Қастеев колледжінің шәкірттері Елбасы стипендиясын алды
Среда, 12 Декабрь 2018 05:01Шымкентте тұңғыш рет колледж студенттері Елбасы Қорының стипендиясына ие болды. Бұл марапатқа Ә.Қастеев атындағы өнер және дизайн колледжінің студенттері – Фатима Кошуак пен Румия Зайсанова лайық деп танылған. Дарынды жастарға Елбасының шәкіртақысы тағайындалып, арнайы марапатты Алматыдан алып қайтты.
Биыл республикалық конкурсқа еліміздің 40-тан астам жоғары оқу орны мен өнер колледжерінен 500-ге жуық шәкірт еңбектерін ұсынған. Солардың ішінен талантымен дараланған 80 шәкірт таңдалыпты. Еліміздің түкпір-түкпіріндегі жүзден жүйріктерді таңдаған конкурсқа қойылған талаптар күрделі болғанымен, Ә.Қастеев атындағы өнер және дизайн колледжінің ұстаздары даярлаған шәкірттер білімін, талантын көрсете алды.
– Колледж атынан 6 студентіміздің еңбегінен екеуі байқау талаптарының үдесінен шығыпты. Бұл тұста шәкірттердің ғылыми ізденісінен бөлек, қоғамдық жұмыстарға атсалысуы, олимпиадаға қатысқан жетістіктері мен оқу үлгерімі де ескерілген. Шәкірттеріміз өте ізденімпаз. Жан-жақты, облыстық, өңіраралық, республикалық додаларға қатысып жүрген жастарымыз үшін Елбасы Қорының стипендиясына ие болуы үлкен жетістік деп ойлаймын. Екеуі де грант негізінде білім алып жүрген қыздар. Енді олар Президенттің 40 мың теңге шәкіртақысын алады, – дейді колледж директоры Дидар Айдарбеков.
Фатима Кошуак көркем тоқыма мамандығының 4 курс студенті. Жас қолөнершінің қолынан шыққан гоболен туындылары мен жүннен дайындалған ұлттық бұйымдары конкурста ерекше бағаланған. – Қазіргі жастар ұлттық өнерден алыстап бара жатыр деген пікірге қосылмаймын. Анамның кілем тоқып, киіз басқан шеберлігін көріп өстім. Қолөнер мамандығын таңдауға анамның қолынан шыққан бұйымдар ықпал етті десем, артық айтқандық емес. Ұлтымыздың қолөнер саласын дамытуға үлесімді қосқым келеді. Елбасының стипендиясына ие болуым өнерімді, білімімді шыңдауға шабыт берді, – дейді Ф.Кошуак.
Ал Румия Зайсанова Астанада өткен «WorldSkills Kazakhstan» ұлттық чемпионатының жеңімпазы. Румиямен Астана қаласынан оралған сәтінде жолықтық.
– Ұлттық чемпионатқа «графикалық дизайн» құзіреттілігі алғаш рет енгізіліп отыр. Алғашында ұстаздарымызбен бірге қатысуға жүрексінгенімізбен, білімімді көрсете алдым. Ал Елбасының қоры стипендиясына графикалық дизайн саласындағы жаңашыл еңбектерімді жіберген болатынмын. Расында мұндай конкурска тек жоғары оқу орындарының студенттері қатысатын болар деп ойладық. Колледж жастарына мұндай мүмкіндік бергеніне ризамыз, – деген Румия жүрекжарды қуанышын жасыра алмады.
Мемлекеттен қолдау көрген дарынды жастар білімдерін Алматы, Астана қалаларындағы жоғарғы оқу орындарында жалғастыруды мақсат етіп отыр. Айта кетейік, Ә.Қастеев атындағы өнер және дизайн колледжінде бүгінде 600-ге жуық студент білім алуда. Заман ағымына сай қолөнерші, шебер, сәнгерлер мен дизайнерлер даярлайтын колледж – шаһардағы ең үздік оқу орындарының бірі.
