Шымкент келбеті

Елімізде қазанның алғашқы жексенбісі – ұстаздардың кәсіби мерекесі. Осы айтулы мерекеге орай Шымкент қаласының опера және балет театрында «Жарық нұры ғаламның...» атты салтанатты іс-шара өтті. Мерекелік жиынға қатысқан қала әкімі Мұрат Әйтенов ұстаздарға алғысын білдіріп, кәсіби мерекемен құттықтады.

Қала әкімі Мұрат Әйтенов 1 қазан – халықаралық қарттар күні қарсаңында Белсенді ұзақ өмір сүру орталығының ашылу салтанатына қатысты. Жаңа ашылған сауықтыру
мекемесі Қаратау ауданының ардагерлеріне қызмет көрсетеді.

Бұрынғы қазақ қоғамы әйел затының көш бастауын, ерлердің алдына шығып, шаруасын атқаруды қош көрмейтін еді. Уақыт өте келе заман жаңарып, заң өзгерді. Қазақ халқының санасында жаһандану, техниканы меңгерумен қатар әйелдердің іскерлігін нығайту ілгерілей бастады. Бүгінде қай салада болса да әйелдер қауымы ерлермен тең дәрежеде белестерді бағындыруда. Жуырда Шымкент қаласында өткен Іскер әйелдер форумында да бизнесте жетістікке жеткен нәзікжандылардың тәжірибесін көріп, осындай ой түйдік.

Шымкент қаласы Әл-Фараби кітапханасында зиялы қауым өкілдері Мемлекет басшысы Қасым-Жомарт Тоқаевтың «Әділетті мемлекет. Біртұтас ұлт. Берекелі қоғам» атты Жолдауындағы қадаулы мәселелер төңірегінде пікірлесті. Жиынның әрбір қатысушысы өз ойымен бөлісіп, Жолдауда айтылған әр бағытты кеңінен тарқатты.

Шымкент қаласының «Жастар ресурстық орталығы» шаһардағы білім беру ұйымдарының жоғарғы сынып оқушыларына өндіріс орындарына экскурсия ұйымдастыруды қолға алған. «Болашаққа қадам» деп аталатын жобаның негізгі мақсаты – бітіруші түлектерге мамандық таңдауға бағдар беру. Бұл жолғы экскурсия «Оңтүстік» индустриалды аймағында орналасқан «Әлем БТ» шұлық фабрикасында жалғасты.

Абай ауданының жастары Мемлекет басшысы Қ.Тоқаевтың «Әділетті мемлекет. Біртұтас ұлт. Берекелі қоғам» атты Жолдауындағы бастамалар туралы ойларын ортаға салып, өзара пікір алмасты.

Шымкентте 2020 жылы педагогтарды жұмысқа қабылдайтын цифрландыру жүйесі іске қосылған болатын. Бұл – республикада алғаш рет Шымкентте қолға алынған HR-Process жобасы. Биыл тамыз айында бағдарлама арқылы қаладағы барлық мектептен 362 бос жұмыс орнына конкурс жарияланып, оған 905 өтінім келіп түскен. Оның 201-і комиссияның оң қорытындысына ие болған. Қазіргі таңда осы жоба арқылы мұғалімдерді жұмысқа қабылдау жүріп жатыр. Біз HR-Process жобасымен арнайы танысып қайттық.

«Жасыл жер» ЖШС-де 500-ден астам тазалықшы екі ауысымда жұмыс істейді

Қала тазалығымен сәнді. Бұл – үстіне арнайы кеудешесін киіп, құралдарын сайлап, күнделікті қызу тірлікте жүретін тазалықшылардың еңбегі. Жаздың аптап ыстығы мен қыстың ызғарына қарамастан, олар қарбалас тірліктерін тоқтатпайды. Қала тазалығына жауапты қызметкерлерді күнделікті жиі көргеннен кейін болар, көпшілігіміз елей бермейміз. Енді кейбірі тазалықшы жандардың жанкешті еңбегіне алғысын айтып жатады. Жуырда қала тазалығына жауапты мекемелердің бірі – «Жасыл жер» ЖШС-нің жұмысымен танысып қайттық. Алдымен кеңсеге жақын маңда мекеменің тазалықшы қызметкерлерімен аз-кем сұхбаттастық.