі пәні мұғалімдері» семинарына қатысып, өз мүмкіндігімді көрсеттім. Ал шілде-тамыз айларында Прага қаласында біліктілікті арттыру курсында білімімді шыңдадым. Ол жерге әр елдің мықтылары жиналды. Ағылшын тілін үйретудің жаңа заманауи әдіс-тәсілдерін жадыма түйіп қайттым.

– Бүгінде білімді қаланың үлкен-кіші тұрғынына тіл үйретіп, кәдеге жаратып жүрмін. Ағылшын тілін білген адамның еңбек нарығындағы бағасы өседі. Бүгінде елімізде жұмысқа қабылдағанда ағылшын тілін білетін жастарға ерекше құрметпен қарайды. Ал, кейбір шетелдік компанияларда бұл тіпті талап ретінде қарастырылып жатқаны өтірік емес. Бесаспап, яғни әмбебап маман болам десеңіз, өз ісіңіздің іскері болам десеңіз оған ағылшын тілінсіз айналып бару мүмкін емес, – дейді жас маман.

Тақырыптың тоқетері:

Үш тілді меңгеру, білу - бұл жаһандық әлемге жолдама деген сөз. Бұл адамның өмірдегі табыстылық, жетістік принципі. Нарық заманында топтан дараланып тұрмасаң, оңай жерден жұмыс тауып, өз мүмкіндігіңді көрсету қиынның қиыны болмақ. Ал қолдағы бар алтынның қадірін ұғыну, бос уақытты пайдалы іске жұмсау бір бөлек әңгіме. Ұстаздарымыздың мәртебесін көтеруге арнайы заң емес, Шоирадай өз-ісін сүйіп істейтіндерінің көбейгені жеткілікті болар ма еді?! Қалай болғанда да білімің артса, еліңе пайдаң тисін дегіміз келеді.