Жалпы респонденттердің көпшілігі (53,1%) атом электр станциясын салу идеясын қолдайды. Атом электр стансасын салу идеясын қолдайтындар оған үлкен үміт артып отыр. Оның ішінде 2030 жылға қарай электр қуатының тапшылығы мәселесін шешілетініне сенімді.
Атом электр станциясын салу идеясының қарсыластары (32,5%) негізінен ықтимал апаттардан және олардың қоршаған ортаға тигізетін салдарынан қорқатынын байқатады.
Бұл ретте әрбір оныншы респондент (14,4%) өз таңдауын әлі шешпеген.
Сондай-ақ, респонденттердің жартысы (51,0%) референдумда атом электр станциясының құрылысын «жақтап» немесе «қарсы» дауыс беруге жеткілікті ақпарат пен білім деңгейі бар деп есептейді.
Респонденттердің тағы 12,2 пайызы фрагменттік ақпарат барын мойындаса, 31,6 пайызы мүлде жоқ, ал, 5,2 пайызы жауап беруге қиналатынын білдіруде. Сауалнама барысында респонденттердің 42,6 пайызы АЭС құрылысын салуға қатысты өтетін референдумға қатысуға нық ниеттерін білдірді. Тағы 16,4 пайызы қатысқысы келетінін білдірді. Респонденттердің 25,3 пайызы референдумға қатысуды жоспарламағанын, 8,9 пайызы қатыспауы мүмкін екенін, ал 6,8 пайызы жауап беруге қиналатынын білдірген.
