Д. Қонаев гүлзарында суару жүйелері жаңартылуда. Ұзындығы 3,7 шақырымды құрайтын гүлзарда «ЛТД–Тұрмыс» ЖШС-нің 20 жұмысшысы топырақты қопсыту және жаңа құбырларды орналастыру жұмыстарымен айналысып жатыр.
«ЛТД–Тұрмыс» ЖШС-нің өндірістік бөлімінің басшысы Ғалым Ақпанбетовтың айтуынша, гүлзар бойындағы суару жүйелері мен жасыл желектің тозығы жеткен. 9 жыл бұрын егілген жасыл газон мен су құбырлары ескіріп, жарамсыз күйде болғандықтан, оларды жаңарту және ауыстыру жұмыстары қолға алынды. Қазіргі кезде жұмысшылар 10 мың шаршы метр жасыл газонды жаңартты. Сонымен қатар, алдағы уақытта мекеме қызметкерлері жартылай қураған ағаштарды қырқу және жасарту жұмыстарымен айналысады. Ал мамыр айында қала көшелерінің бұрылыстарына жаздық петуния гүлін егуді бастамақ.
