–Бұқаралық спортты дамыту мен салауатты өмір салтын насихаттау мақсатында жыл сайын түрлі спорттық іс-шаралар ұйымдастырылады. Соның бірі – оқушылар арасында жүгіру эстафетасы. Барлығыңызды Жеңіс күні жеңіс тұғырынан көру бұйырсын!–деді қалалық дене шынықтыру және спорт басқармасы басшысының орынбасары Ермек Дәрменов.
Жүгіру эстафетасына 500-ге жуық мектеп оқушысы командаға бөлініп қатысты. Жарыс талабы бойынша әйелдер 3 кезеңде 900 метр қашықтықты, ерлер 7 кезеңнен тұратын жарыста 3400 метр қашықтықты жүгіріп өтті.
–Жылдағы дәстүр бойынша биыл да Жеңіс күніне орай жеңіл атлетикадан эстафета ұйымдастырып отымыз. Бұл эстафета Ұлы Отан соғысы жылдарында да өткен,– дейді «Южный Казахстан» газетінің бас редакторы Марина Лимаренко.
Үздік командаларға демеушілер атынан сыйлықтар, Алғыс хаттар мен медальдар табысталды.
Гүлназ АСАН
