Қала жастары «Даңқ» саябағында «Тәртіпсіздік пен ұсақ құқықбұзушылықтарға мүлдем төзбеу» акциясын ұйымдастырып, тұрғындарды қоғамдық тыныштық пен тазалық мәселесінде мұқият болуға шақырды.
Акцияның мақсаты – халық арасында тәртіпсіздік пен ұсақ құқық бұзушылықтарға «нөлдік төзімділік» қағидатын қалыптастыру, азаматтардың құқықтық танымы мен құқықтық мәдениетін көтеру. Жиынға Шымкент қаласы әкімінің орынбасары Қайрат Нұртай қатысып, сөз сөйледі.
– «Біз тіпті ұсақ-түйек құқықбұзушылықтарға, бұзақылыққа, мәдениетсіздікке төзбеуге тиіспіз. Себебі, бұл қоғамдық тыныштықты бұзады, өмір сүру сапасын төмендетеді» деген ҚР Президенті Н.Назарбаевтың барша қазақстандықтарға арнаған қағидалы үндеуі қай-қайсымыздың да қоғам алдындағы жауапкершілігімізді еселей түсуге міндеттейді. Осы орайда, бүгінгі акцияның қала тұрғындарына ой сала отырып, жас буынды мәдениеттілікке, жан тазалығына ерекше мән беруге ықпал етері анық, – деп атап өтті Қайрат Ырзақұлұлы.
Сонымен қатар, сөз кезегін алған Әл-Фараби ауданының прокуроры Х.Маматаев, Әл-Фараби аудандық полиция бөлімінің басшысы Н.Жалғасов қала аумағында жүргізіліп жатқан ұсақ бұзақылыққа қарсы күрестің нәтижелеріне де тоқталды. Соңы концерттік бағдарламамен өрілген шара барысында жастар қала тұрғындарының экологиялық сауаттылығын арттырып, құқық бұзушылықтарға бармауға шақырды.
 |
 |