АИТВ (ВИЧ) - адамның иммун тапшылығы вирусы.
ЖИТС (СПИД) – жұқтырылған иммун тапшылығы синдромы.
Халықтың барлығы АИТВ/ЖИТС туралы білуі тиіс.
Кез келген адам АИТВ-ны жұқтырып алуы мүмкін, ол адамның жасына, жынысына, экономикалық жағдайына байланысты емес.
АИТВ жұқпасы адам ағзасына енген соң, иммундық жүйені зақымдап, түрлі инфекциялық ауруларға жол ашады.
АИТВ мынадай жағдайда жұғады:
- Қан арқылы.
- Жыныстық жолмен.
- АИТВ жұқпасы бар анадан балаға.
АИТВ-ның алдын алу шаралары:
1. Салауатты, әдепті өмір сүру.
2. Жауапты жыныстық катынас, адалдықты ұстану.
3. Есірткі, алкогольді қабылдамау.
Күн санап көбейіп келе жатқан АИТВ жұқпасының алдын алу шараларын насихаттау бәсеңсіген емес. Қазіргі таңда АИТВ-ны жыныстық жолмен жұқтыруы көптеп кездесуде, бұл дегеніміз әлі де жастардың АИТВ-на немқұрайлы қарайтынының белгісі.
Толық мағлұмат алу, тексерілуден өту үшін CПИД орталығына келіңіздер.
Айтарымыз өзіңнің, жанұяңның денсаулығы өз қолыңда, ағайын!
Дәрігер-зертханашы Оспанова А.С.
