Журналистер күні қарсаңында Шымкентте билік пен халық арасындағы алтын көпір саналатын БАҚ өкілдеріне арналған салтанатты жиын өтті.Қоғамның барлық саласындағы жаңалықтың жаршысы болып жүрген журналистер қауымын Дархан Сатыбалды бастаған басшылық құрам құттықтады. Жиын қала әкімінің орынбасары Қайрат Нұртайдың лебізімен ашылды.
Мерекелік шарада сөз алған қала әкімінің орынбасары шаһардың тыныс-тіршілігі мен қала әкімдігінің жұмысын халыққа жеткізіп жүрген БАҚ өкілдеріне деген ыстық ықыласын жеткізді.– Құрметті байланыс және ақпарат саласының қызметкерлері! Сіздерді кәсіби мерекелеріңізбен шын жүректен құттықтаймын. Бұл мереке барлық БАҚ өкілдерін – журналистерді, баспагерлерді, байланысшыларды, телеарна мен радио, интернет байланыс қызметкерлерін біріктіреді. Журналистика – қоғам айнасы деген сөз бар. Тәулік бойы үздіксіз телерадио хабарын тарату, сонымен қатар мерзімді басылымдардың уақытылы шығару жұмысы үлкен жауапкершілікті, қажырлылықты талап етеді. Сіздерге қаламыздың дамуына қосқан үлестеріңіз үшін алғысымды айтамын және алдағы уақытта да сәттіліктер тілеймін, – деді Қ. Нұртай.
Салтанатты шарада қала әкімдігі шаһардың өсіп-өркенеуіне қосқан үлесі үшін бірқатар БАҚ өкілдеріне арнайы төсбелгіні табыс етті. Сондай-ақ, Алғыс хат пен бағалы сыйлықтарды табыстады. Марапатталғандар арасында қалалық қос басылым "Шымкент келбеті" және "Панорама Шымкента" газеттерінің журналистері де болды.«Шымкент келбеті»
