Шымкент келбеті

Еліміздің Ата Заңының қабылданғанына биыл 27 жыл толды. Тәуелсіздіктің төлқұжаты саналған Конституциямызға биыл азаматтық қоғамның пікірін ескере отырып, бірқатар өзгеріс енгізілді.
Мемлекет басшысы «Біз адам құқығы мен бостандығын қорғау жүйесін кешенді түрде күшейтуге негізделген бағдарымызды жалғастыра береміз» деген болатын. Конституциялық реформа бүкіл құқық саласын жаңғыртуға жол ашады. Бүгінде елімізде тиімді құқық қорғау және сот жүйесін құруға мүмкіндік беретін реформалар қолға алынып жатыр. Бұл орайда сот саласының мамандарына, судьяларға қойылар талап та күшейген. Шымкент қалалық сотының судьясы Бақтияр НӘСІРДІНОВПЕН қазіргі жаңашылдықтар, ашықтық пен әділдікті қамтамасыз ету, сот саласындағы мәселелерді шешу тұрғысыда әңгімелескен едік.

Қаратау ауданында «Мектепке жол» қайырымдылық акциясы Асар шағынауданында жалғасын тапты. Аудандағы демеуші азаматтар бұл жолы 50 баланы мектепке қажетті кеңсе тауарлары, мектеп формасымен қамтамасыз етті.

Шымкентте азық-түлік тауарлары бағасын тұрақтандыру бойынша іс-шаралар қабылданды

Шымкент қаласында әлеуметтік маңызы бар азық-түлік тауарларының бағасын тұрақтандыру, тауарлардың бағасын негізсіз өсірмеу жөнінде бірқатар ірі сауда орындарымен келісімдер жасалған. Қалада тұрақтандыру қорының жұмысы, әлеуметтік маңызы бар азық-түлік тауарларының бағасын бақылау мақсатында арнайы баспасөз-туры ұйымдастырылды. Қалалық ауылшаруашылығы және ветеринария басқармасы басшысының орынбасары Қ.Базарбеков қалалық тұрақтандыру қорының жұмыс барысымен таныстырды. Іс-шара барысында жағдай тұрақты екеніне көз жеткіздік.

Шымкент қаласында «Этносаралық саладағы қақтығыстарды реттеу және медиация рәсімдерін өткізудің өзекті технологиялары» тақырыбында семинар-тренинг өтуде. Екі күнге жоспарланған іс-шараға этномәдени бірлестіктердің, ҮЕҰ өкілдері, мемлекеттік қызметкерлер мен ҚХА-ның қоғамдық медиаторлары қатысып жатыр.

Еңбекші ауданы – қаланың өндірістік аймағы саналады. Қазіргі таңда ауданда абаттандыру, жол инфрақұрылымын дамыту, жұмыспен қамту, жылу маусымына дайындық жұмыстары жоспарға сай атқарылуда. Еңбекші ауданының әкімі Досбол ЕСІЛБЕК бізге жеті айда атқарылған жұмыстарын және бірқатар мәселелерді баяндап берді.

«Оңтүстік» арнайы экономикалық аймағында орналасқан Bal Tekstil кілем фабрикасы еліміздегі жеңіл өнеркәсіп саласы көшбасшыларының бірі. 2013 жылы іске қосылған кәсіпорын жылдан жылға өндіріс көлемін ұлғайтып келеді. Кілем тоқу өндірісіндегі жаңа қадам – кәсіпорын өзінің 4-ші жаңа жобасын іске қосып, өнім қуаттылығын арттырмақ. Қазіргі таңда құрылыс жұмыстары аяқталып, тоқыма станоктары орнатылуда.

ҚХА төрағасының орынбасары, ҚР Президенті Әкімшілігі ҚХА хатшылығының меңгерушісі Марат Әзілханов Шымкент қалалық этномәдени бірлестіктер төрағалары, сондай-ақ, қаланың журналистері және блогерлерімен кездесіп, пікір алмасты. Жиынға Шымкент қаласы әкімінің бірінші орынбасары Шыңғыс Мұқан қатысты.