Облыстық ішкі саясат басқармасы Әлеуметтік бастамалар орталығы қызметкерлерінің ұйытқы болуымен Шымкент көлік, коммуникация және жаңа технологиялар колледжінде өңірдің дінтанушы мамандары студент жастармен кездесу өткізді.
Кездесу барысындаеліміздегі дінаралық келісімді нығайту, дәстүрлі ислам құндылықтарын насихаттау,тұрғындардың діни сауаттылығын арттыру, теріс пиғылды діни ағымдардың ықпалынан жастарды сақтандыру сынды өзекті мәселелер жан-жақты әңгіме өзегіне айналды.
– Бүгінде, «Діни қызмет және діни бірлестіктер туралы» ҚР заңы қабылданғалы елімізде ауқымды іс-шаралар жүзеге асырылып, діни ахуал тұрақтанып келеді. Түрлі конфессиялар мен діни бірлестіктер қайтадан тіркеуден өтіп, олардың жұмысы туралы ақпараттандыру жақсы жолға қойылған. Облыс көлемінде жоғары және арнаулы орта оқу орындары студенттерімен, мектеп оқушыларымен дін тақырыбына арналған кездесу жүйелі түрде өткізілуде. Нәтижесі де жоқ емес. Ислам - ең ізгі дін екеніне көпшіліктің сенімі нығайды. Әсіресе, жастар діннің адам өмірінде маңызды орын алатынын түсіне бастады, - дейді Әлеуметтік бастамалар орталығының директоры Нұржан Тұрсынбай.
Жеңісбек СЕРІКҰЛЫ, shymkent.gov.kz.