Жыл басынан бері Әл-Фараби ауданынан 890 текше метр қоқыс шығарылды. Аудан аумағындағы көп қабатты тұрғын үйлердің аулалары мен ішкі орам жолдарын тазалау жұмыстары дер кезінде атқарылуда. Белгіленген 8 учаскенің әрқайсысына жауапты мамандар бекітіліп, жіті қадағалануда.
Биыл аудан бойынша тазалық жұмыстарын жүргізу үшін қалалық бюджеттен 124,3 млн теңге бөлінген. Әл-Фараби ауданының тазалығына «Бек-Асыл сервис» ЖШС, «ЭкоСпецТранс» ЖШС, «Жилкомхоз Шымкент» ЖШС, «AnDa Company» ЖШС және «Бәйтерек–Л.Б» ЖШС-і жауапты. Аудан аумағында тұрмыстық қатты қалдықтарға арналған 185 контейнер алаңшалары мен 626 қоқыс контейнерлері бар.
Әл-Фараби ауданының орталық аумағында және жаңадан қосылған елді мекендерде көктем айларында санитарлық тазалау және көріктендіру, көгалдандыру бойынша жұмыстар жүргізіледі.
