Шымкент келбеті

«Тәуелсіздік» саябағында Мемлекеттік рәміздер күніне орай Ту көтеру рәсімі мен салтанатты іс-шара өтті. Онда мемлекеттік рәміздеріміз ұлықталып, жастар мерекелік шеру ұйымдастырды. Жиынға зиялы қауым өкілдері, ардагерлер, қала тұрғындары мен жастар қатысты.

Шымкент қаласының әкімі Ғабит Сыздықбековтің төрағалығымен өткен аппарат мәжілісінде жер телімдерін мемлекет мұқтаждығына қайтару, кәмелетке толмағандар арасында суицидтің алдын алу шаралары мен өзге де мәселелер қаралды.

Шымкент тұрғындары «Арбат» алаңында өткен «Халық заңгері» акциясына белсенді қатысты. Акцияға қала әкімі Ғабит Сыздықбеков те келді.

Қазақстан Республикасы Мемлекеттік қызмет істері агенттігінің Шымкент қаласы бойынша департаменті Шымкент қаласының әкімдігіне қарасты жергілікті атқарушы органдардың тәртіптік комиссия төрағаларының қатысуымен жиналыс өткізді.

Шымкентте қалалық перинаталдық орталықта «Бір күндік клиника» жобасы іске қосылды. Енді жүктілікті жоспарлап жүрген аналар алдын-ала анализ тапсырып, денсаулығын тегін тексерте алады. Жобаның артықшылығы: болашақ аналар сәбидің саулығын бақылау үшін айлап, апталап медициналық зерттеудің талдауын күтпейді. «Бір күндік клиника» барлық талдаудың нәтижесін 30-40 минутта анықтап береді.

«Асар» шағынауданындағы қалалық балалар клиникалық ауруханасы базасынан «Балалар жасындағы ауруларды ықпалдастыра басқару» ресурстық орталығы ашылды. Үшінші мегаполисте алғаш рет қолға алынған оқыту-әдістемелік орталығының ашылу рәсіміне қала әкімінің орынбасары Сәрсен Құранбек, ҚР Денсаулық сақтау министрлігі Ана мен бала денсаулығын сақтау департаментінің директоры Мағрипа Ембергенова қатысты.