Шымкент қаласындағы жасөспірімдер мен балалар орталығында мектеп жасына дейінгі балалар арасында "Айгөлек" балалар шығармашылық фестивалі өтті. Байқаудың мақсаты жас ұрпақты қазақ халқының салт-дәстүрі мен мәдениетін құрметтеуге тәрбиелеу және өнерлі, талантты балаларды анықтау.
Бірінші кезең қаладағы мемлекеттік және жекеменшік мектепке дейінгі мекемелер арасында өтті. Байқауға 21 бөбекжай балабақшаларының тәрбиеленушілері қатысты.
Өнерпаздар сан түрлі би билеп, уезді ән шырқап көрермендер көңілінен шықты.Қалалық білім бөлімінің басшысы Ынтымақ Мәдиев бастаған әділ қазылар алқасының шешімі бойынша жеңімпаздар марапатталып, облыстық байқауға жолдамалар тапсырылды.
