Абай ауданында көпқабатты үйдің 14 ауласына абаттандыру жұмыстары басталды. Қазір ойын алаңдары қайта жасалып, балалар алаңшасы орнатылуда. Жөндеу жұмыстарына жергілікті бюджеттен 230 млн теңге бөлінген.
Ауданда бүгінде 216 аула бар. Абай ауданы әкімі аппаратының инфрақұрылым және көріктендіру бөлімінің басшысы Гүлжан Алтаеваның айтуынша, енгізілмеген аулалар саны әлі де толықтырылады. Республикалық «Жол картасы» бағдарламасы бойынша қалаға қосылған шағынаудандардан 13 аулаға қосымша жөндеу жұмыстары жүргізіледі. Биыл аудан бойынша 30 ауланы абаттандыру жоспарланған.