Шымкент келбеті

Шымкент қалалық әкімдігінде жастарты әскер қатарына шақыру мәселелері бойынша жиын өтті. Қала әкімінің бірінші орынбасары Шыңғыс Мұқанның төрағалығымен өткен басқосуға жергілікті полиция департаментінің, қорғаныс істері жөніндегі департаменттің жетекшілері, әскери комиссия және жергілікті атқарушы орган өкілдері қатысты.

Үшінші мегаполисте құрылыс қарқын алып, көп қабатты нысандардағы лифтілер саны артуда. Ғимаратпен бірге пайдалануға берілген жеделсатыларды жауапты мамандар қабылдап алады. Себебі, жүк көтергіш механизмдер, арқан-жолдар мен фуникулерлер міндетті түрде мемлекеттік тіркеуге қойылуы тиіс. Бұл жұмыстар осыдан екі жыл бұрын қала әкімінің қаулысымен Шымкент қалалық орта сапасы және бақылау басқармасына жүктелген.

Шымкентте тұрғындарды сапалы электр энергиясымен қамтамасыз ету жұмыстары жалғасуда. Қалалық энергетика және инфрақұрылымды дамыту басқармасының мамандары БАҚ өкілдерін атқарылып жатқан жұмыс барысымен таныстырды.

Күн сәулесі тікелей түскен шуақты алаңша, түбі қопсытылып, қатар-қатар егілген гүлдер, тап-тұйнақтай таза аула – жатақхананың негізгі қақпасынан емес, қосымша есігінен кірген мониторинг тобының алдынан осындай көрініс шықты. Артық жатқан зат жоқ, барлығы реттелген. Ал іште жатақхана меңгерушісі қарсы алды. Иә, 2000-жылдардағы танымал вахтер апайлардың бейнесі сол күйі өзгермегендей – орнымен қатал, талапшыл, ыждаһатты. Ғимараттың ауласы осындай болса, іші қандай таза екенін елестете беріңіз. Мүмкін, мониторинг тобының келуіне дайындалған, мүмкін, бұрыннан осындай тәртіп қалыптасқан...

Биыл Шымкентте 50 мың көшет егіледі

Асанбай Асқаров атындағы дендросаябақта көшет өсіріп шығару, оларды күтіп-баптау жұмыстары қысы-жазы жүргізілуде. Тұқымбақтарда көшеттерді өсіретін мамандар оларды кейін саябақтың ішіне бөліп егуді, көктемгі жұмыстарға дайындықты қазірден бастап кеткен. Бұған қоса еліміздің басқа аймақтарынан да көшеттер жеткізіледі.

Шымкентте 123 эвакуациялық пункт бар. Олар көпқабатты үйлер мен халық тығыз орналасқан елді мекендерде орналасқан. Мамандар сейсмикалық қауіпсіздік мәселелері ескеріле келе жинау пункті ретінде мектептер таңдап алынғанын айтады.

Шымкентте халықтың тұрмыстық жағдайын жақсарту бағытындағы жұмыстар жалғасуда. Коммуналды-шаруашылық бағытындағы істер қала орталығында ғана емес, шет аудандарда да жүзеге асырылып келеді. Соның мысалы ретінде Еңбекші ауданын алуға болады. Жуырда Қаратөбе округіне қарасты елді мекендерде болып қайттық.

Шымкентте әлеуметтік маңызды өнімдер саудасы бақылауға алынған. Қалалық ауыл шаруашылығы және ветеринария басқармасы мен табиғи монополияларды реттеу, бәсекелестікті қорғау және дамыту департаменттерінің мамандары шаһардағы жанар-жағармай құю бекеттері және әлеуметтік маңызы бар азық-түлік бағаларына тұрақты мониторинг жүргізіп тұрады.