Сондай орынның бірі – Ы.Алтынсарин атындағы №65 мектеп-гимназияның базасында орналасқан 31-эвакуациялық жинау пунктінде төтенше жағдай кезіндегі іс-қимылдарды пысықтауға арналған практикалық жаттығу өтті. Іс-шараға Шымкент қаласы ТЖ департаментінің, қалалық азаматтық қорғау қызметінің 21 өкілі және мектеп мұғалімдері мен тұрғындар қатысты.
– Оқу-жаттығу барысында департамент мамандары апатты жағдайда қауіпсіз аймаққа жиналу жолдарын түсіндірді, арнайы жасақталған топтардың жұмысы тұрғындарға тәжірибе жүзінде көрсетілді. Жалпы, Шымкенттегі мектептердің негізінде құрылған барлық эвакуациялық-жиналу пунктерінің жұмысын пысықтау бекітілген жоспарға сәйкес өткізіліп тұрады, – деді Шымкент қалалық ТЖД Азаматтық қорғаныс басқармасының бастығы Нұржан Қаракөзов.
Айта кетейік, табиғи және техногенді сипаттағы төтенше жағдай орын алған кезде немесе қала тұрғындарын эвакуациялау қажеттігі туындағандағы дайындық жұмыстары Шымкент қалалық төтенше жағдайлар департаментінің үнемі бақылауында тұрады.
