Қазақстандықтардың жинақтарының 97% міндетті зейнетақы жарналары есебінен қалыптастырылды. МЗЖ бойынша жеке зейнетақы шоттарында 1 қазанға 13,7 трлн теңге жинақталған (бір жылдағы өсім 7,4% құрады). Міндетті кәсіптік зейнетақы жарналары бойынша зейнетақы жинақтарының сомасы өткен жылдың 1 қазанынан бастап 21% ұлғайып, 422,4 млрд теңгені құрады. Ең үлкен өсімді – бір жылда 90% астам – ерікті зейнетақы жарналары бойынша жинақтар көрсетті, олар шамамен 3,1 млрд теңгені құрады.
2022 жылдың 1 қазанына БЖЗҚ-дағы жеке зейнетақы шоттарының саны 12 млн бірлікке жетті. Оның 10,9 млн-ы міндетті зейнетақы жарналары есебінен ашылды. МКЗЖ бойынша қалыптасқан шоттар саны 584 742 болса, ЕЗЖ есебінен қалыптасқан ЖЗШ саны 349 277-ге жетті.
Сондай-ақ, мұрагерлік бойынша төлемдер – 47,6 млрд теңге, ҚР шегінен тыс тұрақты тұруға кетуге байланысты төлемдер – 37,6 млрд теңге, мүгедектік бойынша төлемдер – 1,8 млрд теңге, жерлеуге төлемдер 4,1 млрд теңге сомасында жүзеге асырылды. Сақтандыру ұйымдарына шамамен 19,5 млрд теңге аударылды.
БЖЗҚ баспасөз қызметі
