Шымкент қаласына қарасты Әл-Фараби ауданы әкімдігінің қызметкерлері заңсыз саудамен айналысқан аумаққа рейдке шықты. Тексеру барысында заңсыз деп табылған 23 дүңгіршек техника көмегімен алынып тасталды.
Жалпы, жыл басынан бері аудан аумағындағы 69 дүңгіршек заңсыз деп танылып, алынып тастауға бұйрық берілген. Айта кетерлігі, бір апта бұрын әкімдік мүшелері БАҚ арқылы заңсыз дүңгіршек иелеріне хабарландыру беріп, тиісті шара қолдануларын сұрадық деп отыр.
Сондай-ақ, осыған орай қала тұрғындарының назарына заңсыз сауда орындары мен дүңгіршектерді белгіленбеген орындарға орналастырмауды кезекті рет ескертті.