Шымкент келбеті

Шымкент қаласының әкімі Ғабит Сыздықбеков Қытай және Өзбекстан инвесторларымен кездесті. «Қытайдың 22-ші металлургиялық корпорациясы» АҚБ өкілдері қаламызға инвестиция салып, бірқатар әлеуметтік және спорттық нысандар салуға ниет білдірді. Сонымен қатар, «B.A.Holding» басшылығымен металлургия зауытын салу мүмкіндігі талқыланды.

Шымкент қаласындағы емханалар жанынан ашылған үздік тәжірибелік орталықтардың жұмысы республикадағы медициналық ұйымдарға үлгі ретінде таратылуда. Маңғыстау облысынан келген арнайы делегация қалалық №6 емхананың үздік тәжірибесімен танысты.

Шымкентте өңірлік коммуникациялар қызметі алаңында Еңбекші ауданының әкімі Досбол Есілбек баспасөз бринфингін өткізіп, 2024 жылдың І тоқсанында атқарылған жұмыстар жөнінде баяндады.

Бүгінгі таңда Шымкент қаласы бойынша 458 жұп бедеулікпен есепте тұр. Қазіргі медицинаның мүмкіндіктері әйелдер ағзасының жеке ерекшеліктерін ескере отырып, бедеулікпен күресуге мүмкіндік береді. «Аңсаған сәби» бағдарламасы аясында 2021 жылдан бастап 351 әйел ана атанып, 403 бала дүниеге келді. Бұл жөнінде Шымкент қаласы әкімінің жанындағы әйелдер істері және отбасылық-демографиялық саясат жөніндегі комиссияның кезекті отырысында айтылды.

Редакциямызға азаматтардан МӘМС жүйесіне қатысты көптеген сұрақтар түсіп жатады. Оқырмандардың сауалына «Міндетті әлеуметтік медициналық сақтандыру қоры» КеАҚ Шымкент қаласы бойынша филиалының директоры Сәбит Құралбек жауап беріп, жүйе жайлы кеңінен түсіндірді.

Шымкент қаласының санитариялық-эпидемиологиялық бақылау департаменті басшысының орынбасары Айгүл Тұрымбетова Орталық коммуникациялар қызметінде өткен брифингте жыл басынан бергі 4 айда атқарылған жұмыстар туралы баяндап, халықтың жазда қандай аурулардан сақтануы керектін айтып берді.

Балаларды қорғау күніне орай «Оқушылар сарайында» «Жаз қызығы – көңілді демалыс» атты концерттік іс-шара өтті. Іс-шараға 500-ге жуық оқуышы мен ата-ана, Шымкент қаласы білім басқармасының қосымша білім беру оқу салалық орталығының өкілдері қатысты.

«Боламын деген баланың бетін қақпа, белін бу» деген қағиданы ұстанған «Дарын» орталығының жаңалығы көп. Түрлі қалалық, республикалық олимпиадалар ұйымдастырып жүрген орталық үшінші мегаполис жеткіншектерінің де зейіні мен қабілетінің, білімінің ашылуына зор үлесін қосып жүр. Әсіресе биылғы көктем олжалы болды. Шымкенттік 200 жас өрен республикалық пән олимпиадасының жеңімпазы атанып, мерейімізді көтеріп тастады. Дарынды өрендерді Шымкент қаласының Д.Қонаев атындағы жалпы орта мектебінің шаңырағында марапаттады.