Жастар есірткіге қарсы

Пятница, 13 Октябрь 2017 06:12 Автор  Опубликовано в Әлеумет Прочитано 186 раз

ОҚО ІІД Есірткіге қарсы күрес басқармасының қызметкерлері жедел-профилактикалық іс-шаралар барысында Шымкент қаласы аумағында марихуана өткізумен айналысқан құрамында 4 адам бар ұйымдасқан қылмыстық топты құрықтады. Полицейлер ұсталғандардан 300 грамм марихуанна тәркіледі. 

IMG 1011

Аталған жайт бойынша ҚР ҚК-нің 262 және 297 баптары бойынша қылмыстық іс қозғалды. Қазіргі таңда күдіктілер қамауда. Сотқа дейінгі тергеу амалдары жүргізілуде.

Басқарма мәліметіне сүйенсек, облыс аумағында 2017 жылдың 9 айында есірткіге қатысты 284 қылмыс тіркеліп, оның ішінде 290 есірткі өнімдерін тұтынушылар анықталған. Заңсыз айналымдағы 5 тоннадан артық есірткі құралдары тәркіленген. Оның 7,5 келісі героин. Құрамында есірткісі бар егіп-өсіруге тыйым салынған 90 жайт және 800 мың түп көкнәр анықталды. ОҚО ІІД Есірткіге қарсы күрес басқармасының қызметкерлері жалпы жедел-профилактикалық іс-шаралар аясында есірткі бизнесімен айналысқан 2 топ және есірткі қолдануға арналған 3 притон құрықталды.

IMG 0908

Қылмыстық топтың бірі Шымкент қаласында қолға түссе, тағы бірі Мақтарал ауданында өз үйінде заңсыз көкнәр егумен айналысқан 57 жастағы ер азамат қолға түсті. Күдіктінің үстінен ҚР ҚК-нің 4 бабы бойынша қылмыстық іс қозғалып, 287, 296, 297 және 300 баптарымен бірқатар сараптама тағайындалды. 

Сондай-ақ, профилактика барысында студенттер мен оқушылардың қатысуымен әртүрлі іс-шаралар ұйымдастырылды.

Ақмарал МОЛДИЯРҚЫЗЫ

2004 жылы ОҚГА, журналистика факультетін бітірген. Бұған дейін «Ақиқат-Истина», «Оңтүстік спорт» газеті мен «Ерқанат-спорт» баспасөз орталығында, «Ернұр» корпорациясында және М. Әуезов атындағы ОҚМУ-да жұмыс істеген. 2016 жылдың мамыр айынан бастап қалалық «Шымкент келбеті» қоғамдық-саяси газетінің тілшісі.