Тельман Спаев:«Елге түк білмей барсақ, ұят болатынын ұмытпайық»
Пятница, 30 Ноябрь 2018 05:14...Жас кезімізде ел болашағы үшін қажет болат балқытушы мамандығын меңгеру мақсатында Украинаға барып, бірге оқыған күндеріміз жақсы есте. Сол кезде өзіңіздей еңбексүйгіш, жаны жайсаң достарымның ортасында қиындық атаулыны бірге бөліскенімізді ұмытпаймын», - деп басталатын хат шымкенттік қария Тельман Спаевтың шаңырағының төрінде тұр.
ОҚМУ-да «Мұхтартану» ғылыми-зерттеу орталығы ашылады
Пятница, 23 Ноябрь 2018 05:14Орта Азия елдерінде М.Әуезов атындағы Оңтүстік Қазақстан мемлекеттік университетінің филиалдарын ашу жоспарлануда. Бұл туралы оқу орнының ректоры Дария Қожамжарова журналистермен өткізген жиында мәлімдеді. Бұған қоса университетте ұлы тұлғаның өмірі және шығармашылығын жете тануға жетелейтін «Мұхтартану» пәні енгізілмек. Жаңа қызметке келген басшы жуырда өтетін университеттің 75 жылдық мерейтойына дайындық барысымен де бөлісті.
Ерлік ескерусіз қалмайды
Пятница, 23 Ноябрь 2018 05:08Бейбіт заманда ерлік жасаған тәртіп сақшысы Нұрлан Тасболатов «Қазіргі заман қаһарманы»төсбелгісімен марапатталды. Мұндай төсбелгіге республикада 15 тәртіп сақшысы лайық деп танылған.
Соттар әкімшісіне жаңа басшы келді
Пятница, 23 Ноябрь 2018 05:05Шымкент қаласы бойынша соттар әкімшісінің басшысы лауазымына Нұрсұлтан Байтілесов тағайындалды. Жаңа басшыны қалалық соттың қылмыстық істер жөніндегі сот алқасының төрағасы Ербол Жанғазин таныстырды.
Кітапханаға жаңашылдық қажет
Пятница, 23 Ноябрь 2018 05:02Қыркүйекте Астана қаласында дүние жүзінің кітапханашылары мен ғалымдарының басын қосқан халықаралық оқу конгресі өтті. Мұнда әлемнің түкпір-түкпірінен жиналған мамандар қоғамның назарын кітап оқуға тарту мәселесін талқыға салды. Конгреске шымкенттік кітапханашылар да қатысып қайтқан болатын.
ДИАЛОГ. ӘРІПТЕСТІК. СЕНІМ: ҮКІМЕТТІК ЕМЕС ҰЙЫМДАРҒА ҮЛКЕН МҮМКІНДІК
Пятница, 09 Ноябрь 2018 04:53Шымкент қаласында алғаш рет үкіметтік емес ұйымдардың «Азаматтық қоғам және мемлекет: Диалог. Әріптестік. Сенім» форумы өтті. Ауқымды іс-шараға Шымкент қаласының әкімі Ғабидолла Әбдірахымов, ҚР Қоғамдық даму министрлігінің Азаматтық қоғам істері жөніндегі комитеті төрағасының орынбасары Бақытжан Нарымбетов, «Қазақстанның Азаматтық Альянсы» қауымдастығының президенті Асылбек Қожахметов, «Шымкент қаласының Азаматтық Альянсы» қауымдастығының төрағасы Жұмағали Білісбеков және көптеген үкіметтік емес ұйымдар мен қоғамдық бірлестіктердің төрағалары, БАҚ өкілдері қатысты.
Соңғы үміт – қоғамдық қабылдауда
Среда, 07 Ноябрь 2018 05:10«Нұр Отан» партиясының Шымкент қалалық филиалы төрағасының бірінші орынбасары Бахадыр Нарымбетов қоғамдық қабылдау өткізді. Қабылдауға 10 тұрғын жазылып, қаладағы басқармалардың басшылары түгел қатысты.