Әл-Фараби аудандық әкімдігі Тыныбаев көшесі-49 жаңа мекенжайына қоныс тепті.
Күрделі жөндеу жұмыстары жүргізілген Шымкент қаласы әкімдігінің бұрынғы ғимаратына бұдан бөлек қалалық білім бөлімі, жолаушылар көлігі және автомобиль жолдары бөлімі және тұрғын үй-коммуналдық шаруашылық бөлімі орналасатын болады.
– Ғимараттың күрделі жөндеу жұмыстары толығымен аяқталды. Бұған дейін мекемелердің жиі орын ауыстыруы қала тұрғындарына қиындық туындатқаны рас. Қала әкімдігінің бұрынғы ғимаратын пайдалануға беру арқылы бюджет қаржысы да үнемделетін болды, – дейді Шымкент қаласы әкімі аппаратының жетекшісі Рашид Аюпов.
