Шымкентте жыл соңына дейін 40 көпқабатты тұрғын үй жөндеуден өтеді. Сондай-ақ, биыл коммуналдық меншіктегі 20 тұрғын үйге қайтарымсыз негізде ағымдағы жөндеу жұмыстарын жүргізу жоспарланып отыр.
Былтыр қаладағы 60 үй ағымдағы және күрделі жөндеуден өткен болатын. Құрылыс барысында тұрғын үйлердің шатыры ауыстырылып, кіре берісі мен жертөлелері, қасбеттері жаңартылды.
Жөндеу жұмыстары тұрғын үй иелерінің 70 пайыз келісімімен және жергілікті атқарушы органдарға жазған өтінішіне сәйкес қайтарымды қаржы негізінде жүргізіледі.
Тұрғындар қайтарымды қаражат есебінен жүргізілетін күрделі жөндеу жұмыстары бойынша «Тұрғын Үй Шымкент» ЖШС-не өтінім бере алады. Өтінім Республика даңғылы №12«А» (3-қабат) мекенжайында қабылданады.
